Suriya əməliyyatı ABŞ-a neçəyə başa gəldi?
ABŞ, İngiltərə və Fransa Suriyaya havadan raket zərbələri endirib.
“Ölkə.Az” xəbər verir ki, Rusiya tərəfi Suriya hava hücumundan müdafiə sistemi vasitəsilə 71 raketin zərərsizləşdirildiyini bildirir.
Hərbi ekspertlər isə, əməliyyatın 240 milyon dollara başa gəldiyini deyir.
ABŞ müdafiə nazirliyi əməliyyatın uğurla başa çatdığını və bu günə başqa əməliyyat planlaşdırılmadığını deyib. Koalisiya qüvvələri də əməliyyatı uğurlu adlandırıb.
Suriya mətbuatı isə, 103 “Cruise” raketindən 71-inin məhv edilidiyini yazır.
ABŞ Suriyadakı hədəfləri Aralıq dənizindəki gəmilərindən atdığı “Tomahawk” raketləri ilə vurub. Raketinin birinin qiyməti 1 milyon 590 min dollardır.
Hikmət Həsənov
Ölkə.Az
