Suriyada terror hücumu
Suriyada növbəti terror aktı törədilib.
"Ölkə.Az" xəbər verir ki, Suriyanın cənubundakı Dera rayonunda kamikadze terrorçu silahlı müxaliflərin düşərgəsinə hücum edib. Nəticədə 25 nəfər həlak olub, 40 nəfər isə yaralanıb.
Deranın İordaniya ilə sərhədi yaxınlığında Nasib səmtində müxalif qruplaşmaların təlim düşərgəsinə gecə saatlarında kamikadze-terrorçu hücum edib. Yataqxanaya edilən hücum nəticəsində ən azı 25 nəfər həlak olub. Yaralananların sayı 40-ı ötüb. Düşərgə rəsmiləri hücumun İŞİD tərəfindən törədildiyini düşünür.
Yaralılar ətrafdakı xəstəxanalara yerləşdirilib.
Hikmət Həsənov
Ölkə.Az
