Sumqayıtda kəskin iy-qoxunun səbəbi nədir?
Ekologiya və Təbii Sərvətlər Nazirliyinin əməkdaşları Sumqayıtda “Azərikimya” İstehsalat Birliyinin Etilen-Polietilen zavodu ətrafında havada qeydə alınan kəskin iy-qoxu ilə bağlı daxil olan məlumat əsasında hadisə yerinə gediblər.
"Ölkə.Az" Ekologiya və Təbii Sərvətlər Nazirliyinə istinadən xəbər verir ki, kəskin iy-qoxunun yayıldığı ərazidə və ətrafda monitorinq və araşdırmalar aparılıb, atmosfer havasından nümunələr götürülüb.
Nazirliyin Milli Monitorinq Departamentinin direktoru Ramal Bağırov bildirib ki, aparılan araşdırmalar və götürülən nümunələr əsasında ətrafa yayılan iy-qoxunun mənşəyi, ətraf mühitə təsirləri barədə rəy veriləcək.
Araşdırmalar davam etdirilir.
Ölkə.Az
