Tanınmış azərbaycanlı həkim Rusiyada yol qəzasında öldü — FOTO

Tanınmış azərbaycanlı həkim Rusiyada yol qəzasında öldü
02:03
14.08.2019
1408
Hadisə
A
Rusiyanın Kalininqrad vilayətinin cənubunda avqustun 11-də baş vermiş qəzada dünyasını dəyişən azərbaycanlı həkim Tenqiz Hüseynağa oğlu Axundov olub.

"Ölkə.Az" qafqazinfo-ya istinadən xəbər verir ki, uzun illərdir Kalininqrad şəhər klinikasında çalışan otorinolarinqoloq "Polo" markalı maşının sükanı arxasında olub. Qəza "Folksvaqen Qolf" markalı avtoomobilin qarşı zolağa çıxması nəticəsində baş verib. Hadisə zamanı Axundovun yanında oğlu da olub. Həkimin oğlu xəsarət almadan xilas ola bilib.

Qeyd edək ki, azərbaycanlı həkimin ölümü rusiyalı xəstələrinin dərin kədərinə səbəb olub. Sosial şəbəkədə onun haqqında xatirələrini bölüşən pasiyentlər və Səhiyyə Nazirliyinin regional şöbəsi Tenqiz Axundovun yaxınlarına başsağlığı veriblər.

Tenqiz Axundov 3 uşaq atası olub. Mərhumun meyiti bu gün Azərbaycana gətiriləcək.

Ölkə.Az 

ŞƏRH YAZ
0

Silsilə oğurluqlar edən şəxslər tutuldu

Silsilə oğurluqlar edən şəxslər tutuldu
13:48
Bu gün
4397
Hadisə
A
Abşeron rayonunda oğurluq etməkdə şübhləi bilinən iki nəfər saxlanılıb.

"Ölkə.Az" xəbər verir ki, Abşeron RPİ əməkdaşlarının keçirdikləri əməliyyat tədbirləri nəticəsində rayon ərazisindəki 1 mağazadan pul, danışıq kartları və tütün məmulatı, 3 evdən pul, qızıl əşyalar, 1 ədəd noutbuk və 2 ədəd mobil telefon oğurlamaqda şübhəli bilinən əvvəllər məhkum olunanlar Quba rayon sakini R.Quliyev və Beyləqan rayon sakini B.Nərimanov saxlanılıb.

Ətraflarında aparılan əməliyyat tədbirləri ilə onların Mehdiabad qəsəbəsindəki evlərin birindən  200 manat pul, qol saatı və gümüş əşya oğurlamaları da müəyyən edilib.

Natiq Allahverdiyev
Ölkə.Az

 

ŞƏRH YAZ
0

Masallı sakinindən tragikomik cinayət — bağırsağındakı problemə görə polisə zəng ETDİ VƏ...

Masallı sakinindən tragikomik cinayət
13:08
Bu gün
3604
Hadisə
A
Masallı rayonunda polisə yalan məlumat verən şəxs barəsində cinayət işi başlanıb.

"Ölkə.Az" xəbər verir ki, avqustun 18-də saat 12.42-də naməlum şəxs mobil telefonla polisə zəng edib “bu gün dövlət iş yerlərinə silahlı hücum olacaq” deyərək dəstəyi asıb.

Araşdırmalar zamanı qeyd edilən telefon zənginin Masallı rayonunun Hişkədərə kənd sakini R.Cabbarova məxsus olması müəyyən edilib.

Masallı Rayon Polis Şöbəsi əməkdaşlarının keçirdikləri əməliyyat tədbirləri nəticəsində R.Cabbarov saxlanılıb. O, izahatında mədə-bağırsaq və bel nahiyəsində olan xəstəlikdən əziyyət çəkdiyinə görə əsəbləşərək polisə bilə-bilə yalan məlumat verməsini etiraf edib.

Faktla əlaqədar Cinayət Məcəlləsinin 216-cı (terrorçuluq barədə bilə-bilə yalan məlumat vermə) maddəsi ilə cinayət işi başlanıb.

Natiq Allahverdiyev
Ölkə.Az

 

ŞƏRH YAZ
1
BAĞLA