Tanınmış aktyorla vida mərasimindən — FOTOLAR

Tanınmış aktyorla vida mərasimindən
16:14
22.08.2019
20101
Mədəniyyət
A
Ötən gün vəfat edən Akademik Musiqili Teatrın aktyoru Məhərrəm Qurbanov bu gün torpağa tapşırılıb.

"Ölkə.Az" open.az-a istinadən xəbər verir ki, avqustun 19-da beyin insultu keçirən aktyorun həyatını xilas etmək mümkün olmayıb.

Mərhum aktyorla vida mərasimi bu gün Təzə Pir məscidində keçirilib.

Mərasimdə Akademik Musiqili Teatrın kollektivi ilə yanaşı, Azərbaycanda fəaliyyət göstərən bütün teatrların nümayəndələri, Məhərrəm Qurbanovun doğmaları, ailə üzvləri, sənət dostları mərhum aktyorla son dəfə vidalaşmaq üçün Təzə Pir məscidinə gəliblər.

Məhərrəm Qurbanovun qəfil ölümü ailəsini, doğmalarını dərin yasa boğub. Mərhum aktyorun yeganə qızı Aytən Məhərrəm atasının sentyabr ayını səbirsizliklə gözlədiyini yana-yana deyirdi: "Payızda 60 illik yubileyini keçirmək istəyirdi. Həm də düşünürdü ki, 60 illik yubileyilə bağlı "Əməkdar artist" Fəxri adına layiq görüləcək. Atamın arzuları ürəyində qaldı. Dostlarını başına yığıb, yubileyini keçirmək istəyirdi. Qismət olmadı. Bu gün bütün dostları yenə də buradadır, hamı onun başına yığılıb. Amma atam artıq yoxdur...".

Mərhum aktyorun ruhuna oxunan dualardan sonra Məhərrəm Qurbanov dostlarının çiynində, gur alqış sədaları altında son mənzilə yola salınıb.

Dəfn mərasimi Yasamal qəbiristanlğında olub. Belə ki, doğmaları əvvəlcə Məhərrəm Qurbanovu Gəncədə dəfn etmək istəsələr də yeganə qızı Aytən Qurbanova atasının Bakıda torpağa tapşırılmasını arzulayıb.

Məhərrəm Qurbanova Allahdan rəhmət diləyirik!

ŞƏRH YAZ
0

Heydər Əliyev Mərkəzində "Bakı və Moskva onları sevir" fotosərgisi açılıb

Heydər Əliyev Mərkəzində
22:24
24.01.2020
509
Mədəniyyət
A
Yanvarın 24-də Heydər Əliyev Mərkəzində "Bakı və Moskva onları sevir" adlı fotosərgi açılıb.

"Ölkə.Az"ın məlumatına görə, sərgidə Rusiyanın TASS agentliyinin və Azərbaycan Dövlət İnformasiya Agentliyinin (AZƏRTAC) fotomüxbirləri tərəfindən çəkilmiş 60-dan çox foto nümayiş etdirilir.

AZƏRTAC-ın İdarə Heyətinin sədri Aslan Aslanov və TASS informasiya agentliyinin baş direktoru Sergey Mixaylov sərginin açılışında çıxış ediblər. Qeyd olunub ki, sərgini cəsarətlə iki informasiya agentliyinin birgə yaradıcılıq işinin bəhrəsi adlandırmaq olar.

Açılışı bildirən rəmzi lent kəsildikdən sonra iştirakçılar sərgi ilə tanış olublar.

Sərgidə nümayiş olunan fotolarda ölkələrimizin liderləri, tanınmış siyasətçilər, ictimai xadimlər, elm adamları, aktyorlar, musiqiçilər və idmançılar əks olunub. Ekspozisiyada Azərbaycan xalqının ümummilli lideri, Rusiya-Azərbaycan münasibətlərini tamamilə yeni məzmunla zənginləşdirmiş Heydər Əliyevin, öz səyləri ilə ölkələrimiz arasında əlaqələri strateji tərəfdaşlıq səviyyəsinə yüksəldən və gündən-günə möhkəmləndirən Azərbaycan Prezidenti İlham Əliyevin və Rusiya Prezidenti Vladimir Putinin fotoları var.

Bəstəkarlar Qara Qarayev və Fikrət Əmirov, SSRİ Xalq rəssamı Tahir Salahov, SSRİ Xalq artisti Müslüm Maqomayev, Xalq artisti Polad Bülbüloğlu, görkəmli neftçi Fərman Salmanov da bu fotoların qəhrəmanlarıdır.

ŞƏRH YAZ
0

Həmidə Ömərova professor oldu

Həmidə Ömərova professor oldu
16:31
24.01.2020
633
Mədəniyyət
A
Xalq artisti Həmidə Ömərova "professor" elmi adına layiq görülüb.

"Ölkə.Az" axşam.az-a istinadən xəbər verir ki, bu barədə Azərbaycan Dövlət Mədəniyyət və İncəsənət Universitetindən məlumat verilib. Universitetin "Kinoşünaslıq" kafedrasına rəhbərlik edən aktrisanı sənət dostları da sosial şəbəkədə təbrik edib.

Qeyd edək ki, sənətçi Prezidentin fərdi təqaüdçüsüdür. İndiyədək onlarla tamaşa və filmdə rol alan H.Ömərova hazırda “Ata ocağı” serialına çəkilir.

ŞƏRH YAZ
0
BAĞLA