“Superman”in sevgilisi vəfat etdi
“Superman” serialında Luis Leyn xarakterini canlandıran kanadalı aktrisa Marqot Kidder vəfat edib.
“Ölkə.Az” xəbər verir ki, 69 yaşlı aktrisa ABŞ-ın Montana ştatındakı evində dünyasını dəyişib.
Marqot 1970 və 1980-ci illərin məşhur “Superman” filmlərində (4 seriya) film qəhrəmanının platonik sevgilisi, jurnalist Luis Leyn obrazını canlandırmışdı.
Kanadalı aktrisa şöhrət əldə etdikdən sonra psixoloji problemlərlə üzləşmişdi. 1996-cı ildə isə yoxa çıxaraq mətbuatın gündəminə çevrilmişdi.
Hikmət Həsənov
Ölkə.Az