Taliban Əfqanıstanda yaz əməliyyatlarına başladı
Taliban qruplaşması Əfqanıstanda ənənəvi yaz əməliyyatlarına başlayıb.
"Ölkə.Az" xəbər verir ki, ölkənin 34 vilayətində başlayan əməliyyatların məqsədi xarici qüvvələri Əfqanıstandan çıxarmaqdır.
Yerli mətbuatın xəbərinə əsasən, Taliban qruplaşmasının döyüşçüləri əsasən xarici işğalçılara zərbə endirməyə söz veriblər. Belə zərbələr xarici qüvvələri ölkədən çıxmağa məcbur edəcək.
Əməliyyat Taliban lideri Molla Axtar Mansurun şərəfinə adlandırılıb. Lider ötən il ABŞ-ın PUA-sı vasitəsilə qətlə yetirilmişdi.
Əfqanıstanın müdafiə naziri Məhəmməd Radmaneş öz növbəsində bəyan edib ki, əfqan qüvvələri taliblərin hücumunun qarşısını almağa hazırdırlar və "Mansuri əməliyyatı" tamamilə məhv ediləcək.
Hikmət
Ölkə.Az
