Tanınmış azərbaycanlı həkim Rusiyada faciəvi şəkildə öldü

Tanınmış azərbaycanlı həkim Rusiyada faciəvi şəkildə öldü
15:15
13.08.2019
2419
Hadisə
A
Rusiyanın Kalininqrad şəhərində baş vermiş yol-nəqliyyat hadisəsi nəticəsində tanınmış azərbaycanlı həkim-otorinolarinqoloq Tengiz Hüseynağa oğlu Axundov ölüb.

"Ölkə.Az" oxu.az-a istinadən xəbər verir ki, yol qəzası avqustun 11-də səhər saatlarında baş verib.

Belə ki, “Volkswagen Golf” avtomobilini idarən edən 63 yaşlı sürücü idarəetməni itirərək, qarşı hərəkət zolağına çıxıb və T.Axundovun sükanı arxasında olduğu “Volkswagen Polo” maşını ilə toqquşub.

65 yaşında həyatını itirən azərbaycanlı uzun müddət Kalininqradın Mərkəzi Şəhər Kliniki Xəstəxanasında işləyib. İnsident zamanı T.Axundovun yanında onun böyük oğlu olub. O, xəsarət almayıb.

T.Axundov Azərbaycanda dəfn ediləcək. Onun nəşi bu gün təyyarə ilə ölkəyə çatdırılacaq.

Ölkə.Az

ŞƏRH YAZ
0

"Jiquli" “Kamaz”la toqquşdu, yaralı var — FOTO

06:49
Bu gün
85
Hadisə
A
Goranboyda ağır yol-nəqliyyat hadisəsi qeydə alınıb.

"Ölkə.Az" qafqazinfo-ya istinadən xəbər verir ki, hadisə rayonun Nazikkənd kəndində baş verib.

Belə ki, 50-BB-121 dövlət qeydiyyat nişanlı "Vaz 21-06" markalı minik avtomobili hərəkətdə olarkən qarşısında hərəkətdə olan 10-ZA-263 dövlət qeydiyyat nişanlı "Kamaz" markalı yük maşını ilə toqquşub.

Nəticədə minik avtomobilinin sürücüsü - 1961-ci il təvəllüdlü Həsənov Nazim Məhəmməd oğlu ağır xəsarət alıb.

Yaralı təcili tibbi yardım maşını ilə xəstəxanaya çatdırılıb.
Həkimlər N.Məmmədovun vəziyyətinin ağır olduğunu bildiriblər.

Faktla bağlı araşdırma aparılır.



ŞƏRH YAZ
0

Bakıda ən çox yol qəzası bu səbəbdən baş verib — RƏSMİ

Bakıda ən çox yol qəzası bu səbəbdən baş verib
01:15
Bu gün
676
Hadisə
A
2019-cu ildə Bakı şəhərində piyadaların vurulması ilə bağlı 334 fakt qeydə alınıb.

"Ölkə.Az" xəbər verir ki, bunu Lent.az-a Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədov deyib. O, ötən il ərzində paytaxtda baş verən yol qəzalarında 186 nəfərin həlak olduğunu da bildirib:

“2019-cu ildə Bakı şəhəri üzrə 569 yol-nəqliyyat hadisəsi qeydə alınıb. Nəticədə 186 nəfər həlak olub, 518 nəfər yaralanıb. 2018-ci il ilə müqayisədə yol-nəqliyyat hadisələrinin sayı 50 fakt, yəni 8,1 faiz, xəsarət alanların 11 nəfər, yəni 2,1 faiz, həlak olanların sayı isə 26 nəfər, yəni 12, 3 faiz azalıb.

Ümumi hadisələrin 149-u, bir sözlə, 26,2 faizi yüksək sürət həddi nəticəsində baş verib. Ötmə və qarşı yola çıxma 40, 4 faiz, yəni 230, yol ayrıcından keçmə nəticəsində isə 7,9 faiz, yəni 45 hadisə qeydə alınıb”.

V.Əsədovun sözlərinə görə, Bakıda baş verən yol-nəqliyyat hadisələri zamanı 11 azyaşlı dünyasını dəyişib:

“Hadisələrin 58,7 faizi piyada vurulmaları ilə bağlıdır ki, bu da çox ciddi narahatlıq doğurur. Piyada vurulması ümumi hadisələr arasında 334 fakt təşkil edir ki, nəticədə 122 nəfər həlak olub, 229 nəfər isə xəsarət alıb. 2018-ci il ilə müqayisədə piyada vurulma hadisələrində 4 faiz azalma var. Piyadaların vurulması ilə baş verən qəzaların yerinə diqqət yetirsək, onların daha çox piyada keçidlərin ətrafında və işıqlandırılmayan yerlərdə baş verdiyini görürük.

Ayrıca azyaşlıların iştirakı ilə baş verən 45 qəzada 11 azyaşlı həlak olub, 41 nəfər isə xəsarət alıb. 2018-ci il ilə müqayisədə 5 fakt, 2 ölüm halı və 1 xəsarət alma azalıb”.

Vaqif Əsədovun sözlərinə görə, ötən il avtobus sürücülərinin iştirakı ilə baş verən 33 yol qəzasında 9 nəfər həlak olub:

“Ötən il marşrut avtobuslarının iştirakı ilə 33 yol-nəqliyyat hadisəsi baş verib. Nəticədə 9 nəfər həlak olub, 32 nəfər xəsarət alıb. 5 nəfərin həlak olması, 15 nəfərin xəsarəti ilə nəticələnən 18 yol-nəqliyyat hadisəsi hüquqi şəxslərə məxsus, 4 nəfərin ölümü, 17 nəfərin xəsarəti ilə nəticələnən yol-nəqliyyat hadisəsi isə fiziki şəxslərə məxsus marşrut avtobuslarına aiddir. 2018-ci il ilə müqayisə etdikdə hadisələrin sayı 11 fakt, ölənlərin sayı 14 nəfər və xəsarət alanların sayı isə 6 nəfər azalıb”.

Hesabat dövründə 129 avtomobilin oğurlandığını deyən şöbə rəisi, sərxoş halda avtomobillərin idarə olunması ilə bağlı 1700 fakt aşkarlandığını da bildirib:

“2019-cu ildə Bakı şəhərində 129 avtonəqliyyat vasitəsi qaçırılıb. Aparılan əməliyyat tədbirləri ilə onlardan 120-i tapılıb, 9-nun axtarışı davam etdirilir.

Sərxoş vəziyyətdə avtomobillərin idarə olunması ilə bağlı 1700 fakt aşkar edilib. Bu göstərici 2018-ci il ilə müqayisədə 717 fakt və ya 29,6 faiz azalıb”.

Ölkə.Az

ŞƏRH YAZ
0
BAĞLA