Tacikistan həbsxanasında üsyan
“Ölkə.Az” xəbər verir ki, insident nəticəsində 3 həbsxana nəzarətçisi, 29 məhkum həlak olub.
Tacikistanın Ədliyyə nazirliyindən verilən açıqlamaya əsasən, Düşənbənin 15 kilometr şərqindəki “Vəhdət” həbsxanasında dünən gecə saatlarında Suriyada İŞİD sıralarında öldürülən keçmiş tacik komandir Həlim Gülmuradovun oğlu Bəhruz Gülmurad ilə digər məhkumlar Fəxrəddin Gülov, Mahmadullo Şaripov və Ruhulla Həsənov tərəfindən üsyan təşkil edilib. İŞİD üzvü olan məhkumlar üsyan zamanı 3 həbsxana nəzarətçisi və 5 dustağı öldürüb, bəzi məhkumları yaralayıb və qruplaşma üzvü 8 nəfəri azadlığa buraxıblar. Bundan başqa isə həbsxananın səhiyyə otağını yandırdıqdan sonra bir neçə həbsxana nəzarətçisi və məhkumu girov götürərək qaçmağa çalışıblar. Polisin keçirdiyi əməliyyat nəticəsində 24 məhkum öldürülüb, 35-i saxlanılıb. Girovlar azad edilib. Hazırda həbsxanada vəziyyət nəzarət altındadır.
Hikmət Həsənov
Ölkə.Az
