“Sumqayıt” klubuna yeni baş məşqçi təyin olundu

“Sumqayıt” klubuna yeni baş məşqçi təyin olundu
23:09
07.06.2018
926
İdman
A
“Sumqayıt” Futbol Klubunda prezident Riad Rəfiyevin iştirakı ilə Müşahidə Şurasının növbəti iclası keçirilib.

"Ölkə.Az" klubun saytına istinadən xəbər verir ki, iclasda əsas məsələ komandanın baş məşqçisinin müəyyənləşdirilməsi olub. Şura üzvləri Nazim Süleymanovun namizədliyini müsbət qarşılayıblar.

Beləliklə, adıçəkilən mütəxəssis qarşıdakı iki mövsümdə “Sumqayıt” FK-nın baş məşqçisi vəzifəsini yerinə yetirəcək.

Ölkə.Az

ŞƏRH YAZ
0

Boksçularımız Dünya Kubokunda 1 qızıl və 2 bürünc medal qazandı

Boksçularımız Dünya Kubokunda 1 qızıl və 2 bürünc medal qazandı
21:15
Bu gün
204
İdman
A
Rusiyanın Xantı-Mansiysk şəhərində Sibirdə nefti kəşf edən həmyerlimiz Fərman Salmanovun xatirəsinə həsr olunmuş Neft Ölkələrinin XVI Dünya Kuboku keçirilib. Yarışda Azərbaycan millisinin boksçuları da güclərini yoxlayıblar.

Azərbaycan Boks Federasiyasından "Ölkə.Az"a verilən məlumata görə, təmsilçilərimizdən Məhəmməd Abdullayev turniri qızıl medalla başa vurub. Doxsan bir kiloqramdan yuxarı çəki dərəcəsində mübarizə aparan idmançımız finalda fransalı Camili Aboudo-Moindzeni 5:0 hesabı ilə məğlub edib.

Məhəmməd Abdullayevlə yanaşı, Məsud Yusifzadə (52 kq) və Rauf Rəhimov (81 kq) da fəxri kürsüdə yer alıblar. Boksçularımız yarışı üçüncü pillədə başa vurublar. Onlar yarımfinalda müvafiq olaraq, rusiyalı Bator Saqulayev (1:4) və fransalı Ntambve Qaetana (0:5) uduzublar.

Beləliklə, Neft Ölkələrinin Dünya Kubokunda 1 qızıl və 2 bürünc medal qazanan kişilərdən ibarət yığmamız komanda hesabında üçüncü yeri tutub. Ev sahibi Rusiya isə həm kişilərin, həm də qadınların mübarizəsində birinci olub. Onlar 16 ölkənin qatıldığı turnirdə 32 (10-9-13) medala yiyələniblər.

Ölkə.Az

ŞƏRH YAZ
0

İdmançılarımız üç medal qazandı

İdmançılarımız  üç medal qazandı
18:13
Bu gün
1322
İdman
A
Karate üzrə yeniyetmə və gənclərdən ibarət milli komandamız Venesiyada keçirilən ilin sonuncu liqa turnirində üç medal qazanıb.

Azərbaycan Milli Karate Federasiyasından "Ölkə.Az"a bildiriblər ki, 14-15 yaşlı yeniyetmələrin yarışında Hüseyn Məmmədli (57 kq) və Tale Yaqubov (63 kq) qızıl medal qazanıblar. Turnirdə 16-17 yaşlı idmançıların mübarizəsində isə Əminağa Quliyev (61 kq) gümüş medala sahib olub. 

Qeyd edək ki, 16-17 yaşlı gənclərdən ibarət komandamızın liderlərindən olan Polina Qurenko (53 kq) məşqlərdə zədələndiyi üçün yarışa qatıla bilməyib. 

Dünya Karate Federasiyasının (WKF) bu ildən etibarən təşkil etməyə başladığı gənclər liqası beynəlxalq turnirinin yekun yarışında 67 ölkədən 2600-dən çox karateçi mübarizə aparıb. 

Bu yarış baş məşqçi Anar Allahverdiyevin rəhbərlik etdiyi yeniyetmə və gənclərdən ibarət komandamız üçün fevralda Danimarkada keçiriləcək Avropa çempionatına hazırlıq xarakteri daşıyıb. 

Ölkə.Az

ŞƏRH YAZ
0
BAĞLA