Suriyaya ikinci hücum
Ötən həftənin şənbə günü ABŞ, Fransa və İngiltərə Dumada kimyəvi silah istifadəsi iddialarından sonra Dəməşqə qarşı hava hücumu təşkil etmişdi.
“Ölkə.Az” xəbər verir ki, bu gün də gecə saatlarında növbəti hücumun təşkil edildiyini bildirilir.
Amerika mətbuatının xəbərinə əsasən, Hums vilayətinə atılan raketlər Suriya hava hücumundan müdafiə sistemi vasitəsilə məhv edilib. Bildirilir ki, raketlərin hədəfi “Şayrat” hərbi hava bazası olub. Amma raketlərin haradan və kim tərəfindən atıldığı barədə məlumat yoxdur.
ABŞ müdafiə nazirliyi isə, regionda heç bir hərbi əməliyyatın olmadığını bildirir.
Ərəb mətbuatı isə Suriyanın hava sahəsində İsrail qırıcılarının göründüyünü yazır.
Hikmət Həsənov
Ölkə.Az
