Tanımadığı adamlara zamin durdu, başına iş açdı — VİDEO

Tanımadığı adamlara zamin durdu, başına iş açdı
20:40
18.03.2017
147
Ölkə
A
Özü də bilmədən tanımadığı 2 nəfərə zamin durub...

Ölkə.Az xezerxeber.az-a istinadən bildirir ki, Novruz Fərəcov 1 il əvvəl kredit götürmək üçün iş yoldaşına zamin durub. Həmin vaxt sənədlər imzalanarkən onu aldadaraq əlavə 2 nəfərə zamin durmaq barədə də imza atdırıblar.

Novruz Fərəcov deyir ki, o, eyni sənədin bir neçə nüsxəsinə imza atdığını zənn edib.
İndi də həmin şəxslər yoxa çıxıb. Ona görə də, bank onları məhkəməyə verəcəyini bildirib. Bu işdə zamin olaraq Novruz Fərəcovdan kömək istəyirlər.
Novruz Fərəcov isə deyir ki, bu problem bankın əvvəlki sədrinin saxtakarlığı ucbatından yaranıb. Məsuliyyət də onların üzərinə düşür.
Ekspertlər bildirirlər ki, Novruz Fərəcov aldadılaraq zamin edilməsi barədə məhkəmədə iddia qaldıra bilər. Lakin zaminliyini ləğv etdirmək şansı çox aşağıdır. Kredit götürənləri tapmaq da zaminin vəzifəsi deyil. Ekspertlər məsləhət görürlər ki, bank krediti Novruz Fərəcovdan tələb etsə, ödəniş zamanı qəbzlərdə mütləq öz adını qeyd etdirsin. Bu üsulla da sonra məhkəmə yolu kredit götürəndən ödədiyi məbləği geri ala bilər.

 

ŞƏRH YAZ
0

Zakir Həsənov: "Azərbaycan NATO ilə əməkdaşlığa xüsusi önəm verir"

Zakir Həsənov:
13:10
Bu gün
15
Ölkə
A
Bu gün Azərbaycanın müdafiə naziri general-polkovnik Zakir Həsənov NATO-nun Hərbi Tərəfdaşlıq İdarəsinin rəisi general-mayor Odd Egil Pedersen və Şimali Atlantika Alyansının Quru Qoşunları Komandanlığının qərargah rəisi diviziya generalı Erhan Uzun ilə görüşüb.

"Ölkə.Az" xəbər verir ki, görüşdə Azərbaycanın NATO ilə əməkdaşlığa xüsusi önəm verdiyini bildirən general-polkovnik Z.Həsənov vurğulayıb ki, Azərbaycan Ordusunun hərbi qulluqçuları Alyansın müxtəlif proqramlarında, xüsusilə də Əfqanıstanda həyata keçirilən “Qətiyyətli Dəstək” missiyasında daim iştirak edirlər.

Qonaqlar da öz növbəsində Azərbaycanın NATO üçün vacib tərəfdaş olduğunu qeyd edərək Alyansın qərargahlarında xidmət keçən, müxtəlif proqramlarında iştirak edən Azərbaycan zabitlərinin bilik və bacarığını yüksək qiymətləndiriblər.

Ordumuzun şəxsi heyətinin yüksək peşəkarlığından və hazırlığından məmnun qaldıqlarını bildirən qonaqlar xüsusi qeyd ediblər ki, NATO-nun proqramları çərçivəsində keçirilən müxtəlif tədbirlərdə öz bilik və təcrübələrini bölüşən Azərbaycan zabitləri digər ölkələrdən olan həmkarları üçün layiqli nümunədirlər.

Əməliyyat İmkanları Konsepsiyası (ƏİK) proqramı çərçivəsində Azərbaycan Ordusunun kəşfiyyat bölüyünün 2-ci səviyyəli özünü qiymətləndirmə üzrə səhra təlimini izləmək üçün ölkəmizdə olan qonaqlar əvvəlki illərdə olduğu kimi bu dəfə də təlimin uğurla başa çatacağına əminliklərini bildiriblər.

ŞƏRH YAZ
0

Din xadimlərinə XƏBƏRDARLIQ — Rəsmi nikah olmadan kəbin kəsilə bilməz

Din xadimlərinə XƏBƏRDARLIQ
12:52
Bu gün
648
Ölkə
A
“Heç bir din xadimi rəsmi nikah olmadan kəbin kəsə bilməz. Əgər bir sənəd nikaha girən şəxslər üzərində məsuliyyət qoymursa, o kəbinin Allah, dövlət qarşısında hüquqi səlahiyyəti yoxdur. Dini yanaşma bundan ibarətdir”.

“Ölkə.Az”ın  Report-a istinadən verdiyi xəbərinə görə, bunu Milli Məclisdə “Azərbaycan ailə modeli: Müasirlik və dəyərlər” mövzusunda keçirilən dinləmədə Dini Qurumlarla İş üzrə Dövlət Komitəsinin sədr müavini Gündüz İsmayılov deyib.

Komitənin sədr müavini qeyd edib ki, dini baxımdan ailə institutu ilə bağlı təhdid yoxdur, əgər belə hal varsa, bu, dinlə bağlı deyil.

ŞƏRH YAZ
0
BAĞLA