Sürücülərin DİQQƏTİNƏ! — Siqnal səsinin qadağan olunduğu yerlərdə signal verənləri nə gözləyir? – VİDEO

Sürücülərin DİQQƏTİNƏ!
15:25
11.07.2019
1374
Ölkə
A
Siqnal səslər yəqin ki, çoxunuza tanışdı. Yolkənarı ərazilərdə yaşayanlara isə nəinki tanış, hətta gecə-gündüz qulaq yoldaşıdı. Elə bir yoldaş ki, insana evini satdırar, əsəbini tarıma çəkib, eyvandan həyətə atdırar. Sakit bir guşə tapmaq həmin kəslər üçün cəhənnəmdən cənnətə düşmək olar.

"Ölkə.Az" ARB TV-yə istinadən xəbər verir ki, hər gün siqnal səsləri ilə yaşayan yaşlı qadın da bu durumdan təngə gəlib.

Balacaxanım Quliyeva: “Qapını aça bilmirəm, bağlayıram da səs gəlir. 5 dəqiqə uzanmaq istəyirəm, uzana bilmirəm, xəstə adamam”.

Sürücü mədəniyyətinin qanunun aliliyi qədər qorunduğu sivil cəmiyyətlərdə yersiz istifadə olunan səs siqnalları təhqir hesab olunur. Yox, Azərbaycan cəmiyyəti də sivildi, lap əvvəldən. Amma yolda yox. Bizim yollarda siqnal təyinatından başqa hər şey üçün istifadə edilir. Salamlaşmaq istəyən siqnal verir, sağollaşmaq istəyən siqnal verir, söyən siqnal verir...

Elələri də var ki, işıqforun qırmızı işığındakı son saniyələri artıq hesab edir. 

Sürücü: “İşıqforun saniyəsi azdır. Əsəblərimiz ona görə tab gətirmir. Tıxacda siqnal verməyin mənası nədir, işıqfor burada vaxtı az verir”.

Yaxşı, burasını başa düşdük, özbaşımıza qalsaq əlimizi siqnaldan götürməyəcəyik. Bəs qanun?

Ərşad Hüseyinov – Nəqliyyat eksperti: “Səs siqnallarından istifadə edən sürücünü cərimələmək lazımdır. Bəs qanun? Qanun deyir ki, səs siqnallı ilə qaydananı pozanlara 30 manat cərimə var. İş ondadır ki, həmin siqnalbazları müəyyən etmək müşkül məsələdi. Kamerallara düşmür, avtomobil çox olanda müəyyən etmək olmur. Elə etmək lazımdı ki, adam özü utansın”.

Utansın. Ümid azdı, amma yenə də ümid edək. Ümid edə-edə bir şeyi də xatırladaq: yol hərəkəti haqqında qanuna görə, səs siqnallarından yaşayış olan ərazilərdə yalnız yol-nəqliyyat hadisələrinin qarşısını almaq üçün istifədə olunmalıdır. Müxtəlif xitabları əvəz edən ümumi müraciət forması kimi yox.

Ölkə.Az

ŞƏRH YAZ
0

Bakıda metrostansiya bağlanır? — RƏSMİ AÇIQLAMA

Bakıda metrostansiya bağlanır?
15:36
Bu gün
4402
Ölkə
A
“Həzi Aslanov” stansiyasının bağlanacağı barədə məlumatlar əsassızdır. “Əsaslı təmir” ifadəsi stansiyanın bağlanması qənaətinə gəlməyə əsas vermir.

"Ölkə.Az" oxu.az-a istinadən bildirir ki, “Bakı Metropoliteni” QSC-nin rəsmi açıqlamasında belə deyilir. İdarə son günlər kütləvi informasiya vasitələrində yayılmış məlumatlara aydınlıq gətirib:

“Yanlış olaraq, Bakı metropoliteninin “Həzi Aslanov” stansiyasının əsaslı təmir məqsədilə sərnişinlərin giriş-çıxışına bağlanacağı bildirilir. “Bakı Metropoliteni” QSC bildirir ki, yayılmış məlumat həqiqəti əks etdirmir və Səhmdar Cəmiyyətin sədr müavini Hidayət Məmmədov heç bir kütləvi informasiya vasitəsinə bununla bağlı açıqlama verməyib, eyni zamanda, məsələ ilə bağlı müəssisənin mətbuat xidməti və ictimaiyyətlə əlaqələr şöbəsinə müraciət olunmayıb. Qeyd olunmalıdır ki, bu günlərdə QSC sədrinin müavini televiziya proqramlarından birinin efir qonağı kimi hidrogeoloji təsirlərin qarşısının alınması məqsədilə “Həzi Aslanov” stansiyasında qabaqlayıcı tədbirlərin görülməsi üçün əsaslı təmir işlərinin aparılmasının nəzərdə tutulduğunu və bu məqsədlə dövlətin müvafiq səlahiyyətli orqanına müraciət olunduğunu qeyd edib. Lakin onun çıxışında stansiyanın bağlanması ilə bağlı ifadə yer almayıb. Buna rəğmən məlumat dərc edən kütləvi informasiya vasitələri heç bir əsas olmadan və naməlum səbəblərdən təmir işləri ilə stansiyanın bağlanması arasında qəribə məntiqi bağlılıq quraraq və dəqiqləşdirmə aparmadan tamamilə yanlış məlumat yayıblar. Bununla da ictimaiyyət arasında çaşqınlığın yaranmasına səbəb olublar”.

“Bakı Metropoliteni” QSC “Həzi Aslanov” stansiyasında planlaşdırılan təmirin məhz qabaqlayıcı tədbir kimi nəzərdə tutulduğunu bildirib: 

“Stansiya infrastrukturunu və onun konstruksiyasını hazırda hər hansısa təhlükə gözləmir. Əsaslı təmir məhz gələcəkdə yarana biləcək təhlükənin qarşısını əvvəlcədən almağa hesablanıb. Ən əsası, təmir dövründə stansiyanın sərnişinlərin giriş-çıxışına bağlanması nəzərdə tutulmayıb. Ümumiyyətlə, “əsaslı təmir” anlayışı stansiyanın mütləq şəkildə bağlanması zərurətini yaratmır və bunu nəzərdə tutmur. Təmirlə əlaqədar sərnişinlərə hər hansısa təhlükənin yaranması ehtimalı olduqda, habelə təmirlə əlaqədar onların hərəkətinin tam məhdudlaşdırılmasına zərurət yarandığı hallarda stansiyanın bağlanması qaçılmaz olur. Əsaslı təmir və yenidənqurma zamanı stansiyanın bağlanmadan aparılmasına “Nizami” stansiyasında görülmüş işlər əyani nümunədir. Həmçinin “Xətai” stansiyasında da platforma və yolların təmiri stansiya bağlanmadan həyata keçirilmişdi. Bu stansiyanın bağlanması zərurətini istismar müddətini başa vurmuş eskalatorların dəyişdirilməsi zamanı onun bir giriş-çıxışlı olması yaratmışdı. Məlumdur ki, son illərdə “Elmlər Akademiyası”, “İnşaatçılar”, “20 Yanvar” stansiyalarında eskalatorlar yenisi ilə əvəz edilərkən, sərnişinlər digər giriş-çıxışlardan, “28 May” stansiyasında isə “Cəfər Cabbarlı” stansiyasının keçidlərindən istifadə edirdilər. Onu da xüsusi qeyd edək ki, Bakı metropoliteninin bütün infrastrukturu, o cümlədən mövcud stansiya və tunellərinin vəziyyəti, dayanıqlığı, etibarlığı daimi nəzarət altındadır. Metropolitendə bununla bağlı gündəlik təftiş və yoxlamalar aparılır. Tunel geyiminin və onun arxa hissəsinin müayinələri və monitorinqləri də bu prosesin tərkib hissəsidir. Bunun üçün müxtəlif müasir avadanlıqlardan, 2015-ci ildən isə həm də dünyada nadir diaqnostika qurğularından biri hesab olunan metropoliten infrastrukturunu çoxfunksiyalı diaqnostik yoxlama kompleksindən istifadə olunur. Bir daha xatırladırıq ki, “Bakı Metropoliteni” QSC fəaliyyətində sərnişinlərin maraqlarını daim əsas götürür və təmir-bərpa, yenidənqurma işlərinə başlanmazdan əvvəl bütün məlumatları tam təfsilatı ilə ictimailəşdirir, yaranan hər bir sualı cavablandırır. Bundan savayı, təmir işlərinin gedişi ilə bağlı ictimaiyyətə müntəzəm məlumatlar yayır. Qeyd edilənləri nəzərə alaraq, “Bakı Metropoliteni” QSC bir daha kütləvi informasiya vasitələrinin nəzərinə çatdırır ki, Bakı metropoliteni şəhərin əsas ictimai nəqliyyat vasitələrindən biridir, şəffaflıq və obyektivlik, ictimaiyyətə maksimum açıqlıq müəssisənin fəaliyyətinin prioritet istiqamətlərindədir. Dəqiqləşdirilməmiş məlumatlar ictimaiyyətdə, ələlxüsus metro sərnişinləri arasında yanlış təsəvvürlər, çaşqınlıq və təşviş yaradır, birmənalı qarşılanmır, müəssisənin nüfuzuna və onun kollektivinin əməyinə xələl gətirir”.

ŞƏRH YAZ
0

Yevda Abramovla vida mərasimi keçirilir — FOTO

Yevda Abramovla vida mərasimi keçirilir
15:18
Bu gün
3993
Ölkə
A

Mərhum deputat Yevda Abramov böyük izdihamın müşaiyəti ilə Qubanın Qırmızı Qəsəbəsində yerləşən dağ yəhudilərinin dəfn edildiyi qəbristanlıqda torpağa tapşırılıb.

***

Dekabrın 6-da 71 yaşında dünyasını dəyişən Milli Məclisin deputatı Yevda Abramovla Quba Rayon Mədəniyyət Mərkəzində vida mərasimi keçirilir.

"Ölkə.Az"ın "Qafqazinfo"ya istinadən verdiyi məlumatına görə, mərasimdə YAP sədrinin müavini-icra katibi Əli Əhmədov, Milli Məclis sədrinin birinci müavini Ziyafət Əsgərov, "Azərbaycan Dəmir Yolları" QSC-nin sədri Cavid Qurbanov, millət vəkili Vahid Əhmədov, Xaçmaz və Quba rayonlarının icra başçıları, mərhum deputatın qızları Fərəh Yusifova, Bəsdi Yusifova, Səbinə Abramova, oğulları Sasun Kohen (Abramov), Elçin Abramov, gəlinləri İlyanora Abramova, Culyetta Kohen (Abramova)  və başqaları iştirak edirlər. 

Xatırladaq ki, Y. Abramov onkoloji xəstəlikdən əziyyət çəkdiyinə görə uzun müddət İsraildə müalicə alıb. İki gün əvvəl isə o, müalicəsini davam etdirdiyi Mərkəzi Klinikada vəfat edib. 

 

 

 

 

 

 

ŞƏRH YAZ
0
BAĞLA