Suriya: ABŞ Trampı gözləyir, Qərb gücsüzdür, Rusiya hegemonluq edir

Suriya: ABŞ Trampı gözləyir, Qərb gücsüzdür, Rusiya hegemonluq edir
11:40
06.12.2016
8621
Analitika
A

Suriyada Hələb üzərində Rusiyanın dəstəyi ilə hökumət qüvvələrinin əldə etdiyi uğurlar artıq Qərbi çətin vəziyyətdə qoyub.

Ölkə.Az Qərb mətbuatına istinadən Suriya ətrafında baş verənlərin qısa təhlilini təqdim edir.

Hələbdə Bəşər Əsəd qüvvələrinin ardıcıl qələbələri Qərbin Suriyanı itirməsi anlamına gəlir. Əsədin bu uğurları fonunda Qərb ölkələrinin verdiyi bəyanat Avropa İttifaqı və hazırki ABŞ rəhbərliyinin narahatlığını açıq-aşkar biruzə verir.

İlk olaraq narahatlığını biruzə verən Fransa oldu. Hadisələrə başqa cür təsir edə bilməyən rəsmi Paris BMT Təhlükəsizlik Şurasının təcili iclasını çağırmağı tələb etdi. Fransa humanitar böhranı bəhanə edərək Suriyada hərbi əməliyyatların 1 ay müddətinə dayandırılmasını təklif etdi. Heç bir dövlətdən dəstək ala bilməyən Fransa nəticədə bu müddəti 24 saata endirdi.

Rəsmi Paris həmçinin İŞİD terrorçularının Suriyada kimyəvi silahdan istifadə etməsi barədə Təhlükəsizlik Şurasının bəyanat verməsini və bu barədə qətnamə qəbul etməsini istəyir. Amma bu qətnamədə bir cümlədə əks olunmuş "Suriya hökuməti də bu silahdan istifadə edib" fikri işləri korlayır.

Onsuz da Şurada Rusiyanın vetosu ilə qəbul edilməyəcək qətnaməyə görə heç kim Moskva ilə yenidən üz-göz olmaq istəmir.

Üstəlik Fransa ən yaxın tərəfdaşlarından da dəstək ala bilmir.

Hələ soyuq müharibə dövründə ABŞ, Fransa və Böyük Britaniyanın yaratdığı Qərb İttifaqı isə Rusiya qarşısında aciz duruma düşüb.

Bu ölkələrin "qardaş" dedikləri Fransanı tək buraxmaları da səbəbsiz deyil.

Birincisi, gələn il Fransa da prezident seçkiləri keçiriləcək və Fransua Olland hakimiyyəti təhvil verəcək. Artıq seçkidə sürpriz nəticələrə alışmış tərəfdaşlar növbəti prezidentin kimliyi bilinənə qədər gözləməyi üstün tuturlar.

Böyük Britaniyanın başı isə öz daxili problemlərinə yönəlib. Breksitdən sonra London yağlı əlini hələ öz başına çəkməyin hayındadır.

ABŞ-da isə vəziyyət Trampcadır. Putinə qardaş deyib, miqrantları qovmaqla məşğul olacağını deyən Trampın Suriya ilə bağlı hələ bir proqramı yoxdur. "Biz heç bir yerdə "rəngli inqilab" etməyəcik" bəyanatı isə yalnız Bəşər Əsədi sevindirə bilər.

Barak Obama administrasiyasının bu gün verdiyi bəyanat isə "daldan atılan daş topuğa dəyər" məsəlinə bənzəyir. Dövlət Departamentinin "Hələbdə qələbə çalmaq Suriyada hər şey deyil" bəyanatı yalnız ucuz hədə-qorxuya, el dilində desək "gəlmə vuraram"a bənzəyir.

Hazırda təcrübəsi və diplomatik gedişləri ilə hamını mat qoyan Putin isə əlverişli vəziyyətdən istifadə edərək mövqelərini möhkəmləndirir. Artıq Hələbdə hərbi bazasını yerləşdirmək barədə planlar quran rəsmi Moskva "S-300" raket sistemlərini Hələbə göndərməklə ciddiliyini sübut etdi.

Suriyanın müsəlman qardaşları isə daha böyük qardaş olan ABŞ-ın ağzına baxır. Heç kim özünü yandırmamaq üçün gözləmə mövqeyində durur.

Rusiya və Bəşər Əsəd artıq Hələbdə son dayanacağa yaxınlaşır. Amma son dayanacağın hara olduğunu Putindən başqa heç kim bilmir.

Qərbin hay-küyünə, İŞİD-in və müxalif qüvvələrin göz yaşına isə Moskva inanmır.

Ölkə.Az

ŞƏRH YAZ
0

“Ya pul verin, ya da hərbi bazalarınızı yığışdırın” — Yerevan Rusiyaya eyham vurur

“Ya pul verin, ya da hərbi bazalarınızı yığışdırın”
22:04
19.06.2018
5376
Analitika
A
Politoloq Stepan Qriqoryana inansaq, Ermənistan Gümrüdə Rusiya hərbi bazasının yerləşdiyi torpaq sahəsinə görə icarə haqqını artırmağa hazırlaşır.

"Ölkə.Az" Virtualaz.org-a istinadən xəbər verir ki, Qriqoryan baş nazir Nikol Paşinyanın həyat yoldaşının baş redaktoru olduğu “Haykakan jamanak” qəzetində dərc etdirdiyi və Ermənistan-Rusiya münasibətlərinə həsr olunmuş məqaləsində hesab edir ki, Rusiya hərbi bazaları üçün təmənnasız və müddətsiz torpaq sahəsi ayrılması ədalətsiz və misli görünməmiş hadisədir. O qeyd edir ki, hətta Rusiyaya heç də az “sadiq” olmayan Belarus, Tacikistan və Qırğızıstan da öz ərazilərində Rusiya hərbi bazalarının yerləşdirilməsinin müqabilində xeyli məbləğdə pul alırlar.

Metsamor AES-in Rusiyanın ixtiyarına verilməsi, bir sıra iri sənaye obyektlərinin və az qala ölkənin bütün energetika sisteminin Rusiyaya “hədiyyə” edilməsi ona gətirib çıxarıb ki, Ermənistan regionda bütün əsas “kozır”larını həmişəlik itirib. Eyni zamanda, Ermənistanda mövqelərini xeyli möhkəmləndirdikdən sonra Rusiya atom yanacağının qiymətlərini kəskin qaldırıb və atom-elektrik stansiyasının bağlanmasından əldə edə biləcəyi bütün üstünlüklərdən istifadə etməyə çalışır.

“Rusiya AES-in bağlanmasına kompensasiya olaraq Aİ-nin Ermənistana təqdim etməyə hazır olduğu maliyyə dəstəyini əlinə keçirməyə hazırlaşır. Müxtəlif dəyərləndirmələrə görə, bu yardım 500 milyon dollar təşkil edə bilər. Bundan sonra, faktiki olaraq, Türkiyənin Metsamor AES-in bağlanması tələbini yerinə yetirdikdən sonra Moskva Ankaradan Rusiya-Türkiyə münasibətlərinin digər sahələrində bir sıra güzəştlərə nail olacaq”, - politoloq bildirir.

Müəllifin əlində olan məlumatlara əsasən, Rusiya erməni maraqlarını hesaba almayaraq, Qarabağ münaqişəsinin tənzimlənməsi məsələsində Azərbaycana kifayət qədər güzəştə getməyə hazırdır. Bir şərtlə ki, Azərbaycan da Moskvaya güzəştə getsin.

“Rusiyanın niyyətləri özünü keçmiş SSRİ ərazisində mövcud olan “tanınmamış dövlətlər”ə münasibətinin analizində də görünür. RF-nin konsulluq xidmətləri Dnestryanının, Abxaziyanın və Cənubi Osetiyanın sakinlərinə tamamilə sərbəst şəkildə Rusiya vətəndaşlıq pasportları paylayır. Bu ərazilərin liderləri Moskvada dövlət səviyyəsində qəbul edilirlər. Bunu Rusiya tərəfindən açıq dəstəkdən məhrum olunmuş Dağlıq Qarabağ Respublikasının rəhbərliyi barədə demək mümkün deyil. Eyni zamanda, Ermənistan hakimiyyəti Rusiyanı özünün yeganə strateji tərəfdaşı hesab etməkdə davam edir”, - C.Qriqoryan hiddətini bildirir.

Ölkə.Az

ŞƏRH YAZ
0

“Paşinyann daha pozucu və təxribatçı siyasət aparmağa çalışır”

“Paşinyann daha pozucu və təxribatçı siyasət aparmağa çalışır”
00:56
10.06.2018
7327
Analitika
A
Ermənistanın Baş naziri Nikol Paşinyanın Azərbaycanın işğal olunmuş ərazilərində yaradılmış qondarma rejimin Dağlıq Qarabağ münaqişənin nizamlanması ilə bağlı danışıqlarda tərəf kimi iştirak etməli olduğu barədə bəyanatının məqsədi danışıqları uzatmaqdan başqa bir şey deyil.

"Ölkə.Az" xəbər verir ki, bunu Trend-ə açıqlamasında "Bakı Xəbər" qəzetinin baş redaktoru Aydın Quliyev deyib.

Baş redaktor bildirib ki, N.Paşinyan yeni vəzifəsində özünü konstruktiv göstərməyə cəhd etsə də, əslində özündən əvvəlki hakimiyyətdən daha aqressiv, daha pozucu və təxribatçı siyasət aparmağa çalışır:

"Paşinyan bu gün Qarabağ probleminin həlli üçün illərdən bəri formalaşmış danışıqlar formatını dəyişməyə cəhd edir. Onun qondarma rejimin danışıqlar prosesində tərəf kimi iştirakı ilə bağlı iddiası formatı dəyişmək cəhdidir. Bilirsiniz ki, ATƏT-in Minsk qrupunun mandatına uyğun olaraq münaqişənin tərəfləri Azərbaycan və Ermənistan, münaqişənin maraqlı tərəfləri isə Dağlıq Qarabağın Azərbaycan və erməni icmalarıdır. Danışıqlar da Azərbaycan və Ermənistan arasında gedir. Bu format çərçivəsində Azərbaycan indiyə qədər Dağlıq Qarabağ münaqişəsinin əsl mahiyyəti barədə dünyada lazımi rəy yarada bilib. Bütün dünya bilir ki, Dağlıq Qarabağ Azərbaycanın torpağıdır, Ermənistan təcavüzkardır, Azərbaycanın Dağlıq Qarabağ regionu və ətraf 7 rayonu işğal altındadır. Dünya artıq qəbul edir ki, Dağlıq Qarabağ münaqişəsi Azərbaycanın ərazi bütövlüyü çərçivəsində və ilkin olaraq status-kvonun dəyişdirilməsi şərtii lə həll olunmalıdır. Bu gün Paşinyan bu fikri ortaya atmaqla formalaşmış həmin siyasi və hüquqi çərçivəni dəyişməyi hədəfləyib. Burada da məqsəd Dağlıq Qarabağ münaqişəsində danışıqlar prosesini yubatmaqdan başqa bir şey deyil. Paşinyan indi də qondarma rejimi dünyaya müstəqil subyekt kimi tanıtmağa cəhd edir. Bu da danışıqları pozan, qeyri-konstruktiv hərəkətdir və indiyə qədər əldə olunmuş nəticələri alt-üst etmək məqsədi güdür. Çox güman ki, Minsk qrupunun həmsədrləri bunu anlayacaq və Paşinyanın bu siyasətinin qarşısında lazımi maneələri qoyacaq".

Ekspert qeyd edib ki, bu gün dünya Ermənistan-Azərbaycan, Dağlıq Qarabağ münaqişəsinin əsl mahiyyətini anladığı üçün Azərbaycan yalnız substantiv danışıqlara hazırdır:

"Vaxt uzatmaq, vaxt itirmək Azərbaycana sərf etmir. Paşinyanın məqsədi bu substantiv danışıqlardan yayınmaqdır. Amma məqsədinə çata bilməyəcək".

Ölkə.Az

ŞƏRH YAZ
0
BAĞLA