Taekvondo üzrə Azərbaycan çempionu bıçaqlanıb

Taekvondo üzrə Azərbaycan çempionu bıçaqlanıb
17:28
22.03.2018
1842
Hadisə
A
Taekvondo üzrə Azərbaycan çempionu İsmayılov Səbuhi Cəfər oğlu bıçaqlanıb.

"Ölkə.Az" xəbər verir ki, hadisə ötən gecə Abşeron rayonunun Mehdiabad qəsəbəsində baş verib.

Belə ki, 1989-cu il təvəllüdlü S.İsmayılov "Mehdiabad dairəsi" kimi tanınan ərazidə tanışı ilə mübahisə edib. Şəxsi münasibətlər zəminində başlayan mübahisə daha sonra əlbəyaxa davaya çevrilib. Bu zaman həmin şəxs S.İsmayılova bir neçə bıçaq zərbəsi vurub. Yaralının vəziyyəti ağır olduğundan o, 1 saylı Kliniki Tibbi Mərkəzə yerləşdirilib.

Faktla bağlı Abşeron Rayon Polis İdarəsi araşdırma aparır.

Qeyd edək ki, S.İsmayılov "Fateh" klubunun üzvüdür. O, Taekvondo üzrə XXlll Respublika çempionatında 63 kiloqram çəki dərəcəsində birinci yerin qalibi olub.

ŞƏRH YAZ
0

Tərtərdə partlayış zamanı yaralananlardan ikincisi də xəstəxanada ölüb

Tərtərdə partlayış zamanı yaralananlardan ikincisi də xəstəxanada ölüb
22:04
Bu gün
618
Hadisə
A
Noyabrın 29-da Tərtər rayonunda yanacaqdoldurma məntəqəsində baş vermiş partlayış zamanı xəsarət alan şəxslərdən ikincisi də keçinib.

"Ölkə.Az" report-a istinadən bildirir ki, Seymur Rzayev Bakıda müalicə aldığı Respublika Yanıq Mərkəzində dünyasını dəyişib.

Onun müalicəsi xəstəxanada bir neçə gün davam etsə də, həkimlər həyatını xilas edə bilməyiblər.

Faktla bağlı Tərtər Rayon Prokurorluğunda Cinayət Məcəlləsinin müvafiq maddəsi ilə cinayət işi açılıb, araşdırma aparılır.

Ölkə.Az

ŞƏRH YAZ
0

Yasamalda BMW yandı

Yasamalda BMW yandı
21:24
Bu gün
614
Hadisə
A
Bakıda avtomobil yanıb.

"Ölkə.Az" Fövqəladə Hallar Nazirliyinə istinadən xəbər verir ki, hadisə Yasamal rayonunda baş verib.

BMW markalı minik avtomobilinin mühərrik hissəsi yanıb. Avtomobilin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.

Ölkə.Az

ŞƏRH YAZ
0
BAĞLA