Sükan arxasında ürəyi dayanan sürücü avtomaşınla dərəyə aşdı
Yardımlı rayonu ərazisində ölümlə nəticələnən yol nəqliyyat hadisəsi baş verib.
"Ölkə.Az" xəbər verir ki, hadisə Yardımlı rayonunun Dəlləkli kəndi ərazisində baş verib.
65 yaşlı kəndi sakini Qurban Eyniyev idarə etdiyi “VAZ-2106” markalı avtomobili dərəyə aşırmış və sürücü aldığı xəsarətlərdən hadisə yerində ölmüşdür.
Kənd sakinlərinin dediyinə görə isə Qurban Eyniyevin avtomaşını idarə edən zaman qəflətən ürəyi dayanıb. Bu səbəbdən avtomaşın dərəyə aşıb.
Faktla bağlı araşdırma aparılır.
Natiq Allahverdiyev
Ölkə.Az
