Tanınmış aktyor direktora arxivlə cavab verdi

"Ölkə.Az" xəbər verir ki, aktyor bu dəfə onun təhsilsiz olduğunu iddia edən direktora arxivindəki fotolarla cavab verib:

""Diplomu yoxdur, o, diplomsuz aktyordu, onu institutdan qovublar"- deyən və özünü gülünc vəziyyətə salan İrəvan teatrının direktoru İftixar Piriyevə cavab verirəm. Baxın, bu insanlar mənim tələbə yoldaşlarımdır. Nəsir Sadıqzadə və Böyükağa Kazımov isə bizim müəllimlərimiz olub. Sənət aləmində ən populyar, sevilən, pedaqoq-rejissorlar. Baxın! Bu qədər yalanlardan, şər-böhtanlardan sonra İftixar Piriyev kollektivin üzünə necə baxıb danışa, camaat arasına çıxa, sənət aləmində sənətkarların üzünə baxa bilir? Çox qəribədir ki, bütün sənət aləmi, mədəniyyətimizi ,dilimizi sevən insanlar, bir sözlə hamı bu özbaşınalığı, İrəvan Teatrının get-gedə süqutunu, məhv olduğunu görür, amma, susurlar. Elə bil heç nə heç kimin vecinə deyil. Mən buna inanmaq istəmirəm və başa da düşə bilmirəm".

Qeyd edək ki, İ.Piriyev bir müddət öncə mətbuata açıqlamasında Əjdər Zeynalovun aktyor təhsilinin olmadığını bildirmişdi. 

İntiqam VALEHOĞLU
Ölkə.Az