Tacikistan prezidenti: "Bu gün Tacikistan-Azərbaycan münasibətləri getdikcə inkişaf edir"

Tacikistan prezidenti:
12:10
10.08.2018
4123
Siyasət
A
"Çox sağ olun hörmətli İlham Heydər oğlu və əziz azərbaycanlı dostlar. Biz bugünkü görüşümüzə çox şadıq. İlk növbədə, dost Azərbaycana rəsmi səfərə dəvətə, səmimi qəbula və göstərilən qonaqpərvərliyə görə minnətdarlığımızı bildirmək istərdim".

"Ölkə.Az" xəbər verir ki, bunu Tacikistan Prezidenti Emoməli Rəhmon avqustun 10-da Bakıda Azərbaycan Prezidenti İlham Əliyevlə nümayəndə heyətlərinin iştirakı ilə geniş tərkibdə görüşdə deyib. 

"Tacikistan Respublikası xalqlarımız arasında tarixi-mədəni birliyə və çoxəsrlik ənənələrə əsaslanan dostluq əlaqələrini yüksək dəyərləndirir. Qeyd etməyə şadam ki, bu gün Tacikistan-Azərbaycan münasibətləri getdikcə inkişaf edir. Biz qarşılıqlı maraq doğuran əməkdaşlığımızın bütün istiqamətləri üzrə məhsuldar fəaliyyətimizin genişləndirilməsində və dərinləşdirilməsində maraqlıyıq. Əminəm ki, bu gün əldə edəcəyimiz razılaşmalar çoxşaxəli tərəfdaşlığımızı yeni məzmunla zənginləşdirəcək, daha yüksək və keyfiyyətli səviyyəyə çıxaracaq.

Hörmətli İlham Heydər oğlu, müstəqillik illərində öz sosial-iqtisadi inkişafında böyük uğurlar əldə edən Azərbaycanın beynəlxalq arenada mövqeləri ardıcıl surətdə möhkəmlənir. Ölkənin uğurunun parlaq nümunəsi onun paytaxtının simasının ildən-ilə dəyişməsidir. Mən görüş zamanı bu barədə danışdım. Bakı bu gün haqlı olaraq dünyanın ən gözəl və müasir şəhərlərindən biri sayılır. Bütün bu nailiyyətlər Sizin cəmiyyət tərəfindən daha çox və hərtərəfli dəstəklənən uğurlu dövlət siyasətinizlə əlaqədardır. Səmimi qəlbdən Sizə uğurlar və Azərbaycan xalqının rifahı naminə nailiyyətlər arzulayıram.

Azərbaycan Qafqaz regionunda bizim üçün mühüm tərəfdaşdır. Məmnuniyyətlə Tacikistan-Azərbaycan münasibətlərinin uğurla genişləndirilməsi meylini qeyd etmək istərdim. Dostluq və əməkdaşlıq barədə müqaviləyə əsaslanaraq ötən illər ərzində biz münasibətlərimizin sanballı müqavilə-hüquq bazasını formalaşdırmışıq. Bu baza bu gün demək olar ki, əməkdaşlığın bütün sahələrini əhatə edir. Bu gün ölkələrimiz arasında qarşılıqlı faydalı əməkdaşlığın möhkəmlənməsinə yönələn ikitərəfli sənədlərin yeni paketi imzalanacaq", deyə dövlət başçısı bildirib. 

ŞƏRH YAZ
0

İraq prezidenti Britaniya vətəndaşlığından imtina etdi

İraq prezidenti Britaniya vətəndaşlığından imtina etdi
23:09
16.12.2018
1362
Siyasət
A
İraq prezidenti Bahram Saleh Böyük Britaniya vətəndaşlığından imtina edib.

“Ölkə.Az” RİA “Novosti”yə istinadən xəbər verir ki, bu barədə prezident dəftərxanasından bildirilib.

Məlumata əsasən, yenicə prezident seçilən Bahram Saleh konstitusiya tələblərinə əsasən bu addımı atıb.

Qeyd edək ki, Bəhram Saleh İraq parlamenti tərəfindən 2018-ci ilin oktyabrında prezident seçilib. Daha əvvəl o, İraq Kürdistanının rəhbəri vəzifəsini ica edib.

Ölkə.Az

ŞƏRH YAZ
0

“Gürcüstanın bayramı Azərbaycanın bayramıdır” — Oqtay Əsədov

“Gürcüstanın bayramı Azərbaycanın bayramıdır”
20:44
16.12.2018
2715
Siyasət
A
“Gürcüstanın bayramı Azərbaycanın bayramıdır”.

“Ölkə.Az” “Report”a istinadən xəbər verir ki, bunu Gürcüstan Prezidenti Salome Zurabişvilinin inauqurasiya mərasimində iştirak edən Azərbaycan Milli Məclisinin sədri Oqtay Əsədov deyib.

O, bildirib ki, Gürcüstan Azərbaycana qardaş ölkədir: “Gürcüstan və Azərbaycan strateji tərəfdaşlardır. Ölkələrimiz arasında sıx münasibətlər var. Gürcüstanı yeni prezident münasibətilə təbrik edirəm. Gürcü xalqına xoşbəxtlik və firavanlıq arzulayıram”.

O.Əsədov Gürcüstanın yeni dövlət başçısının andiçmə mərasimində iştirak etməyin onun üçün vacib olduğunu qeyd edib: “Biz Gürcüstanla həmrəyliyimizi ifadə edirik. Gürcüstanda ilk qadın prezident seçilib və bu, olduqca vacibdir. Burada olmağımızdan məmnunluq və fəxr hissi keçiririk”.

Parlament sədri Gürcüstanın Avropa İttifaqı ilə əlaqələri inkişaf etdirdiyini qeyd edib: “Ötən il Gürcüstan və Avropa İttifaqı arasında vizasız rejim qüvvəyə minib və hesab edirəm ki, bu, böyük nailiyyətdir”.

Qeyd edək ki, S.Zurabişvilinin andiçmə mərasimində O.Əsədovun başçılıq etdiyi nümayəndə heyəti iştirak edir. Nümayəndə heyətinə xarici işlər nazirinin müavini Ramiz Həsənov, Milli Məclisin deputatı, Azərbaycan-Gürcüstan parlamentlərarası dostluq qrupunun rəhbəri Əflatun Amaşov və deputat Hikmət Babaoğlu daxildir.

Ölkə.Az

ŞƏRH YAZ
0
BAĞLA