Sumqayıtda ər arvadını iş yerində bıçaqladı — TƏFƏRRÜAT

Sumqayıtda ər arvadını iş yerində bıçaqladı
10:41
14.05.2019
2265
Hadisə
A
Sumqayıt şəhərində əri tərəfindən bıçaqlanan qadın xəstəxanada vəfat edib.

"Ölkə.Az" publika.az-a istinadən xəbər verir ki, mayın 3-də şəhərin Nəriman Nərimanov küçəsində yerləşən mərkəzi bazarda 1972-ci il təvüllüdlü Əmənova Gülnaz Saməddin qızı həyat yoldaşı tərəfindən bıçaqlanıb. Kişi daha sonra bıçaqla özünə də xəsarətlər yetirib. Onların ikisi də xəstəxanaya yerləşdirilib.

Lakin G.Əmənova ötən gecə vəfat edib.

Qeyd edək ki, hadisədən əvvəl əri ilə dalaşan qadın acıq edərək atası evinə gedib. Bundan sonra həyat yoldaşı onun ticarət mərkəzində işlədiyi eynək dükanına gəlib. O, evdən gedən xanımını iş yerində bıçaqlayıb.

Faktla bağlı Sumqayıt şəhər Prokurorluğunda cinayət işi açılıb.

Ölkə.Az

ŞƏRH YAZ
0

Xırdalanda “Mercedes” yolda qazılmış xəndəyə düşdü — FOTO

Xırdalanda “Mercedes” yolda qazılmış xəndəyə düşdü
02:01
Bu gün
416
Hadisə
A
Abşeron rayonu, Xırdalan şəhəri ərazisində "Mercedes" markalı avtomobil qazılmış xəndəyə düşüb.

“Ölkə.Az” APA-ya istinadən xəbər verir ki, hadisə Heydər Əliyev prospektində qeydə alınıb. Qəza nəticəsində xəsarət alan olmayıb.

Bildirilir ki, həmin prospektdə bir müddətdir ki, kanalizasiya xətlərinin yenilənməsi işləri görülür. Avtoqəza baş verməzdən əvvəl orada xəbərdaredici nişanların olub-olmaması barədə məlumat yoxdur.

Ölkə.Az

ŞƏRH YAZ
0

Ermənilər Ağdamda yanğın törətdi

Ermənilər Ağdamda yanğın törətdi
00:46
Bu gün
665
Hadisə
A
Erməni hərbi birləşmələri nəzarət etdikləri Azərbaycan torpaqlarında yenidən yanğın törədib.

“Ölkə.Az” APA-ya istinadən xəbər verir ki, alov Ağdamın işğal altında olan Güllücə kəndi ərazisində meydana gəlib.

Kəndin ərazisində başlayan yanğın daha sonra xarabalığa çevrilən digər ərazilərə yayılıb. Hazırda yanğın həmin istiqamətdəki bütün yaşayış məntəqələrindən müşahidə olunur.

Ölkə.Az

ŞƏRH YAZ
0
BAĞLA