"Sumqayıt" daha bir futbolçusu ilə yollarını ayırdı

14:05
09.06.2018
686
İdman
A
"Sumqayıt" klubu daha bir futbolçusu ilə yollarını ayırıb.

Klubdan “Ölkə.Az”a verilən məlumata görə, yarımmüdafiəçi Elnur Abdullayevin müqaviləsinə qarşılıqlı razılaşma əsasında xitam verilib.

Əvəzində qapıçı Mehdi Cənnətovla müqavilənin müddətini uzatmaqla bağlı ortaq məxrəcə gəlinib.

“Qarabağ”dan ayrılan Əfran İsmayıov və “Qəbələ”ni tərk edən Elvin Məmmədovla da ilkin razılıq əldə edilib. Qəbələ təmsilçisinin müdafiəçisi Yusif Nəbiyevin də yenidən icarə əsasında “Sumqayıt”ın formasını geyinəcəyi gözlənilir.

Qeyd edək ki, “Sumqayıt” yay fasiləsində Rail Məlikov, Vurğun Hüseynov, Bəxtiyar Həsənalızadə və Cavid Tağıyevin müqaviləsinin müddətini uzadıb. Əvəzində Amil Yunanov, Kamal Mirzəyev, Azər Salahlı, Vüqar Bəybalayev, Rəşad Eyubov və Tural Axundov klubu tərk edub. Bəhlul Mustafazadə müqavilə ilə məxsus olduğu “Qəbələ”yə döndüyü halda, Fərhad Vəliyev karyerasını başa vurub.

ŞƏRH YAZ
0

Voleybol üzrə Azərbaycan millisi İsveçi məğlub edib

Voleybol üzrə Azərbaycan millisi İsveçi məğlub edib
21:35
Bu gün
225
İdman
A
Voleybol üzrə kişilərdən ibarət Azərbaycan milli komandası 2019 Avropa çempionatının seçmə mərhələsində ilk oyununu keçirib.

"Ölkə.Az" Report-a istinadən xəbər verir ki, G qrupunda mübarizə aparan yığma İsveçlə üz-üzə gəlib.

Dərnəgül Voleybol Mərkəzində baş tutan qarşılaşma Azərbaycan millisinin əzmkar qələbəsi ilə başa çatıb - 3:2.

İlk iki setdə rəqibinə məğlub olan yığma növbəti üç setdə qələbə qazanıb. Bu nəticədən sonra Azərbaycan millisi aktivinə 2, İsveç isə 1 xal yazdırıb. 

Qeyd edək ki, Azərbaycan yığması növbəti oyununu avqustun 18-i səfərdə Lüksemburqa qarşı keçirəcək.

Avropa çempionatı seçmə mərhələsi, I tur

Azərbaycan - İsveç 3:2 (23:25,19:25, 26:24, 25:22, 15:10)

Ölkə.Az

ŞƏRH YAZ
0

Millimizdən tarixi qələbə — FOTO

Millimizdən tarixi qələbə
20:41
Bu gün
371
İdman
A
Kiyevdə keçirilən minifutbol üzrə Avropa çempionatında millimiz ilk qələbəsini qazanıb.

"Ölkə.Az" Oxu.Az-a istinadən xəbər verir ki, ilk iki oyunda uduzaraq növbəti mərhələ şansını itirmiş debütant millimiz qrupun autsayderi olan Türkiyə ilə qarşılaşıb.

Oyundan öncə komandalar qardaşlıq rəmzi olaraq birgə şəkil çəkdiriblər. Bundan sonra matça start verilib.

Millimizin üstünlüyü şəraitində keçən matçda komandamız 6:2 hesabı ilə qələbə qazanıb. 

Yığmamızdan qolları Asif Zeynalov (1-ci dəqiqə), Seymur Məmmədov (17, 18, 31), Vüsal İsayev (38) və Elvin Əlizadə (40) vurublar. Türklərdən isə qol müəllifi Kaan Çamkır (18, 27) olub.

Bununla da millimiz minifutbol üzrə Avropa çempionatında ilk qələbəsini qazanmaqla tarixə düşüb.

Qeyd edək ki, millimiz sabah Bakı vaxtı ilə saat 20:00-da qrupda sonuncu görüşünü keçirəcək. Rəqib Serbiya millisi olacaq.

Ölkə.Az

ŞƏRH YAZ
0
BAĞLA