İtaliyada bir ilk
İtaliya parlamentinin üst qanadı Senata Sardiniya krallığından bu yana ilk dəfə qadın rəhbərlik edəcək.
“Ölkə.Az” xəbər verir ki, Mariya Elzabetta Alberti Kazellati Silviyo Berluskoninin “İrəli, İtaliya” partiyasının nümayəndəsidir. Mariya Elizabetta 319 senatorun 240 nəfərinin səsini qazanıb. Bu post üçün isə 160 kifayət edirdi.
Senatın müvəqqəti sədri Coco Napolitano bunu rəsmən elan edib. Napolitano isə İtaliyanın ən yaşlı senatorudur. Onun 92 yaşı var.
71 yaşlı Kazelatti Berluskoninin yaxın silahdaşı sayılır. O, hökumətdə bir müddət nazir müavini işləyib. 2001-ci ildən parlamentə seçilir.
Hikmət Həsənov
Ölkə.Az
