Sumqayıtda qətl — Keçmiş məhkum həmyerlisini küt alətlə öldürdü

Sumqayıtda qətl
12:55
09.11.2018
1230
Hadisə
A
Sumqayıt şəhəri 21-ci məhəllə ərazisində yaşayan şəhər sakini Daşqın Hüseynov koma vəziyyətində xəstəxanaya yerləşdirilib və orada dünyasını dəyişib.

Daxili İşlər Nazirliyindən "Ölkə.Az"a verilən məlumata görə, hadisə ilə bağlı Sumqayıt şəhər Polis idarəsinə məlumat daxil olan kimi D.Hüseynovun ölümünün səbəbləri araşdırılıb. 

Araşdırma zamanı müəyyən edilib ki, mərhum yaşadığı evin yaxınlığında naməlum şəxslə mübahisə edib və döyülüb.

Polis əməkdaşları tərəfindən həyata keçirilən əməliyyat-axtarış tədbiri nəticəsində hadisəni törətməkdə şübhəli bilinən şəhər sakini, əvvəllər məhkum olunmuş Rafiq Nərimanov saxlanılaraq istintaqa təqdim edilib. O, ifadəsində hadisə günü dünyasını dəyişən şəxslə arasında münaqişə baş verdiyini və onun baş nahiyəsinə küt alətlə xəsarət yetirdiyini bildirib.

Faktla əlaqədar şəhər prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb, istintaq tədbirləri davam etdirilir.

Ölkə.Az

ŞƏRH YAZ
0

Bakı-Qazax yolunda 3 mikroavtobus qəzaya düşüb, yaralananlar var — YENİLƏNİB

Bakı-Qazax yolunda 3 mikroavtobus qəzaya düşüb, yaralananlar var
03:15
Bu gün
987
Hadisə
A
Bakı-Qazax yolunda baş vermiş iki ayrı qəza nəticəsində yaralananların şəxsiyyəti məlum olub.

"Ölkə.Az" report-a istinadən bildirir ki, mikroavtobusla "VAZ-2106" markalı avtomobilin toqquşması nəticəsində "VAZ"da olan sərnişin - 1999-cu il təvəllüdlü Tərtər rayon sakini Elgiz Şirinov xəsarət alıb.

İki mikroavtobusun toqquşması nəticəsində xəsarət alanalar isə 1989-cu il təvəllüdlü Bakı şəhər sakini Alek Sərxanov və 1968-ci il təvəllüdlü Qazax rayon sakini Fariz Carçıyevdir.

Onların vəziyyətinin kafi və qənaətbəxş olduğu bildirilir.

Hadisə şahidlərinin sözlərinə görə, iki mikroavtobusun toqquşmasına onlardan birinin sürücüsünün avtobusu yol kənarında saxlayaraq, həmin yerdə baş vermiş birinci qəzaya baxması səbəb olub. Bu zaman arxadan gələn digər mikroavtobus ona çırpılıb.

Faktla bağlı Baş Dövlət Yol Polisi İdarəsinin əməkdaşları tərəfindən araşdırma aparılır.

***

Bakı-Qazax avtomobil yolunda 3 nəfərin xəsarət alması ilə nəticələnən qəza baş verib.

Yolun "Stansiya Goran" ərazisindən keçən hissəsində mikroavtobusla "VAZ-2106" markalı maşın toqquşub.

Nəticədə "VAZ"da olan bir sərnişin xəsarət alıb.

Qəzadan bir müddət sonra həmin ərazidə daha 2 mikroavtobus toqquşub. İkinci qəzada isə 2 nəfər xəsarət alıb. Hər 3 xəsarət alan şəxs xəstəxanaya aparılıb.

Faktla bağlı araşdırma aparılır.

Ölkə.Az

ŞƏRH YAZ
0

Yolu keçmək istəyən qadını maşın vurdu

Yolu keçmək istəyən qadını maşın vurdu
00:22
Bu gün
1695
Hadisə
A
Sabunçu rayonunda sürücü piyadanı vuraraq öldürüb.

"Ölkə.Az" oxu.az-a istinadən bildirir ki, hadisə axşam saatlarında, Bilgəh sanatoriyasının qarşısında baş verib. “AzSamand” markalı minik avtomobili yolu keçmək istəyən piyada, 1961-ci il təvəllüdlü Əhmədova Radiyyə Niftalı qızını vurub.

Yaralı dərhal təcili tibbi yardım maşını vasitəsilə 3 saylı Şəhər Klinik Xəstəxanasına çatdırılıb. Həkimlərin səylərinə baxmayaraq, qadın dünyasını dəyişib.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA