Suriyada terrorçular rusiyalı mayoru öldürdülər

Suriyada terrorçular rusiyalı mayoru öldürdülər
22:38
20.04.2017
15
Dünya
A
Suriyada rusiyalı hərbçi hərbi müşavir, mayor Oleq Bordov həlak olub.

"Ölkə.Az" xəbər verir ki, hadisə terrorçuların hərbi hissəyə hücumu zamanı baş verib.Bu barədə Rusiyanın Müradifə Nazirliyi məlumat yayıb.

Məlumatda bildirilir ki, terrorçuların hücumu dəf edən zaman rusiyalı mayor ağır yaralanıb. Yaralı halda döyüşü davam etdirən Oleq Bordov qanaxmadan ölüb.

“Mayor Oleq Bordov qəhrəmancasına döyüşüb. Ağır yaralanmasına baxmayaraq, terrorçuların hərbi qarnizona girməsinə imkan verməyib. Çox təəssüf ki, mayor döyüş zamanı həlak olub. Ona ölümündən sonra dövlət medalı verilib”, - deyə məlumatda bildirilib.

Bundan başqa, Rusiya Müdafiə Nazirliyi “Reuters” Agentliyinin Suriyada döyüşlər zamanı 2 rus hərbçisinin ölümü barədə verdiyi informasiyanı yalan adlandırıb. Bildirilib ki, verilən xəbərin heç bir əsası yoxdur.

“Xəbəri verən agentlik heç bir mənbə göstərməyib. Heç ölən hərbçilərin birinin də adı qeyd edilməyib.Bizim Palmir ərazisində gedən döyüşlərdə heç bir hərbçimiz ölməyib”, - deyə əlavə olunub.

Ziya Saccad
Ölkə.az

ŞƏRH YAZ
0

İranlı general Səfəvi: "YPG qruplaşması Afrini işğal edib"

İranlı general Səfəvi:
14:28
Bu gün
190
Dünya
A
İranın ali ruhani lideri ayətullah Əli Xomeneinin ali hərbi müşaviri general Yəhya Rəhim Səfəvi Türkiyənin Afrin əməliyyatına münasibət bildirib.

"Ölkə.Az" xəbər verir ki, Səfəvi, YPG qruplaşmasnın Suriyanın suverenliyini pozaraq Aralıq dənizinə çıxış əldə etmək üçün Afrini işğal etdiyini bildirib.

"Zeytin Dalı" əməliyyatı ilə bağlı sualları cavablandıran general Səfəvi deyib: "ABŞ yeni ildə əsas strategiyasının "regiondakı münaqişə bölgələrini qorumaq-olduğunu bildirib. ABŞ 30 min nəfərlik yeni bir güc yaradaraq Türkiyənin cənubu ilə İraqdakı kürdlər üçün muxtar bir bölgə qurmaq istəyir. Digər tərəfdən kürdlər bunun daimi olması üçün Aralıq Dənizinə çıxış əldə etmək lazım olduğunu bilirlər və bu səbəbdən Afrini işğal etdilər. Kürdlərin bu həmləsi Suriyanın suverenliyini pozmaqdır. Bizə görə Türkiyə və  ABŞ-ın Suriya torpaqlarında olması da hüquqa ziddir. Suriya ordusu və dövləti buna icazə verməyəcək".

Hikmət Həsənov
Ölkə.Az

ŞƏRH YAZ
0

Qətərin rəsmi mövqeyi: "Türkiyəni dəstəkləyirik, lazım gəlsə..."

Qətərin rəsmi mövqeyi:
13:41
Bu gün
267
Dünya
A
Qətərin müdafiə naziri Əl-Attiyə Türkiyənin müdafiə naziri Nurəddin Canikli ilə "Zeytin Dali" əməliyyatını müzakirə edib.

"Ölkə.Az" xəbər verir ki, nazirin bəyanatına əsasən, Qətər "Zeytin Dalı" əməliyyatında sona qədər Türkiyəni dəstəkləyəcək və lazım gəlsə, hərəkata lazım olan bütün dəstəyi verəcək.

"MSB"-nin məlumatına əsasən, Əl-Attiyə ilə Canikli dünən gecə saatlarında telefonla danışıb. Qətərli nazir Türkiyənin tələbi doğrultusunda hərəkata lazım olan bütün dəstəyi verəcəklərini vurğulayıb.

Türkiyəli nazir isə həmkarına Türkiyənin milli təhlükəsizliyini təmin etmək üçün başladılan "Zeytin Dalı" əməliyyatı barədə məlumat verib.

Hikmət Həsənov
Ölkə.Az

ŞƏRH YAZ
0
BAĞLA