Şumayxerdən xəbər var
2013-cü ildə Alp dağlarında qəzaya uğrayan və komaya düşən "Formula 1"-in əfsanəvi pilotu Mixael Şumayxer haqqında yeni iddia ortaya atılıb.
"Ölkə.Az" xəbər verir ki, İsveç mətbuatı Şumayxerin ABŞ-a aparılacağını bildirib. İddiaya əsasən, idmançı Amerikada beyin zədələri sahəsində ixtisaslaşmış bir mərkəzdə müalicə olunacaq.
48 yaşlı idmançı İsveçrədə, Cenevrə gölünün sahilindəki evində müalicə olunur. Ailəsi isə idmançı haqqında yeni qərar qəbul edib. Onun həyat yoldaşı Korinna beyin zədələri üzrə ixtisaslaşan bir mərkəz tapıb və ərini müalicə üçün Amerikaya aparacaq. Avropada belə bir mərkəz olmadığı üçün Şumayxer ailəsi Texasdakı fermasına köçəcək.
Hikmət Həsənov
Ölkə.Az
