“Suriyada antiterror əməliyyatı başa çatır”
“Ölkə.Az” xəbər verir ki, bu barədə Rusiyanın müdafiə naziri Sergey Şoyqu İsrailin müdafiə naziri Aviqdor Libermanla görüş zamanı deyib. Onun sözlərinə görə, hazırda Suriyada bir neçə vacib proseslərin icrası keçirilməkdədir.
“Suriyada əməliyyat başa çatmaq üzrədir. Hazırda Suriyada bir neçə məqam var ki, bu problemlər yaradır. Həmin problemlər təcili həll edilməlidir”, deyə S.Şoyqu bildirib.
S.Şoyqu vurğulayıb ki, Rusiya ilə İsrail arasında hərbi və hərbi-texniki əməkdaşlıq məsələləri də müzakirə obyekti olub. Danışıqlar zamanı Yaxın Şərqdəki vəziyyət və buradakı problemlərin həlli məsələlərinə də toxunulub.
Qeyd edək ki, Sergey Şoyqu bu gün İsrailə səfər edib. Rusiyalı nazirin İsrail səfəri iki gün davam edəcək.
Ziya Səccad
Ölkə.Az