Sumqayıtda avtomaşın piyadanı vurub, elektrik dirəyinə çırpıldı
Sumqayıt şəhərində piyadanı ölümü ilə nəticələnən yol nəqliyyat hadisəsi baş verib.
"Ölkə.Az" xəbər verir ki, yanvarın 22-də saat 7 radələrində Sumqayıt şəhərinin Sülh küçəsində şəhər sakini E.Hüseynov idarə etdiyi “Mercedes” markalı mikroavtobusla yolu keçən həmyerlisi Tural Məmmədovu vurduqdan sonra idarəetməni itirdiyindən nəqliyyat vasitəsi yolun kənarındakı elektrik dirəyinə dəymişdir. Nəticədə piyada aldığı xəsarətlərdən hadisə yerində ölmüş, sürücü və sərnişininə xəstəxanada ilkin tibbi yardım göstərilmişdir.
Sumqayıt ŞPİ tərəfindən araşdırma aparılır.
Natiq Allahverdiyev
Ölkə.Az
