Sürücüləri 150 manat cərimələyəcək qanun dəyişdirilə bilər? — VİDEO

Sürücüləri 150 manat cərimələyəcək qanun dəyişdirilə bilər?
21:40
14.11.2017
6359
Ölkə
A
15 noyabr tarixindən etibarən avtomobillərin yan şüşələrinə quraşdırılan jalüzlərin istifadəsi qadağan olunacaq. Qaydalara riayət etməyən sürücülər məsuliyyətə cəlb ediləcəklər.

Ölkə.Az-ın xəbərinə görə, Bakı şəhər Dövlət Yol Polisi İdarəsinin Yol Hərəkətinin Təhlükəsizliyinin Təbliği və İctimai qurumlarla əlaqə bölməsinin rəisi, polis polkovniki Vaqif Əsədov Lider TV-yə açıqlamasında bildirib ki, nəqliyyat vasitələrinin arxa sağ-sol qapı şüşələrindən jalüz və ya görüntünü məhdudlaşdıran digər avadanlıqdan istifadə edilməsinə görə sürücülər Azərbaycan Respublikasının İnzibati Xətalar Məcəlləsinin müvafiq maddəsinin tələbinə əsasən, 150 manat məbləğində cərimə olunacaqlar.

Sürücülər isə məsələyə bu cür yanaşmanı birmənalı qarşılamayıblar.

Mövzu ilə bağlı daha ətraflı videomaterialı təqdim edirik:

 

ŞƏRH YAZ
0

Məşhur gecə klubunda şəxsi ədavət — MƏHKƏMƏ İŞİ

Məşhur gecə klubunda şəxsi ədavət
10:10
Bu gün
378
Ölkə
A
Bakı Ağır Cinayətlər Məhkəməsində gecə kubunda cinayət törədən şəxsin məhkəməsi başlayıb.

“Ölkə.Az”ın məlumatına görə, cinayət məcəlləsinin 126.1-ci maddəsi ilə təqsirləndirilən Abudov Xanlar Maşallah oğlunun məhkəmə prosesinə hakim Cavid Hüseynov sədrlik edəcək. 

Bu ilin mart ayında Yasamal rayonu, İzmir küçəsində yerləşən"Solfeggio Lounge & Club"da əlbəyaxa dava zamanı bir nəfər xəsarət alıb.

Belə ki, gecə saatlarında 1991-ci il təvəllüdlü Rəhimov Tərlan Aydın oğlu naməlum şəxslərlə əlbəyaxa dava edib. Naməlum şəxslərdən biri ona bir neçə bıçaq zərbəsi endirib. Yaralı təcili yardım avtomobili ilə 1 saylı Kliniki Tibbi Mərkəzə yerləşdirilib.

Araşdırmalar zamanı məlum olub ki, T. Rəhimovu Xanlar Abudov adlı şəxs bıçaqlayıb. İstintaq araşdırmaları zamanı məlum olub ki, onlar arasında çoxdan şəxsi ədavət olub. Ancaq uzun müddət bir-birini görməyən gənclər təsadüfən gecə klubunda rastlaşıblar. Aralarındakı ədavəti çözə bilməyən gənclərin əlbəyaxa davası qanla nəticələnib.

ŞƏRH YAZ
0

Etimad İsmayılov son mənzilə belə yola salındı — FOTOLAR

Etimad İsmayılov son mənzilə belə yola salındı
09:43
Bu gün
1146
Ölkə
A
Azərbaycanlı biznesmen Etimad İsmayılov İstanbul şəhərinin Florya bölgəsində, biznesmenin ofisində qətlə yetirilib.

“Ölkə.Az” xəbər verir ki, İsmayılovu keçmiş polis rəisi, iş adamı, azərbaycanlı Gözəl Dəmirov odlu silahdan qətlə yetirib.

İstanbulun Florya məscidində qılınan cənazə namazından sonra mərhumun nəşi son mənzilə yola salınıb. İsmayılovun cənazəsi dəfn edilmək üçün Azərbaycana göndərilib.

 

Hikmət Həsənov
Ölkə.Az

ŞƏRH YAZ
0
BAĞLA