Suriya danışıqlarının altıncı raundu başladı

Suriya danışıqlarının altıncı raundu başladı
13:20
13.09.2017
210
Dünya
A
Qazaxıstanın paytaxtı Astanada Suriya böhranının həlli üçün danışıqların altıncı raundu başladı.

"Ölkə.Az" xəbər verir ki, "Astana-6" müzakirələrində Suriyada sülhün təminatçısı olan ölkələrin işçi qrupları görüş keçirir.

Danışıqların əsas mövzusu İdlibdə dördüncü zonanın yaradılması, digər regionlarda sülhün möhkəmləndirilməsi olacaq. Görüş qapalı rejimdə keçirilir.
Əvvəlcə ikitərəfli formatda görüşlər planlaşdırılır. Sonra isə BMT nümayəndələri də müzakirələrə qoşulacaq.

Rusiya, İran və Türkiyənin işçi qrupları görüşə başlayıblar. "Astana-6" danışıqlarında rəsmi Dəməşqin, Suriya müxalifətinin nümayəndə heyətləri, BMT-nin xüsusi nümayəndəsi Staffan de Mistura da iştirak edəcək. ABŞ və İordaniya müşahidəçi qismində iştirak edir.

Danışıqlar 3 gün davam edəcək.

Hikmət Həsənov
Ölkə.Az

ŞƏRH YAZ
0

İsveçdə 66 ilin ən isti yayı — Müsəlmanlar yağmur duası etdi

İsveçdə 66 ilin ən isti yayı
23:59
22.07.2018
523
Dünya
A
İsveçdə müsəlmanlar meşə yanğınlarının qarşısını almaq üçün yağmur duası edib.

“Ölkə.Az” xəbər verir ki, müsəlmanlar Stokholmda Tensta adlanan ərazidə toplanıb. Onlar ölkədə 40 yerdə davam edən meşə yanğınlarının qarşısının alınması üçün yağmur namazı qılıb. 

Namaza qatılan isveçli alim İohann Abhdulla Klominek İsveçdə 4 aydır, yağış yağmadığını, bunun üçün duaya çıxdığını deyib. O, ölkədə anormal quraqlıq olduğunu da əlavə edib. 

Sinoptiklər ölkədə son 66 ilin ən isti yayının müşahidə edildiyini açıqlayıb.

Ölkə.Az

 

ŞƏRH YAZ
0

İranda növbəti zəlzələ — 800 bina dağıldı, 287 yaralı var + YENİLƏNİB

İranda növbəti zəlzələ
23:45
22.07.2018
1337
Dünya
A
İranın qərbində Kermanşah vilayətində 5.9 bal gücündə baş verən zəlzələ nəticəsində xəsarət alanların sayı 287 nəfərə çatıb.

"Ölkə.Az" xəbər verir ki, zəlzələdən 43 kəndə ziyan dəyib, 101 bina isə tamamilə dağılıb.

Vilayətin şəhər və kəndlərində 800-dən çox binanın qismən dağıldığı bildirilir.

Hazırda təmir işləri aparılır.

***

İranda baş verən zəlzələ zamanı xəsarət alanların sayı 146 nəfərə çatıb.

"Ölkə.Az" xəbər verir ki, zəlzələ zamanı xəsarət alanlardan 21-i xəstəxanalara yerləşdirilib. 

***

İranda bu gün ərzində növbəti dəfə zəlzələ baş verib.

"Ölkə.Az" xəbər verir ki, İranın qərbindəki Kirmanşah əyalətində qeydə alınan zəlzələ 5,9 bal gücündə olub. 

Zəlzələ nəticəsində 128 nəfər xəsarət alıb. 

Ölkə.Az

ŞƏRH YAZ
1
BAĞLA