Sumqayıtda nazirlik əməkdaşını qətlə yetirən şəxs KİM imiş?

Sumqayıtda nazirlik əməkdaşını qətlə yetirən şəxs KİM imiş?
22:57
13.05.2019
707
Hadisə
A
Sumqayıtda Fövqəladə Hallar Nazirliyinin əməkdaşını qətlə yetirən şəxsin kimliyi məlum olub.

"Ölkə.Az"ın məlumatına görə, qətl hadisəsini Sumqayıt şəhər sakini, 1970-ci il təvəllüdlü İbrahimov Şəmsəddin Yapon oğlu törədib.

Məlumatda bildirilir ki, Ş.İbrahimov Fövqəladə Hallar Nazirliyinin Sumqayıt Regional İdarəsinin həyətinə gələrək oranın işçisi Kərimov Emin Vəli oğlu ilə şəxsi münasibətlər zəminində mübahisə edib.

Mübahisə nəticəsində Ş.İbrahimov özü ilə gəzdirdiyi bıçaqla E.Kərimovun ürəyinə iki zərbə endirib. E.Kərimov aldığı xəsarətlərdən hadisə yerində dünyasını dəyişib.

Hadisədən sonra Ş.İbrahimov könüllü olaraq polisə təslim olub.

Faktla bağlı Sumqayıt şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlayıb.

Xatırladaq ki, mayın 8-də səhər saatlarında Sumqayıt şəhər sakini, Fövəqladə Hallar Nazirliyinin Xüsusi Riskli Xilasetmə Xidmətinin əməkdaşı, 1984-cü il təvəllüdlü çavuş Kərimov Emin Vəli oğlu iş yerinin həyətində qətlə yetirilib.

Ölkə.Az

ŞƏRH YAZ
0

Bakıda iki maşın toqquşub, bir nəfər yaralanıb

Bakıda iki maşın toqquşub, bir nəfər yaralanıb
01:30
Bu gün
187
Hadisə
A
Bakının Nizami rayonunda yol qəzası baş verib.

"Ölkə.Az" bildirir ki, Xəzər Universitetinin yaxınlığında iki avtomobilin toqquşması nəticəsində 1995-ci il təvəllüdlü İbrahimov Vüsal xəsarət alıb.

Yaralı dərhal 3 saylı Şəhər Klinik Xəstəxanasına yerləşdirilib. Ona döş qəfəsinin əziyi diaqnozu qoyulub.

Ölkə.Az

ŞƏRH YAZ
0

Bakıda 17 yaşlı qız səhər evdən çıxdı və ... itkin düşdü

Bakıda 17 yaşlı qız səhər evdən çıxdı və ... itkin düşdü
23:23
21.05.2019
582
Hadisə
A
Bakıda yeniyetmə qız itkin düşüb.

"Ölkə.Az"ın məlumatına görə, məlumatına görə, hadisə paytaxtın Binəqədi rayonu ərazisində baş verib.

Sulutəpə qəsəbəsi, R.Allahverdiyev küçəsi 11-ci döngədə yaşayan, 2002-ci il təvəllüdlü Əliyeva Aytac İlqar qızı mayın 18-də səhər saat 9 radələrində yaşadığı evdən çıxıb və bir daha geri qayıtmayıb.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA