Taleh Bağırovun müavininin cəza rejimi dəyişdirildi

Taleh Bağırovun müavininin cəza rejimi dəyişdirildi
15:00
17.04.2018
734
Hadisə
A
Bakı Apellyasiya Məhkəməsində Nardaran hadisələri ilə bağlı saxlanılan 3-cü qrupun - “Müsəlman Birliyi Hərəkatı” adlı təşkilatının sədr müavini Zülfüqar Mikayılov, Elman Ağayev, Faiq Allahverdiyev, Əli Hüseynov, Mehman Quliyev, Mehman Məmmədov, Eldar Bünyadov, Elxan Həsənov, Ramil Seyfullayev, Mübariz İbrahimov, Ruzi İsmayılov və Cabir Əliyevin barələrində olan hökmdən verilən apellyasiya şikayəti üzrə məhkəmə iclası başa çatıb.

“Ölkə.Az”ın xəbərinə görə, hakim Sahibxan Mirzəyevin sədrliyi ilə keçirilən prosesdə qərar elan olunub.

Qərara əsasən, 12 nəfərdən 11-i ilə bağlı hissədə hökmə heç bir dəyişiklik edilməyib. Yalnız Z.Mikayılova aid hissədə dəyişiklik olub. Ona verilmiş 17 illik həbsin müddətinə toxunulmasa da, bu, cəzanın çəkilmə rejimi dəyişdirilib.

Belə ki, birinci instansiya məhkəməsinin hökmündə Z.Mikayılovun cəzasını ciddi rejimli müəssisədə çəkməsi nəzərdə tutulması barədə hökm çıxarılıb. Bakı Apellyasiya Məhkəməsinin qərarında isə xüsusi rejimdə çəkilməsi qeyd olunub.

Qeyd edək ki, Daxili İşlər Nazirliyi (DİN) 2015-ci il noyabrın 26-da Bakı şəhərinin Nardaran qəsəbəsində xüsusi əməliyyat keçirilib. Əməliyyat zamanı “Müsəlman Birliyi Hərəkatı” adlı təşkilatın sədri Taleh Bağırov başda olmaqla, daha bir neçə üzvü saxlanılaraq istintaqa təqdim edilib. Həmin şəxslər barəsində dörd ay müddətinə həbs qətimkan tədbiri seçilib, sonradan həbs qətimkan tədbirinin müddəti artırılıb. Həmin şəxslər özlərini təqsirli bilmirlər.
Bakı Ağır Cinayətlər Məhkəməsinin hökmü ilə Zülfüqar Mikayılov 17 il, Faiq Allahverdiyev 13 il, Əli Hüseynov 12 il 3 ay, Mehman Quliyev 13 il, Mehman Məmmədov 12 il 3 ay, Elman Ağayev 13 il, Eldar Bünyatov 12 il 3 ay, Elxan Həsənov 12 il 3 ay, Ruzi İsmayılov 15 il, Cabir Əliyev 14 il, Mübariz İbrahimov 13 il, Ramin Seyfullayev 13 il müddətinə azadlıqdan məhrum edilib. Hökmdən narazı qalan məhkumlar apellyasiya şikayəti ilə Bakı Apellyasiya Məhkəməsinə müraciət edib.

ŞƏRH YAZ
0

Bakıda yanğın — Ölən var

Bakıda yanğın
09:14
Bu gün
47
Hadisə
A
Bakı şəhərinin Xətai rayonunda birmərtəbəli evdə yanğın baş verib.

"Ölkə.Az" FHN-ə istinadən xəbər verir ki, yanğının kəşfiyyatı zamanı 1935-ci il təvəllüdlü Abbasov Əli Bayram oğlunun meyiti yanğınsöndürənlər tərəfindən aşkar olunub.
Yanğın yanğından mühafizə bölmələri tərəfindən söndürülüb.

Hadisə ilə əlaqədar müvafiq qurumlar tərəfindən təhqiqat aparılır.

Ölkə.Az

 

ŞƏRH YAZ
0

Paytaxtda yaşayış binasında təhlükə aradan qaldırıldı

Paytaxtda yaşayış binasında təhlükə aradan qaldırıldı
23:35
22.03.2019
326
Hadisə
A
Paytaxtda yaşayış binasında təhlükə aradan qaldırıldı.

Trend-in Fövqəladə Hallar Nazirliyinin saytına istinadən məlumatına görə, Bakı şəhərinin Nərimanov rayonunda doqquzmərtəbəli yaşayış binasının xarici divarına bərkidilən metal vərəqə asılı vəziyyətdə qalıb. Ərazidən keçən insanların təhlükəsizliyinin təmin olunması məqsədilə Xüsusi Riskli Xilasetmə Xidmətinin müvafiq xilasetmə qüvvələri çağırış ünvanına cəlb olunub. Xilasedicilər asılı vəziyyətdə qalan metal vərəqəni divara bərkidib və müvafiq təhlükəsizlik tədbirləri həyata keçiriblər.

Ölkə.Az

ŞƏRH YAZ
0
BAĞLA