Taekvondo üzrə Azərbaycan çempionu bıçaqlanıb

Taekvondo üzrə Azərbaycan çempionu bıçaqlanıb
17:28
22.03.2018
1673
Hadisə
A
Taekvondo üzrə Azərbaycan çempionu İsmayılov Səbuhi Cəfər oğlu bıçaqlanıb.

"Ölkə.Az" xəbər verir ki, hadisə ötən gecə Abşeron rayonunun Mehdiabad qəsəbəsində baş verib.

Belə ki, 1989-cu il təvəllüdlü S.İsmayılov "Mehdiabad dairəsi" kimi tanınan ərazidə tanışı ilə mübahisə edib. Şəxsi münasibətlər zəminində başlayan mübahisə daha sonra əlbəyaxa davaya çevrilib. Bu zaman həmin şəxs S.İsmayılova bir neçə bıçaq zərbəsi vurub. Yaralının vəziyyəti ağır olduğundan o, 1 saylı Kliniki Tibbi Mərkəzə yerləşdirilib.

Faktla bağlı Abşeron Rayon Polis İdarəsi araşdırma aparır.

Qeyd edək ki, S.İsmayılov "Fateh" klubunun üzvüdür. O, Taekvondo üzrə XXlll Respublika çempionatında 63 kiloqram çəki dərəcəsində birinci yerin qalibi olub.

ŞƏRH YAZ
0

Bakıda dəhşətli qətl — Arvadını və qayınanasını öldürən şəxs Ağdam polisinə təslim oldu (YENİLƏNDİ)

Bakıda dəhşətli qətl
09:54
Bu gün
1278
Hadisə
A
Gecə saatlarında paytaxtda qətl törədilib. Kürəkən öz həyat yoldaşını və qayınanasını öldürüb.

"Ölkə.Az" xəbər verir ki, Xətai rayonunda həyat yoldaşını və qaynanasını qətlə yetirən 1985-ci il təvəllüdlü İsmayılov Ramil Cəfər oğlu ötən gecə könüllü olaraq Ağdam RPŞ-nə təslim olub. Hazırda onun Bakıya gətirilməsi üçün prosessual tədbirlər görülür.

***

"Ölkə.Az"ın APA-ya istinadən verdiyi məlumata görə, hadisə Bakının Xətai rayonu, Naximov küçəsində qeydə alınıb.

Ailə-məişət zəminində törədilmiş hadisə zamanı 1987-ci il təvəllüdlü Günay İsgəndərova və onun anası, 1954-ci il təvəllüdlü Mahirə İsgəndərova çoxsaylı bıçaq xəsarətləri alıb.

Məlumata görə, G.İsgəndərova ailədaxili münaqişə səbəbindən bir müddət imiş ki, atası evində yaşayırmış. Onun əri də bu gecə həmin evə gəlib və yenidən münaqişə yaranıb. Münaqişə zamanı G.İsgəndərovanın əri onu və münaqişəyə müdaxilə edən anası M.İsgəndərovanı bıçaqlayıb. Çoxsaylı bıçaq zərbələrindən sonra qan itirən ana ilə qızı dünyasını dəyişib. Onların meyiti digər ailə üzvləri tərəfindən aşkarlanıb. Hadisəni törədən şəxs isə qaçaraq gizlənib.

Hazırda polis onun saxlanılması üçün əməliyyat-axtarış tədbirləri həyata keçirir. Faktla bağlı Xətai rayon Prokurorluğunda cinayət işi də başlanılıb.

ŞƏRH YAZ
0

Kafedə partlayışda yanan şəxslərdən biri xəstəxanada dünyasını dəyişdi

Kafedə partlayışda yanan şəxslərdən biri xəstəxanada dünyasını dəyişdi
09:33
Bu gün
635
Hadisə
A
Bakıda kafedə baş verən partlayışda xəsarət alanlardan biri xəstəxanada keçinib.

"Ölkə.Az"ın Trend-ə istinadən verdiyi xəbərə görə, bu barədə açıqlamasında Respublika Yanıq Mərkəzinin baş həkimi Şöhrət Məmmədov deyib.

Baş həkim bildirib ki, hadisə nəticəsində bədən səthinin 100 faizi yanan, 1974-cü il təvəllüdlü İbrahimov Natiq Zahid oğlu mayın 22-də gecə saat 02:00 radələrində dünyasını dəyişib. Hazırda mərkəzdə müalicəsi davam etdirilən, 1965-ci il təvəllüdlü İbrahimova Şəkər Xosrov qızının vəziyyəti isə ağır olaraq qalır. Hadisə nəticəsində qadının bədən səthinin 95 faizi yanıb.

Qeyd edək ki, mayın 21-də günorta saatlarında Bakı şəhəri, Binəqədi rayonunda ümumi sahəsi 25 kv.m olan (10 kv.m hissəsi daşdan, qalan hissəsi taxta konstruksiyalardan ibarət) tikilinin (çayxana kimi fəaliyyət göstərir) içərisində propan qaz balonu partlayıb.

Nəticədə tikilinin yanar konstruksiyaları yanıb.

Hadisə nəticəsində 2 nəfər ölüb, iki nəfər isə xəstəxanaya çatdırılmışdı.

ŞƏRH YAZ
0
BAĞLA