“Susmayın, mövqeyinizi ortaya qoyun!” — Siyavuş Novruzovdan deputatlara MÜRACİƏT

“Susmayın, mövqeyinizi ortaya qoyun!”
16:18
16.05.2018
4726
Siyasət
A
Milli Məclisin İctimai birliklər və dini qurumlar komitəsinin sədri, Yeni Azərbaycan Partiyasının (YAP) icra katibinin müavini Siyavuş Novruzov Avropada mühacir həyatı yaşayan "hüquq müdafiəçisi" Vidadi İsgəndərlinin təhqir dolu fikirlərilə əlaqədar deputat həmkarlarına çağırış edib.

S.Novruzov “Ölkə.Az”a açıqlamasında deyib ki, millət vəkilləri Vidadi İsgəndərlinin onları təhqir etməsinə susqunluq nümayiş etdirməməlidir:

“Vidadi İsgəndərli deputatları təhqir edirsə, 125 nəfər millət vəkili onlara cavab versin. Mən ötən dəfə Milli Məclisdə çıxış edərkən də bildirdim ki, hər kəs öz mövqeyini nümayiş etdirməlidir. Azərbaycana qarşı təhqir və söyüş kampaniyası aparan bir neçə adama təkcə mən niyə cavab verməliyəm? Niyə digər deputatlar cavab vermirlər? Ancaq tərif olanda hamısı növbəyə dayanır. Axı nə qədər müraciət etmək olar ki, susmayın, mövqeyinizi ortaya qoyun. Hesab edirəm ki, jurnalistlər də milli məsələlərlə bağlı susqunluq nümayiş etdirən həmin deputatların siyahısını işıqlandırmalıdır”.

Vasif Həsənli
Ölkə.Az

ŞƏRH YAZ
1

Azərbaycan və Fransanın xarici işlər naziri arasında təkbətək görüş keçirilir

Azərbaycan və Fransanın xarici işlər naziri arasında təkbətək görüş keçirilir
13:37
Bu gün
234
Siyasət
A
Bakıda xarici işlər naziri Elmar Məmmədyarovla Fransa Respublikasının Avropa və xarici işlər naziri Jan İv Lö Drian arasında görüş başlayıb.

"Ölkə.Az" APA-ya istinadən xəbər verir ki, tərəflər arasında əvvəlcə təkbətək, daha sonra geniş tərkibdə görüş keçiriləcək.

Görüşdən sonra nazirlər mətbuata bəyanatla çıxış edəcəklər.

Qeyd edək ki, Fransa XİN rəhbəri Azərbaycan Xalq cümhuriyyətinin 100 illik yubileyi münasibətilə  keçirilən tədbirlərdə iştirak edəcək.

Ölkə.Az

ŞƏRH YAZ
0

Təhsil naziri: "Azərbaycan - Fransız Universiteti Azərbaycanın ali təhsil sistemində katalizator rolunu oynayır" — FOTO

Təhsil naziri:
13:21
Bu gün
228
Siyasət
A
"Təhsil ölkələr arasında əlaqələrin qurulmasında xüsusi rol oynayır".

"Ölkə.Az" APA-ya istinadla xəbər verir ki, bunu təhsil naziri Ceyhun Bayramov Azərbaycan - Fransız Universitetində (UFAZ) Azərbaycan Xalq Cümhuriyyətinin (AXC) 100 illiyinə həsr olunmuş Fransa Respublikası Avropa və Xarici İşlər Nazirliyi fondunun arxiv sərgisinin rəsmi açılışında deyib.

Azərbaycan rəhbərliyi tərəfindən təhsilin inkişafına  daima yüksək diqqət göstərildiyini deyən təhsil naziri UFAZ  layihəsinin Azərbaycanın ali təhsil sistemində katalizator rolunu oynadığını söyləyib: "Digər ali təhsil  müəssisələri UFAZ-da tətbiq olunan kurikulumlar, tələbələrin seçimi, qiymətləndirilməsi, tətbiq  olunan digər mütərəqqi yanaşmalar istiqamətindən faydalana bilərlər. Fransa xin rəhbərinin bu gün UFAZ-a gəlişi iki ölkə arasında humanitar münasibətlərin yüksək səviyyədə olmasının bariz göstəricisidir".

Təhsil naziri qeyd edib ki, müasir dünyada ali təhsil müəssisələri innovativ iqtisadi artım mərkəzlərinə çevrilməkdədir: "Beynəlxalq təcrübə göstərir ki,  belə olan halda bu fəaliyyətdə biznes sektorunun iştirakı  önəmlidir. Bir il əvvəl UFAZ fondunun yaradılmasına dair sənəd imzalanmışdı. Fondun əsas  məqsədi təhsil alan tələbələr üçün təhsil, tədqiqat, startap,  innovativ layihələrə dəstək verməkdir.  Bu gün bu tədbir  zamanı Azərbaycan və Fransa şirkətləri arasında  çərçivəsində anlaşma memorandumlarının imzalanması bu istiqamətdə görülən işlərin  göstəricisidir. Bizim strateji məqsədimiz Azərbaycanın  ali təhsil müəssisələrini beynəlxalq səviyyəyə çatdırmaqdan ibarətdir. Düşünürəm ki, həm UFAZ,  həm də buna oxşar digər layihələr ali təhsilin, eləcə də ölkəmizin inkişafına  böyük töhfələr vermiş olacaq".

Ölkə.Az

ŞƏRH YAZ
0
BAĞLA