TANAP yayda hazır vəziyyətə gətiriləcək

TANAP yayda hazır vəziyyətə gətiriləcək
22:50
18.04.2019
801
İqtisadiyyat
A
Azərbaycan 2019-cu ilin iyununda Trans-Anadolu boru kəmərini (TANAP) Avropaya sınaq qaz tədarükünün başlanması üçün hazır vəziyyətə gətirməyi planlaşdırır.

"Ölkə.Az" bu barədə Azərbaycan Respublikası Dövlət Neft Şirkətinə (SOCAR) istinadən məlumat verir.

Azərbaycanın “Şahdəniz-2” yatağından çıxarılan təbii qazın Avropaya ötürülməsinə və bölgənin təbii qaz təchizatına töhfə verəcək TANAP-ın Əskişəhərdən Ədirnə-İpsalaya qədər uzanan 2-ci fazasında son mərhələyə start verilib.

Avropaya qaz nəqli üçün nəzərdə tutulan 2-ci fazanın istismara verilməsi çərçivəsində 2019-cu il aprelin 15-dən etibarən sistemə qaz verilməyə başlanıb. 2019-cu ilin iyununda sistemin istismara hazırlıq işlərinin tamamlanması və Avropaya sınaq məqsədilə qazın nəqli üçün hazır vəziyyətə gətirilməsi planlaşdırılır.

TANAP çərçivəsində yekun işlər boru kəmərinin Əskişəhərdəki Seyidqazi rayonundan Ədirnədəki İpsala rayonunadək olan hissəsini nəzərdə tutur.

TANAP hazır vəziyyətə gətirildikdən sonra Cənub Qaz Dəhlizinin son hissəsi olan Trans-Adriatik boru kəmərinin (TAP) tikintisinin başa çatdırılması gözlənilir.

Xəzərin Azərbaycan sektorundakı “Şahdəniz-2” yatağından çıxarılan qazı Türkiyəyə və bu ölkədən Avropaya nəql edəcək TANAP “Cənub Qaz Dəhlizi”nin tərkib hissəsi olan bir layihədir. TANAP Türkiyə-Gürcüstan sərhədində Cənubi Qafqaz Boru Kəmərinə, Türkiyə-Yunanıstan sərhədində isə TAP-a birləşəcək. Uzunluğu 1810 kilometr olan TANAP-ın ilkin ötürücülük qabiliyyəti 16 milyard kubmetrdir və sonradan bu həcmin 31 milyard kubmetrədək artırılması imkanı var.

TANAP-ın səhmdarlarının bu layihədə payı belədir: “Cənub Qaz Dəhlizi” QSC - 58 faiz, “Botaş” - 30 faiz və BP şirkəti - 12 faiz.

Ölkə.Az

ŞƏRH YAZ
0

Dollar və manatın bugünkü məzənnəsi

Dollar və manatın bugünkü məzənnəsi
10:59
Bu gün
135
İqtisadiyyat
A
Azərbaycan Mərkəzi Bankı 26 avqust tarixinə olan valyuta məzənnələrini açıqlayıb.

Mərkəzi Bankdan "Ölkə.Az"a verilən məlumata görə, ABŞ dollarının rəsmi məzənnəsi 1,7000 manat təşkil edir. 

Manata nəzərən avronun məzənnəsi 1,8943 manat, 1 türk lirəsi 0,2929 manat, 1 rus rublu 0,0257 manat, 100 İran rialı 0,0040 manat, 1 gürcü larisi isə 0,5802 manatdır. 

ŞƏRH YAZ
0

Azərbaycana yeni maliyyə ayrıldı

Azərbaycana yeni maliyyə ayrıldı
21:29
25.08.2019
519
İqtisadiyyat
A
Qara Dəniz Ticarət və İnkişaf Bankı (QDTİB) Azərbaycanda müxtəlif sahələrdə layihələr portfelini genişləndirir.

“Ölkə.Az” xəbər veri ki, bunu trend-ə bankın prezidenti Dmitri Pankin deyib.

O bildirib ki, QDTİB “Şahdəniz 2” layihəsi üzrə Avropa Yenidənqurma və İnkişaf Bankı və Asiya İnkişaf Bankı ilə birgə işləyir:

“Bizim banklar sindikatımız var. QDTİB bu layihəyə 60 milyon dollar ayırıb”.

D.Pankin, həmçinin Azərbaycan Dövlət Neft Şirkəti (SOCAR) ilə əməkdaşlıq barədə danışıb:

“Bizim SOCAR-la iri layihəmiz var. Biz şirkətin ticarət maliyyələşməsi üçün 50 milyon dollar təqdim etmişik. SOCAR-la bu istiqamətdə əməkdaşlığı davam etdirmək istərdik. QDTİB-in Azərbaycanda ilk borcunun yerləşdirilməsi nəticəsində əldə olunan milli valyutanı kiçik və orta biznesin inkişafına yönəldirik. Hazırda biz elektrik enerjisi, neft-qaz sənayesi üçün avadanlıq istehsalı, ticarət maliyyələşdirilməsinin dəstəklənməsi sahələrində bir sıra layihələr hazırlayırıq”.

Ölkə.Az

ŞƏRH YAZ
0
BAĞLA