Tanınmış azərbaycanlı şair vəfat etdi

Tanınmış azərbaycanlı şair vəfat etdi
14:07
18.08.2019
9698
Mədəniyyət
A
Şair Oqtay Rza (Oqtay Rzalı Məhəmməd oğlu) vəfat edib.

“Ölkə.Az” xəbər verir ki, bu barədə APA-ya Azərbaycan Yazıçılar Birliyinin mətbuat katibi Xəyal Rza məlumat verib.

Oqtay Rza bu gün günorta saatlarında vəfat edib.

Qeyd edək ki, Oqtay Rza 1934-cü il noyabrın 2-də Salyan rayonunun Qalalı kəndində anadan olub. 1951-1956-cı illərdə Azərbaycan Sənaye İnstitutunun geoloji-kəşfıyyat fakültəsini fərqlənmə diplomu ilə bitirib geoloq ixtisası alman Oqtay Rza əmək fəaliyyətinə Bayıldakı Neft və Qazçıxarma İdarəsinin 5 saylı mədənində başlayıb, operator, baş operator, neftçıxarma ustası olub. Elmi-tədqiqat işi müdafıə edib geologiya-mineralogiya elmləri namizədi alimlik dərəcəsi alıb. N.Tusi adına APİ-nin ümumi coğrafıya kafedrasında müəllim, baş müəllim (1966-1969), 1971-ci ildən isə dosent işləyib.

"Bir may" adlı ilk şerini yeddiillik məktəbdə oxuyarkən yazıb "Sosializm yolu" rayon qəzetində dərc etdiribr. Həmin vaxtdan poetik yaradıcılıqla müntəzəm məşğul olur, bədii tərcümələr də edir. Dünya xalqlarının ədəbiyyatından tərcümələri dövri mətbuatda müntəzəm çap olunur. Əsərləri xarici mətbuatda dərc edilib. "Kamennıy Svetilnik" şerlər toplusu 1987-ci ildə Moskvada kütləvi tirajla buraxılıb. "Torpağı dinləyirəm", "Ürəyi oxuyun" və başqa kitabların müəllifidir.

Allah rəhmət eləsin.

Ölkə.Az

ŞƏRH YAZ
0

Heydər Əliyev Mərkəzində "Bakı və Moskva onları sevir" fotosərgisi açılıb

Heydər Əliyev Mərkəzində
22:24
24.01.2020
509
Mədəniyyət
A
Yanvarın 24-də Heydər Əliyev Mərkəzində "Bakı və Moskva onları sevir" adlı fotosərgi açılıb.

"Ölkə.Az"ın məlumatına görə, sərgidə Rusiyanın TASS agentliyinin və Azərbaycan Dövlət İnformasiya Agentliyinin (AZƏRTAC) fotomüxbirləri tərəfindən çəkilmiş 60-dan çox foto nümayiş etdirilir.

AZƏRTAC-ın İdarə Heyətinin sədri Aslan Aslanov və TASS informasiya agentliyinin baş direktoru Sergey Mixaylov sərginin açılışında çıxış ediblər. Qeyd olunub ki, sərgini cəsarətlə iki informasiya agentliyinin birgə yaradıcılıq işinin bəhrəsi adlandırmaq olar.

Açılışı bildirən rəmzi lent kəsildikdən sonra iştirakçılar sərgi ilə tanış olublar.

Sərgidə nümayiş olunan fotolarda ölkələrimizin liderləri, tanınmış siyasətçilər, ictimai xadimlər, elm adamları, aktyorlar, musiqiçilər və idmançılar əks olunub. Ekspozisiyada Azərbaycan xalqının ümummilli lideri, Rusiya-Azərbaycan münasibətlərini tamamilə yeni məzmunla zənginləşdirmiş Heydər Əliyevin, öz səyləri ilə ölkələrimiz arasında əlaqələri strateji tərəfdaşlıq səviyyəsinə yüksəldən və gündən-günə möhkəmləndirən Azərbaycan Prezidenti İlham Əliyevin və Rusiya Prezidenti Vladimir Putinin fotoları var.

Bəstəkarlar Qara Qarayev və Fikrət Əmirov, SSRİ Xalq rəssamı Tahir Salahov, SSRİ Xalq artisti Müslüm Maqomayev, Xalq artisti Polad Bülbüloğlu, görkəmli neftçi Fərman Salmanov da bu fotoların qəhrəmanlarıdır.

ŞƏRH YAZ
0

Həmidə Ömərova professor oldu

Həmidə Ömərova professor oldu
16:31
24.01.2020
633
Mədəniyyət
A
Xalq artisti Həmidə Ömərova "professor" elmi adına layiq görülüb.

"Ölkə.Az" axşam.az-a istinadən xəbər verir ki, bu barədə Azərbaycan Dövlət Mədəniyyət və İncəsənət Universitetindən məlumat verilib. Universitetin "Kinoşünaslıq" kafedrasına rəhbərlik edən aktrisanı sənət dostları da sosial şəbəkədə təbrik edib.

Qeyd edək ki, sənətçi Prezidentin fərdi təqaüdçüsüdür. İndiyədək onlarla tamaşa və filmdə rol alan H.Ömərova hazırda “Ata ocağı” serialına çəkilir.

ŞƏRH YAZ
0
BAĞLA