Şurada “qaçqın, köçkün, əlil və veteranların məsələləri” qrupuna aid QHT-lərlə görüş keçirilib

Şurada “qaçqın, köçkün, əlil və veteranların məsələləri” qrupuna aid QHT-lərlə görüş keçirilib
15:36
20.04.2017
66
Ölkə
A

Azərbaycan Respublikasının Prezidenti yanında QHT-lərə Dövlət Dəstəyi Şurasına  “qaçqın, köçkün, əlil və veteranların məsələləri” qrupundan üzv seçilən Tərxis Olunmuş Hərbçilərin Gəncləri Maarifləndirmə İctimai Birliyinin sədri Emin Həsənlinin təşəbbüsü ilə adıçəkilən sahə üzrə ixtisaslaşmış QHT-lərlə görüş keçirilib. 

Şura  sədri, Milli Məclisin deputatı Azay Quliyev qaçqın və məcburi köçkünlərin, veteran və şəhid ailələrinin əhalinin ən həssas təbəqəsindən olduğunu deyib. Bu istiqamətdə həyata keçirilən məqsədyönlü dövlət siyasəti haqqında danışan Azay Quliyev QHT-lərin də bu sahədə fəal olduğunu qeyd edib. Şura sədri Ermənistanın Azərbaycana qarşı etnik təmizləmə və hərbi təcavüzünün başlandığı ən ağır günlərdə silaha sarılaraq ərazi bütövlüyümüz uğrunda vuruşan insanların qəhrəmanlıqlarının heç zaman unudulmadığını və onların problemlərin həlli üçün dövlət qurumları ilə QHT-lərin yaxından əməkdaşlıq etdiyini vurğulayıb. 

Azay Quliyev Şuranın 2017-ci il II qrant müsabiqəsinin mövzularının əksəriyyətinin müharibədən zərər çəkən şəxslərin sosial-ictimai müdafiəsinin, düşmənə qarşı informasiya savaşının gücləndirilməsi, Ermənistanın Azərbaycana qarşı apardığı işğalçılıq siyasətinin ifşası olduğunu deyib. A. Quliyev Şuranın Qarabağ qaziləri, şəhid ailələri, qaçqın və məcburi köçkünləri hər zaman diqqətdə saxladığını və hər il bu istiqamət üzrə onlarla QHT layihəsini maliyyələşdirdiyini qeyd edib. Şura sədri bu sahədə fəaliyyətin uğurlu koordinasiyasına görə Şura üzvü Emin Həsənliyə təşəkkür edib və onun fəaliyyətinin təqdirəlayiq olduğunu vurğulayıb. Şura sədri həmçinin QHT-lərlə yaxından əməkdaşlığına görə Səfərbərlik və Hərbi Xidmətə Çağırış üzrə Dövlət Xidmətinə də təşəkkürünü bildirib. 

Qarabağ Əlilləri və Veteranları Cəmiyyətinin sədri Növrəstə Yusifovanı 65 illik yubileyi münasibəti ilə təbrik edən Azay Quliyev onun müharibənin od-alovunu içərisindən çıxan dəyərli qazilərimizdən olduğunu deyib. Şura sədri N. Yusifovanı həm QHT sahəsində səmərli fəaliyyəti, həm də Qarabağ qazisı kimi Təşəkkürnamə ilə təltif edib. 

Şura Katibliyinin icraçı direktoru Fərasət Qurbanov hər bir Şura üzvünün seçildiyi qrupun mövzu istiqaməti üzrə fəaliyyət göstərən QHT-lərlə keçiridiyi görüşlərin məqsədi və əhəmiyyəti haqqında məlumat verib. F. Qurbanov bildirib ki, Ermənistan-Azərbaycan, Dağlıq Qarabağ münaqişəsi ilə bağlı milli maraqlarımızın müdafiəsi istiqamətində fəaliyyət göstərən QHT-lərlə görüşməkdə məqsəd layihələrin icra vəziyyətini, effektivliyin və təşəbbüskarlığın artırılması mexanizmlərini müzakirə edərək uğuru nəticənin əldə olunmasını stimullaşdırmaqdır. 

Şura üzvü Emin Həsənli Azərbaycan həqiqətlərinin beynəlxalq ictimaiyyətə çatdırılmasında, müharibə qəhrəmanlarımızın tanıdılması, gənc nəslin vətənpərvər ruhda yetişdirilməsində, antiazərbaycan dairələrin təxribatlarının qarşısının alınmasında QHT-lərin fəaliyyətinin mühüm əhəmiyyət daşıdığını deyib. Emin Həsənli QHT-lərdən Ermənistanın törətdiyi vəhşiliklərin ifşası istiqamətində innovativ təşəbbüslər gözlədiyini deyib və onları milli məsələlərlə bağlı petisiyalarda fəallığı artırmağa dəvət edib. Şura üzvü QHT-lərin layihələrin icrası zamanı üzərlərinə düşən müqavilə öhdəliklərini dəqiq şəkildə icra etməsinin effektivliyin təmin olunmasında həlledici rola malik olduğunu vurğulayıb.

QHT rəhbərləri Mehdi Mehdiyev, Şəmistan Əlizamanlı, Mətanət Əsgərqızı, İradə Rizazadə, Samir Adıgözəlli, Sərraf Oruc, Məmmədhəsən Həsənov, Gəray Əlibəyov, Bəyimxanım Verdiyeva, Təhmasib Novruzov və digər şəxslər çıxış edərək layihələrinin icra prosesi zamanı qarşılaşdıqları məsələlər, Qarabağ həqiqətlərinin beynəlxaq ictimaiyyətə çatdırılması haqqında danışıblar. QHT nümayəndələri həmçinin mövzu ilə bağlı rəy və təkliflərini bildiriblər.

Ölkə.Az

ŞƏRH YAZ
0

Elçin Şıxlı: “Yeni yaradılan “Media klub” Mətbuat Şurasına alternativ deyil”

Elçin Şıxlı: “Yeni yaradılan “Media klub” Mətbuat Şurasına alternativ deyil”
11:00
Bu gün
45
Ölkə
A
Azərbaycanın müstəqil media ictimaiyyətinin bir qrup nümayəndəsi tərəfindən “Media klub” yaradıldığı elan edilib.

Bu barədə “Ölkə.Az”a açıqlamasında “Ayna” və “Zerkalo” qəzetlərinin təsisçisi və baş redaktoru, Azərbaycan Jurnalistlər Birliyinin sədri Elçin Şıxlı məlumat verib. 

Klubun yaradılmasında özünün də yaxından iştirak etdiyini vurğulayan E.Şıxlı bildirib ki, klubun əsas məqsədi Azərbaycanda müstəqil və sağlam informasiya məkanının formalaşdırılması, mediada mövcud olan problemlərin müzakirəsidir:

“Biz bu müzakirələr nəticəsində hər hansı jurnalist araşdırmaları aparacağıq. Misal üçün, mediada etik normaların pozulması və digər məsələlərlə bağlı müzakirələr və araşdırmalar aparılacaq. Konkret göstərəcəyik ki, filan televiziya verilişində, radioda və məqalədə etik normalar pozulub. Biz də etik normaların nəyə görə pozulduğunu göstərəcəyik”.

E.Şıxlı deyib ki, klubda vəzifə bölgüsü olmayacaq: 
“Klubda sədr və ya digər vəzifələr olmayacaq. Hamı eyni səlahiyyətdə müzakirələr aparacaq. Klub isə müzakirələrə açıq olacaq”.
E.Şıxlı klubun fəaliyyətinin Mətbuat Şurasına alternativ kimi yaradılmadığını söyləyib:

“Yeni yaradılan klub Mətbuat Şurasına altrenativ deyil. Sadəcə olaraq, biz Mətbuat Şurasının görmədiyi işləri ictimaiyyətin diqqətinə çatdıracağıq”.
Qeyd edək ki, “Media klub”un yaradılması haqqında bəyanatı Arif Əliyev, Elçin Şıxlı, Elimdar Əliyev, Ələsgər Məmmədli, Əvəz Zeynallı, Qulu Məhərrəmli, Mehman Əliyev və Zahir Əzəmət imzalayıblar.

Sənəddə qeyd edilir ki, media ictimaiyyətinin nümayəndələri Azərbaycanda müstəqil, keyfiyyətli və məsuliyyətli KİV-in təşəkkülünə və onlara olan ictimai etimadın bərpa olunmasına kömək edəcək mühitin yaradılması, o cümlədən informasiya vasitələrinin manipulyasiya, təcavüz, təhqir və yalan sisteminə çevrilməsi cəhdlərinin qarşısının alınması məqsədi ilə səylərin birləşdirilməsini zəruri hesab edirlər.

Vasif Həsənli
Ölkə.Az

ŞƏRH YAZ
0

DİM: Dövlət qulluğu üzrə 88 müsahibədən 34-ü baş tutub

DİM: Dövlət qulluğu üzrə 88 müsahibədən 34-ü baş tutub
11:00
Bu gün
37
Ölkə
A
Dövlət İmtahan Mərkəzi (DİM) fevralın 7 və 8-də elan etdiyi dövlət qulluğuna qəbul üçün müsabiqənin müsahibə mərhələsi və fevralın 13-də elan etdiyi ümumi müsahibə üzrə qeydiyyatdan keçən namizədlərlə müsahibələri davam etdirir.

Mərkəzdən "Ölkə.Az"a verilən məlumata görə, müsahibələr Bakı şəhəri, həmçinin DİM-in Gəncə regional bölməsi də daxil olmaqla 11 müxtəlif yerdə təşkil edilib.

Bildirilib ki, gün ərzində keçirilməsi nəzərdə tutulan 88 müsahibədən 34-ü baş tutub, 54 müsahibə isə namizədlərin gəlməməsi səbəbindən keçirilməyib. Müsahibədə iştirak edən namizədlərdən 21-i iddia etdiyi vəzifəyə uyğun hesab edilib.

DİM-dən qeyd olunub ki, müsahibələrin təşkili və keçirilməsi üçün DİM və dövlət orqanları tərəfindən kifayət qədər vəsait və resurslar sərf olunur: "Xüsusilə nəzərə almaq lazımdır ki, müsahibələr regionlarda da keçirilir və bu məqsədlə DİM və dövlət orqanlarının nümayəndələri bu bölgələrə ezam olunurlar.

Dövlət İmtahan Mərkəzi namizədlərin nəzərinə çatdırır ki, onların müsahibədə iştirak etməmələri üzrlü hal kimi qəbul edilmir, namizədlərin məsuliyyətsizliyi kimi xarakterizə edilir və belə hallar DİM-in məlumat bazasında qeydiyyata alınır.

Müsahibələrdə iştirak etmək istəməyən namizədlər müsahibə tarixinə 1 gün qalmış, səhər saat 10:00-dək müraciətlərini buradan ləğv etməlidirlər".

Namizədlərlə müsahibələrin keçirilməsi mayın 15-dək davam edəcək.

ŞƏRH YAZ
0
BAĞLA