"Tamaşaçıların arxasınca getmiş olsaydım, Afaq Bəşirqızı olmazdım" — "Bəxt üzüyü 2" filmini tənqid edənlər CAVAB VERDİ

12:57
12.02.2019
6088
Mədəniyyət
A
Xalq artisti Afaq Bəşirqızı "Bəxt üzüyü 2" filminə çəkilməsi ilə bağlı səsləndirilən tənqidlərə cavab verib.

 Sənətkar "Ölkə.Az"a açıqlamasında bildirib ki, hər kəsin fikrinə hörmətlə yanaşır: 

"Kimin haqlı, kimin haqsız tənqid etdiyini deyə bilmərəm. Hərənin öz işi, həyata öz baxışı var".

"Bəzi tamaşaçılar hesab edir ki, bu filmə çəkilməyə ehtiyac yox idi" fikrinə isə xalq artisti belə cavab verib:

"Əgər mən pərəstişkarların, tamaşaçıların arxasınca getmiş, onların zövqü ilə oynamış olsaydım, Afaq Bəşirqızı olmazdım".

Qeyd edək ki, Afaq Bəşirqızı (Söylü) və Valeh Kərimovun (Moşu) baş rollarını oynadığı "Bəxt üzüyü" filmi 1991-ci ildə Ramiz Əzizbəyli tərəfindən Vaqif Səmədoğlu və Orxan Fikrətoğlunun ssenarisi əsasında çəkilib. "Bəxt üzüyü 2" filmi isə 2018-ci ildə lentə alınıb. 

İntiqam VALEHOĞLU
Ölkə.Az

ŞƏRH YAZ
1

Alim Qasımov UNESCO-nun baş qərargahında konsert verib — FOTO

Alim Qasımov UNESCO-nun baş qərargahında konsert verib
09:00
Bu gün
147
Mədəniyyət
A
Parisdə UNESCO-nun baş qərargahında beynəlxalq Novruz günü münasibətilə Alim Qasımovun ifasında "Yeddi gözəl" muğam konserti keçirilib.

"Ölkə.Az" report-a istinadən bildirir ki, konsert Azərbaycan Respublikasının UNESCO yanında daimi nümayəndəliyinin təşkilatçılığı ilə Novruzun bu mötəbər qurumun qeyri-maddi irs siyahısına salınmasının 10 illiyi münasibətilə baş tutub.

Tədbirdə Azərbaycan mədəniyyət nazirinin müavini Sevda Məmmədəliyeva, UNESCO yanında daimi nümayəndə Anar Kərimov, diplomatik korpusun nümayəndələri və digər qonaqlar iştirak ediblər.

Mərasimdə çıxış edən natiqlər bəşəriyyətin bu hər iki irsi haqqında, öz ənənələri ilə xalqları bir-birinə yaxınlaşdıran, universal bir dilə malik Novruz və fərqli dillərdə danışan millətlərin hər birinin hər zaman zövqlə dinlədiyi Azərbaycan muğamı haqqında ətraflı məlumat veriblər.

Tədbirdə çıxış edən Azərbaycanın UNESCO yanında daimi nümayəndəsi Anar Kərimov Novruzun qardaşlıq, dostluq, sülh, barışıq rəmzi olduğunu bildirib və bu bayramın bugünkü münqişələr yaşanılan bir dövrdə əhəmiyyətindən söz açıb.

Dünya şöhrətli xanəndə Alim Qasımovun ifasında Azərbaycan muğamı qonaqların gurultulu alqışları ilə qarşılanıb. Xanəndəni kamançada Mirsaeed Xavər Nejad, tarda Zəki Vəliyev, dəfdə Javidan Nəbiyev müşayiət ediblər.

Ölkə.Az

ŞƏRH YAZ
0

Azərbaycanlı pianoçu Fransada təltif edildi — FOTO

Azərbaycanlı pianoçu Fransada təltif edildi
09:29
20.03.2019
338
Mədəniyyət
A
Azərbaycanlı pianoçu Səidə Zülfüqarova Fransanın Karter-Su-Puasi şəhər meriyasının medalı ilə təltif edilib.

"Ölkə.Az" Report-a istinadən xəbər verir ki, S.Zülfüqarova Fransanın Karter-Su-Puasi şəhərinin 2019-cu ilin "fəxri qadın"ı medalına layiq görülüb.

Azərbaycanlı pianoçu bu medala öz peşə fəaliyyəti, şəhərin çıçəklənməsi, inkişafındakı rolu, qadınlar arasında nümayiş etdirdiyi yüksək fəallığı və nəhayət öz sənətinin ona açdığı imkanlardan istifadə edərək insanlar arasında sülhün bərqərar olması üçün göstərdiyi səylərinə görə layiq görülüb.

S.Zülfüqarova açıqlamasında bildirib ki, onda bu mövzuya həssaslıq doğma Vətəni Azərbaycanın bir parçası olan Qarabağın işğalı, bu münaqişənin sülh yolu ilə həlli və regionda sülhün birdəfəlik bərpa olunması üçün bəslədiyi ümid dolu istəyindən irəli gəlir.

Səidə Zülfüqarova Fransada Azərbaycanı öz yüksək peşəkarlığı, tükənməz enerjisi və Vətəninə bəslədiyi sonsuz məhəbbətilə layiqincə təmsil edən musiqiçilərimizdəndir. 

Ölkə.Az

ŞƏRH YAZ
0
BAĞLA