KORONAVİRUSA YOLUXANLARIN SAYI - CANLI STATİSTİKA

Tacikistan-Qırğızıstan sərhədində toqquşma — 14 yaralı, 1 ölü

Tacikistan-Qırğızıstan sərhədində toqquşma
12:00
23.07.2019
2578
Dünya
A
Qırğızıstanla Tacikistan sərhəddində vəziyyət yenidən gərginləşib, tərəflər arasında münaqişə yaranıb. Qırğızstan məcburiyyət qarşısında qalaraq, sərhəddə yerləşən kənddən əhalini evakuasiya edib.

“Ölkə.Az” xəbər verir ki, bu barədə Qırğızstan Daxili İşlər Nazirliyi məlumat yayıb.

Nazirliyin məlumatında deyilir ki, hadisə iyulun 22-də gecə  baş verib. Belə ki, sərhəddə Qırğızıstanın Ak-Say kəndinin sakinləri ilə Tacikstanın Vorux kəndinin sakinləri arasında münaqişə yaranıb. Tacikstanın Vorux kəndinin sakinləri Ak-Say kəndini göstərən  “Ak-SaY” işarəsini əvvəlki yerində bərpa etmək istəyiblər. Bu isə Qırğızıstan vətəndaşlarının qıcığına səbəb olub. Bundan sonra iki kənd sakini arasında yaranan mübahisə  davaya çevrilib. Tərəflər bir-birinə daş və odlu silahdan atəş açıb. Nəticədə 14 nəfərə xəsarət alıb. Xəsarət alanlar arasında polis və sərhədçilər də var. Xəsarət alanlar Batken şəhər xəstəxanasına yerləşdiirlib. Yaranmış vəziyyəti nizamlamaq üçün əraziyə əlavə polis qüvvələri cəlb olunub. Hazırda yaranmış gərginliyi azaltmaq üçün 300-dək kənd sakini, əsasən də qadın, uşaq və yaşlılar  evakuasiya olunub.Hadisə ilə bağlı zəruri istintaq araşdırma işləri aparılır.  Qeyd edək ki, bu,  Qırğızıstan və Tacikistan vətəndaşları arasında ilk belə hadisə deyil.  

Ölkə.Az

ŞƏRH YAZ
0

Türkiyədə daha 34 nəfər koronavirusdan öldü

Türkiyədə daha 34 nəfər koronavirusdan öldü
00:08
Bu gün
10151
Dünya
A
Türkiyədə son sutkada koronavirusdan daha 34 nəfər COVID-19-un qurbanı olub.

Bu barədə "Ölkə.Az" ölkənin Səhiyyə Nazirliyinə istinadən xəbər verir.

Türkiyənin Səhiyyə naziri Fəxrəddin Qoca qeyd edib ki, bir gün ərzində COVID-19-a 1035 yeni yoluxma aşkarlanıb. Bununla da ölkədə koronavirusa yoluxanların ümumi sayı 159797 nəfərə çatıb. 

Ölkədə təhlükəli virusdan ölənlərin ümumi sayı 4431 nəfər təşkil edir. İnfeksiyaya yoluxan 122793 nəfər müalicə olunub, reanimasiyada ümumilikdə 723 xəstə var.  

Bu gün 1286 xəstə evə buraxılıb. 

Nazir “83 milyon əhalimizin əldə etdiyi uğurlu nəticələr davam etməlidir”, mesajını verib.

 

ŞƏRH YAZ
0

Britaniyada dəhşət — Bir gündə yüzlərlə insan öldü

Britaniyada dəhşət
23:28
27.05.2020
10017
Dünya
A
Böyük Britaniyada koronavirusa yoluxanların sayı durmadan artır. Ölkədə koronavirusa yoluxanların ümumi sayı 267 240 nəfərə çatıb.

"Ölkə.Az" xəbər verir ki, Səhiyyə Nazirliyinin açıqlamasına görə, ötən gün ərzində 412 nəfər COVID-19-un qurbanı olub. 

Bununla da təhlükəli virusdan ölənlərin ümumi sayı 37 460 nəfər təşkil edir.

Nazirliyin məlumatına görə, bir gün ərzində COVID-19-a 2 013 yeni yoluxma aşkarlanıb. 

ŞƏRH YAZ
0
BAĞLA