Sumqayıtda qətl — Keçmiş məhkum həmyerlisini küt alətlə öldürdü

Sumqayıtda qətl
12:55
09.11.2018
1254
Hadisə
A
Sumqayıt şəhəri 21-ci məhəllə ərazisində yaşayan şəhər sakini Daşqın Hüseynov koma vəziyyətində xəstəxanaya yerləşdirilib və orada dünyasını dəyişib.

Daxili İşlər Nazirliyindən "Ölkə.Az"a verilən məlumata görə, hadisə ilə bağlı Sumqayıt şəhər Polis idarəsinə məlumat daxil olan kimi D.Hüseynovun ölümünün səbəbləri araşdırılıb. 

Araşdırma zamanı müəyyən edilib ki, mərhum yaşadığı evin yaxınlığında naməlum şəxslə mübahisə edib və döyülüb.

Polis əməkdaşları tərəfindən həyata keçirilən əməliyyat-axtarış tədbiri nəticəsində hadisəni törətməkdə şübhəli bilinən şəhər sakini, əvvəllər məhkum olunmuş Rafiq Nərimanov saxlanılaraq istintaqa təqdim edilib. O, ifadəsində hadisə günü dünyasını dəyişən şəxslə arasında münaqişə baş verdiyini və onun baş nahiyəsinə küt alətlə xəsarət yetirdiyini bildirib.

Faktla əlaqədar şəhər prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb, istintaq tədbirləri davam etdirilir.

Ölkə.Az

ŞƏRH YAZ
0

Qazaxda avtomobil ağaca çırpılıb — Sürücü xəsarət alıb

Qazaxda avtomobil ağaca çırpılıb
21:30
Bu gün
3286
Hadisə
A
Qazax rayonunda avtomobil qəzası baş verib.

"Ölkə.Az" report-a istinadən bildirir ki, rayonun Çaylı kənd yolunda hərəkətdə olan "VAZ-21012" markalı avtomobil idarəetmədən çıxaraq ağaca çırpılıb.

Qəza nəticəsində avtomobilin sürücüsü, Qazax rayon sakini, 1957-ci il təvəllüdlü Yüsif Nəbiyev müxtəlif bədən xəsarətləri alıb. O, Qazax rayon Müalicə və Diaqnostika Mərkəzinə aparılıb.

Faktla bağlı araşdırma aparılır.

Ölkə.Az

ŞƏRH YAZ
0

Bakıda avtobus sürücüləri arasında əlbəyaxa DAVA — VİDEO

Bakıda avtobus sürücüləri arasında əlbəyaxa DAVA
18:32
Bu gün
4679
Hadisə
A
Ötən gün 202 nömrəli marşurut xətti ilə hərəkət edən iki avtobusun sürücüləri Biləcəridə sərnişinlərin gözü önündə əlbəyaxa davaya çıxıblar.

"Ölkə.Az" real.tv-yə istinadən xəbər verir ki, sürücülər hətta sərnişinləri yolda düşürərək aralarındakı münaqişəyə aydınlıq gətirmək üçün oranı tərk ediblər. Avtobuslarda baş verən neqativ hallarla bağlı məsələni dəfələrlə işıqladırsaq da görünür bundan nə daşıyıcı şirkətlər nə də avtobus sürücüləri nəticə çıxarır.

Bakıda yaşayan və mütəmadi olaraq avtobuslardan istifadə insanlar həyatı boyu ən azı bir dəfə avtobuslarda istər sərnişinlərin öz aralarında, istərsədə sürücü sərnişin arasında baş verən münaqişələrin şahidi olurlar. Ümumiyyətlə ictimai nəqliyyat sahəsində ən ciddi problemlərdən biri bəlkədə ən asası sürücülərlə bağlıdır.

Bakı Nəqliyyat Agentliyinin mətbuat katibi Mais Ağayev bildirir ki, məlum hadisə ilə bağlı dərhal Bakı Nqəliyyat Agentliyi tərəfindən də araşdırmalara başlanılıb və “Çinar trans” MMC-nin rəhbərliyi Bakı Nəqliyyat Agentliyinə çağrılaraq izahat tələb olunub.

Mais Ağayev bildirir ki, avtobus sürücülərinin bu hərəkəti yolverilməzdir. Daşıyıcılar sürücülərin maarifləndirilməsi və gündəlik təlimatlandırırması işinə daha diqqətlə yanaşmalıdırlar. 

 

Ölkə.Az

ŞƏRH YAZ
0
BAĞLA