Sürücülərə şad xəbər: Cərimə meydançasından maşın çıxarmaq asanlaşdı

Sürücülərə şad xəbər: Cərimə meydançasından maşın çıxarmaq asanlaşdı
16:28
13.06.2018
5479
Ölkə
A
Bu günə qədər sürücülərin əsas problemlərindən biri, cərimə meydançasından avtomobil buraxılan zaman buraxılış vərəqəsinin tələb edilməsi idi.

"Ölkə.Az" avtostop.tv-yə istinadən xəbər verir ki, yeni sənin avtomobilin cəriməni ödəmədiyinə görə (və ya başqa bir səbəbdən) cərimə meydnaçasına aparılırsa, cəriməni ödədikdən sonra sən vaxt itirib DYP-ə gedib buraxılış vərəqəsini almalı idin. İndi bu yoxdur.

Əvvəllər praktikada belə olurdu. Avtomobil cərimə meydançasına salınırdı, cərimə meydançasında ödəniş etmək mümkün deyildi, sən banka gedirdin, sonra DYP-ə gedib uzun növbədə dayanırdın, min-bir zülümlə buraxılış vərəqəsini alırdın, gəlirdin cərimə meydançasına, oradan səndən hətta bir gün qalmasa belə pul alırdılar və daha sonra avtomobilin buraxılırdı. İndi isə artıq belə deyil.

5 iyun 2018-ci il tarixində DİN Naziri Ramil Usubovun qərarı ilə "Yol Patrul Xidməti Haqqında" təlimata dəyişiklik edildi.

"Nəqliyyat vasitəsinin saxlanılması səbəbinin aradan qaldırıldığı barədə lazımi sənədlər təqdim edildikdən və ya inzibati xəta törətmiş şəxs barəsində inzibati xəta haqqında protokol tərtib edildikdən, nəqliyyat vasitəsinin duracağa gətirilməsi və onun orada saxlanılması üçün haqq ödənildikdən dərhal sonra, saxlanılmış nəqliyyat vasitəsi sahibinə qaytarılır. Belə nəqliyyat vasitələrinin duracaqdan buraxılması üçün xüsusi icazə tələb olunmur. Nəqliyyat vasitəsi qanunsuz saxlanılmışdırsa və ya lazımi qaydada saxlanılmaması nəticəsində maddi zərər vurulmuşdursa, onun sahibi qanunla müəyyən edilmiş qaydada məhkəməyə müraciət edə bilər”.

Bundan sonra necə olacaq ? Avtomobiliniz cərimə meydançasına gətirilibsə, siz cəriməni ödədikdən sonra dərhal avtomobil buraxılmalıdır. Bir sutka tamam olmamış minik avtomobillərindən 1 manat tələb etmək olmaz!!! Buraxılış vərəqəsi ləğv edildiyinə görə, cərimə ödənilməsi barəsində qəbz təqdim edildikdən sonra, avtomobil sərbəst buraxılır. Qəbz elə buraxılış üçün əsas sayılır.

ŞƏRH YAZ
0

Xırdalanı kanalizasiya suyu basdı — VİDEO

Xırdalanı kanalizasiya suyu basdı
22:10
24.04.2019
1746
Ölkə
A
Abşeron rayon, Xırdalan şəhərində kanalizasiyanın daşması gediş-gəlişi çətinləşdirib. Xırdalan şəhərinin Nizami küçəsinin sakinləri küçənin kanalizasiya xətlərinin yararsız olmasından şikayətçidirlər.

"Ölkə.Az" milli.az-a istinadən xəbər verir ki, sözü gedən ərazinin sakinləri bu barədə öz şikayətlərini azmedia.az saytına bildiriblər. Sakinlərin sözlərinə görə problemlə bağlı müvafiq qurumlara dəfələrlə müraciət etsələr də, heç bir tədbir görülməyib. Fövqəladə Halların binasının yaxınlığındakı küçədə axan kanalizasi suyu piyadaların və nəqliyyat vasitələrinin hərəkətini çətinləşdirir. Sakinlər ağır xəstəlik tapacaqlarından ehtiyat edirlər. Küçəyə yayılan çirkab sular bəzi sakinlərdə, xüsusilə də azyaşlılarda allergik reaksiyalara səbəb olur.

Sakinlərin həmin ərazinin indiki durumu ilə bağlı redaksiyaya göndərdikləri kadrları təqdim edirik:

Ölkə.Az

ŞƏRH YAZ
0

Əmək və sosial sığorta məsələlərinə dair təkliflər müzakirə edilib — FOTO

Əmək və sosial sığorta məsələlərinə dair təkliflər müzakirə edilib
21:15
24.04.2019
658
Ölkə
A
Əmək və Əhalinin Sosial Müdafiəsi Nazirliyində (ƏƏSMN) Azərbaycanda Amerika Ticarət Palatasının (“AmCham Azərbaycan”) nümayəndələri ilə görüş olub.

Nazirlikdən "Ölkə.Az"a verilən xəbərə görə, görüşdə Əmək və Əhalinin Sosial Müdafiəsi naziri Sahil Babayev Azərbaycan Respublikasının Prezidenti İlham Əliyevin ölkəmizdə dayanıqlı sosial-iqtisadi inkişafı təmin edən siyasətində sahibkarlığın inkişafının dövlət tərəfindən dəstəklənməsinin xüsusi yer tutduğunu vurğulayıb. Nazir respubikamızda biznes və investisiya mühitinin yaxşılaşdırılması və şəffaflaşdırılması istiqamətində mühüm addımların atıldığını, nəticədə özəl sektorun ölkə iqtisadiyyatında çəkisinin əhəmiyyətli şəkildə artdığını qeyd edib.

S.Babayev əmək, məşğulluq, sosial müdafiə sahələrində islahatların geniş miqyas aldığını deyib. O, əmək qanunvericiliyinin təkmilləşdirilməsi və əmək bazarına, işçilərin hüquqlarının təminatına müasir texnologiyaların tətbiqi əsasında operativ və effektli nəzarət sisteminin yaradılması istiqamətində görülən işləri diqqətə çatdırıb.

Nazir yeni qurulan “Məşğulluq” altsisteminin məşğulluq xidmətlərinin keyfiyyətinin və çevikliyinin artırılması, işsiz və işaxtaranlara əlçatanlığının təmin olunmasına imkan verdiyini deyib. Bildirib ki, bu altsistem, eyni zamanda, işəgötürənlərin, o cümlədən “AmCham Azərbaycan”da təmsil olunan şirkətlərin müvafiq peşə və ixtisaslar üzrə işçi qüvvəsinə tələbatlarının ödənilməsi mexanizminin təkmilləşməsinə şərait yaradır.

Nazirliyin “AmCham Azərbaycan”la fəal əməkdaşlıq həyata keçirdiyini diqqətə çatdıran S.Babayev qeyd edib ki, Palatanın biznes mühiti ilə bağlı müşahidə və tövsiyələrdən ibarət “Ağ sənəd” layihəsində əmək və məşğulluq, sosial sığorta məsələləri ilə bağlı təklif və tövsiyələr də yer alır. Palatanın nümayəndələri ilə mütəmadi təşkil edilən belə görüşlərdə həmin təklif və tövsiyələrin öyrənilməsi əmək qanunvericiliyinin təkmilləşdirilməsi sahəsində aparılan işlərdə önəmlidir.

“AmCham Azərbaycan”ın prezidenti Nuran Kərimov əmək, məşğulluq, sosial müdafiə və təminat sahələrində aparılan islahatları maraqla izlədiklərini deyib. O, əmək və məşğulluq, sosial sığorta sahələrində həyata keçirilən islahat tədbirlərinin də əmək bazarı iştirakçılarının qanuni mənafelərinin daha dolğun təminatı baxımından əhəmiyyətini qeyd edib.

Görüş zamanı aparılan islahatlar, əmək bazarının tənzimlənməsi istiqamətində görülən işlərlə bağlı fikir mübadiləsi aparılıb, Palatanın təhsil və əmək məzuniyyətləri, ezamiyyə qaydaları və sosial sığorta ödənişlərinin optimallaşdırılması ilə bağlı təklif və tövsiyələri müzakirə olunub.

Ölkə.Az

ŞƏRH YAZ
0
BAĞLA