Taliban ABŞ prezidentinə açıq məktub yazdı
"Ölkə.Az" xəbər verir ki, məktubda qruplaşma ABŞ hərbi birləşmələrinin Əfqanıstandan çəkilməsi üçün çağırış edib.
Talibanın mətbuat katibi Zəbihullah Mücahid tərəfindən jurnalistlərə göndərilən məktub ingilis dilindədir və 600 sözdən ibarətdir. Məktubda Trampın ABŞ-ın Əfqanıstan strategiyasını yenidən nəzərdən keçirərək sələflərinin etdiyi səhvləri anladığı bildirilir.
Ölkədə 16 il davam edən müharibədən sonra ABŞ hərbi birləşmələrinin Əfqanıstandan çəkilməsi üçün çağırış edilən məktubda Trampın ölkəsinin Əfqanıstan siyasətinin nəzarətini ordunun əlinə verməməsi və əlavə hərbçi göndərmək əvəzinə hərbi birləşmələri geri çəkmək lazım olduğu qeyd edilib.
ABŞ-ın Əfqanıstandan çıxması ABŞ hərbi birləşmələrini təhlükədən xilas edəcək və müharibə başa çatacaq.
Qeyd edək ki, Əfqanıstanda ABŞ-ın 8.400 hərbçisi var.
Hikmət Həsənov
Ölkə.Az
