Şura rəsmisi: “Bu dinləmələr Ermənistana dəstəyin növbəti formasıdır”

Şura rəsmisi: “Bu dinləmələr Ermənistana dəstəyin növbəti formasıdır”
18:33
18.10.2017
75
Siyasət
A
Oktyabrın 18-də ABŞ-ın Helsinki Komissiyasının ermənipərəst rəhbəri Kristofer Smitin təşəbbüsü ilə Dağlıq Qarabağ müharibəsinin yenidən başlanmasının mümkünlüyü və bu məsələdə ABŞ və ATƏT-in rolu mövzusunda dinləmələr keçiriləcəyi bildirilir.

Müstəqilliyimizin bərpasının 26-cı ildönümü günündə təşkil olunacaq bu dinləmələrlə bağlı Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Mətbuat və ictimaiyyətlə əlaqələr bölməsinin rəhbəri Elməddin Behbud fikirlərini bildirib:

- Hazırda bir sıra beynəlxalq qurumlar və böyük dövlətlər tərəfindən Azərbaycana qarşı “qara piar” kampaniyası aparılır. Əlbəttə, İraqa, Suriyaya, eləcə də postsovet ölkələrindəki münaqişələrə bəslədikləri ziddiyyətli və riyakar münasibətin “insan haqları”, “demokratiya” adlı örtüklərini tamamilə üzərindən atan bu qurumlar etiraf etmək istəməsə də, aydın görünür ki, onların antiazərbaycan fəaliyyətində erməni lobbisinin danılmaz, altından xüsusi cizgiylə çəkiləcək dərəcədə təsiri var. Helsinki Komissiyanın ermənipərəst rəhbəri Kristofer Smitin məlum təşəbbüsü də ölkəmizə qarşı bu sıradan olan hücumlar kateqoriyasına aiddir. Maraqlıdır ki, Helsinki Komissiyasının bütün prinsiplərini son 25 ildə tapdalamış Ermənistanın əleyhinə hansısa bir tənqidi fikir səsləndirməyən və işğalçı ölkəni bu gün də davam etdirdiyi hüquqa və insanlığa zidd əməllərdən çəkinməyə vadar edən heç bir praktiki addım atmayan komissiya üzvləri bölgənin mühüm siyasi-iqtisadi platforması olan Azərbaycana qarşı hər cür əsassız iddialar irəli sürməkdən çəkinmirlər. Bu dinləmələrin məqsədi yalnız Ermənistanın əməllərini leqallaşdırmağa yönəlib və anti-Azərbaycan xaraktei daşıyır. Birmənalı şəkildə söyləmək olar ki, bu dinləmələr Ermənistana dəstəyin növbəti formasıdır.

Elməddin Behbud xatırladıb ki, Kristofer Smit hələ 1992-ci il oktyabr ayının 24-də ABŞ-ın Azərbaycana dövlət yardımının qarşısını alan Azadlığı Müdafiə Aktına 907-ci düzəlişin hazırlanmasında və qəbul edilməsində də böyük canfəşanlıq göstərmiş şəxsdir. O cümlədən, bir sıra ölkələrdə qondarma erməni soyqırımının tanınmasında da bu şəxsin xüsusi “əməyi” vardır. Bu şəxsin demək olar ki, fəaliyyətinin ana xətti Azərbaycan və Türkiyənin əleyhinə olan kampaniyalara qoşulmaqdan ibarətdir. 

“Təəssüflər olsun ki, Azərbaycanın regional təhlükəsizlik, enerji daşıyıcıları və digər bir sıra məsələlərdə strateji müttəfiqi olan ABŞ-ın Helsinki Komissiyasının rəhbərliyində belə bir antiturk, ermənipərəst şəxs təmsil olunur. Bu dinləmələrin əsas məqsədi Ermənistana və onun Azərbaycan torpaqlarında yaratdığı cinayətkar, separatçı rejimə daha böyük həcmdə maliyyə dəstəyinə nail olmaqdır. Bununla da Ermənistanın separatçılıq fəaliyyətinə göz yummaq və münaqişənin həlli prosesində işğalçı ölkənin qeyri-konstruktiv siyasətinə “don” geyindirməyi hədəfləyirlər. Bütövlükdə bu həm də onu göstərir ki, ABŞ-ın Helsinki Komissiyasının prinsipləri və bu istiqamətdə fəaliyyəti yalnız kağız üzərindədir. Bu komissiya ilk növbədə münaqişənin həlli ilə bağlı qarşısına qoyduğu prinsipləri bir daha kobud şəkildə pozur. Bu isə Azərbaycan dövlətinin, vətəndaş cəmiyyəti institutlarının haqlı narazılığına səbəb olur”, - deyə o, bildirib.

ŞƏRH YAZ
0

Elmar Məmmədyarov fransalı həmkarı ilə Dağlıq Qarabağ münaqişəsini müzakirə edib

Elmar Məmmədyarov fransalı həmkarı ilə Dağlıq Qarabağ münaqişəsini müzakirə edib
00:09
Bu gün
137
Siyasət
A
Xarici işlər naziri Elmar Məmmədyarov Fransa Respublikasına işgüzar səfəri çərçivəsində Fransanın Xarici işlər naziri Jan-İv Lö Drian ilə görüşüb.

“Ölkə.Az” xəbər verir ki, görüşdə nazirlər Azərbaycan və Fransa arasında ikitərəfli münasibətlərin inkişafından məmnunluq ifadə etdilər və siyasi əlaqələrin daha da dərinləşdirilməsində yüksək səviyyəli səfərlərin vacibliyini vurğuladılar.

Tərəflər Ermənistan-Azərbaycan Dağlıq Qarabağ münaqişəsinin həlli prosesinə toxundular. Nazir Elmar Məmmədyarov Ermənistan-Azərbaycan münaqişəsi üzrə danışıqlar prosesinin son statusu haqqında həmkarına məlumat verdi və BMT Təhlükəsizlik Şurasının müvafiq qətnamələrinin tələblərinə uyğun olaraq münaqişənin həllində irəliləyişə nail olmaq üçün Ermənistan qoşunlarının Azərbaycanın işğal olunmuş ərazilərindən çıxarılmalı olduğunu vurğuladı. O, ATƏT-in Minsk qrupunun həmsədr ölkələrinin dövlət başçılarının dəfələrlə bəyan etdiyi kimi mövcud status-kvonun qəbuledilməz və qeyri-davamlı olduğunu vurğuladı. Azərbaycanın işğal olunmuş ərazilərində Ermənistan tərəfindən həyata keçirilən qeyri-qanuni əməllərə toxunan Elmar Məmmədyarov işğal olunmuş ərazilərdə Suriyadan olan ermənilərin yerləşdirilməsi, Azərbaycan xalqının maddi-mədəni irsinin talan və məhv edilməsi və ermənilərin heç vaxt yaşamadığı Cəbrayılda kilsənin tikilməsi kimi faktlara diqqəti çəkdi.

Elmar Məmmədyarov Azərbaycanın münaqişənin mərhələli şəkildə tezliklə həll edilməsi üçün substantiv, intensiv və məntiqi danışıqların tərəfdarı olduğunu bildirdi və bu xüsusda həmsədrlərə birgə səyləri davam etdirəcəyini dedi.

Nazirlər Azərbaycan və Fransa arasında iqtisadi sahədə əməkdaşlığın inkişafını təqdir etdilər və iki ölkə arasında ticarət dövriyyəsinin artırılması istiqamətində birgə səylərin daha da artırılmasının önəmini vurğuladılar.

Nazirlər həmçinin iki ölkə arasında iqtisadi əməkdaşlıq əlaqələrinin gücləndirilməsində Azərbaycan-Fransa İqtisadi Komissiyasının rolunu və Komissiyanın iclaslarının mütəmadi əsasda keçirilməsinin iqtisadi əlaqələrə müsbət təsirini qeyd etdilər.

Azərbaycanda Fransanın 50-dən çox şirkətinin fəaliyyət göstərdiyini bildirən Elmar Məmmədyarov Fransanın ölkəmizin neft və qaz sektorunda “Total Fina Elf”, “Total E&P Absheron” və “GDF Suez E&P” şirkətləri ilə təmsil olunduğunu bildirdi. Bu xüsusda, Azərbaycanın təşəbbüskarı və iştirakçısı olduğu irimiqyaslı enerji və infrastruktur layihələri barəsində məlumat verdi.

E.Məmmədyarov Azərbaycan hökuməti tərəfindən qeyri-neft sektorunun inkişafına xüsusi diqqət ayrıldığını bildirdi və İnformasiya və Kommunikasiya Texnologiyaları (İKT) sahəsinin Azərbaycanın prioritet sahələrinin sırasında, Fransanın isə bu sahədə aparıcı ölkələrdən biri olduğunu nəzərə alaraq, iki ölkə arasında İKT sahəsində əməkdaşlığın inkişafının vacibliyini diqqətə çatdırdı. O həmçinin Azərbaycanın ilk telekommunikasiya peyki - Azerspace-1 Fransanın “Arianespace” şirkətinin “Ariane-5” raketi ilə 2013-cü ilin fevralında Fransız Qvianasındakı kosmodromdan uğurla orbitə çıxarıldığını xatırlatdı və “Arianespace” şirkəti ilə imzalanmış müqavilə əsasında, Azərbaycanın Azerspace-2 ikinci telekommunikasiya peykinin 2018-ci ilin əvvəlində orbitə çıxarılması gözlənildiyini qeyd etdi.

Görüşdə həmçinin iki ölkə arasında humanitar sahədə əməkdaşlıq, müqavilə-hüquq bazasının genişləndirilməsi, eləcə də beynəlxalq gündəmin qarşılıqlı maraq doğuran məsələləri ətrafında geniş fikir mübadiləsi aparıldı.

Ölkə.Az

ŞƏRH YAZ
0

İlham Əliyev: “Türkiyə ilə Azərbaycan bu il də böyük layihələr həyata keçirəcək”

İlham Əliyev: “Türkiyə ilə Azərbaycan bu il də böyük layihələr həyata keçirəcək”
17:28
16.01.2018
503
Siyasət
A
Azərbaycan prezidenti İlham Əliyev Türkiyə Böyük Millət Məclisinin xarici əlaqələr komitəsinin rəhbəri Volkan Bozkırın başçılıq etdiyi nümayəndə heyətini qəbul edib.

"Ölkə.Az"-ın məlumatına görə, V. Bozkır bildirib ki, Bakıya budəfəki səfərinin məqsədi Azərbaycan Respublikası Milli Məclisinin beynəlxalq əlaqələr və parlamentlərarası münasibətlər komitəsi ilə birgə keçirilən iclasda iştirak etməkdir.

 Bir neçə gün sonra ölkəmizdə qanlı 20 Yanvar hadisələrinin ildönümünün qeyd olunacağını xatırlayan V. Bozkır 2018-ci ilin, eyni zamanda, bir neçə əlamətdar hadisələrlə də zəngin olacağını qeyd edib. Qonaq bu il Azərbaycan Xalq Cümhuriyyətinin yaradılmasının 100 illik yubileyinin, Qafqaz İslam Ordusunun Bakını erməni işğalından azad etməsinin 100-cü ildönümünün, həmçinin müstəqilliyini yenidən bərpa etdikdən sonra Azərbaycanın dövlət müstəqilliyini tanıyan ilk dövlətin Türkiyə olmasının 25 illiyinin təntənəli qeyd olunması ilə bağlı bir sıra tədbirlərin həyata keçiriləcəyini bildirib.

 Ötən il ərzində üç dəfə Türkiyəyə səfər etdiyini deyən prezident İlham Əliyev Türkiyə prezidentinin, baş nazirinin, həmçinin müxtəlif nazir və millət vəkillərinin Azərbaycana səfərlərinin əhəmiyyətini qeyd etdi, ölkələrimiz arasında dostluq və əməkdaşlıq əlaqələrinin daim möhkəmləndiyini, Azərbaycan ilə Türkiyənin beynəlxalq təşkilatlar çərçivəsində sıx əməkdaşlıq və qarşılıqlı dəstək nümayiş etdirdiklərini vurğulayıb.

 Dövlət başçısı Türkiyə Böyük Millət Məclisinin xarici əlaqələr komitəsinin rəhbəri Volkan Bozkırın Bakıya budəfəki səfərinin də öz növbəsində uğurlu olacağına, parlamentlərarası əlaqələrin Azərbaycan-Türkiyə birliyini və əməkdaşlığını daha da möhkəmləndirəcəyinə əminliyini ifadə edib. Prezident İlham Əliyev 2018-ci ilin ölkəmizin tarixində önəmli hadisələrlə zəngin bir il olacağına əminliyini bildirib, Türkiyə ilə Azərbaycanın bu il də böyük layihələr həyata keçirəcəklərini deyib.

ŞƏRH YAZ
0
BAĞLA