Tanınmış bəstəkar vəfat etdi

Tanınmış bəstəkar vəfat etdi
19:02
26.12.2017
5195
Mədəniyyət
A
Keçmiş SSRİ-nin tanınmış bəstəkarı Vladimir Şainski vəfat edib.

"Ölkə.Az" “Report”-a istinadən xəbər verir ki, o, 92 yaşında dünyasını dəyişib.  

Qeyd edək ki, Vladimir Şainski 1925-ci il dekabrın 12-də Ukraynanın Kiyev şəhərində anadan olub. Gələcəyin tanınmış bəstəkarı 1965-ci ildə Üzeyir Hacıbəyov adına Bakı Dövlət Konservatoriyasının (hazırki Üzeyir Hacıbəyli adına Bakı Musiqi Akademiyası) bəstəkarlıq fakültəsini bitirib. O, Qara Qarayevin sinfində oxuyub.

V.Şainski 2000-ci ilədək Moskvada yaşayıb və işləyib. Həmin il İsrailə köçüb və 2004-cü ilədək bu ölkədə yaşayıb. 2004-cü ildə ABŞ-ın San-Dieqo şəhərinə köçüb. Orada oturum izni alıb. Bundan sonra Rusiya və ABŞ-da yaşayıb. 2013-cü ildən isə daimi olaraq ABŞ-da yaşayırdı.

V.Şainski timsah Gena və Çeburaşka haqqında “Mavi vaqon” və “Qoy dəcəllər qaçsın” da daxil olmaqla 40-dan artıq cizgi filminə musiqi bəstələyib.

Onun mahnılarını Mayya Kristalinskaya, Lyudmila Zıkina, Anna German, İosif Kabzon, Alla Puqaçova, Lev Leşenko və digər tanınmış müğənnilər ifa ediblər.

V.Şainski “Əsgər şəhəri gəzir”, “Ata evi” kimi mahnıların, “Şən və hazırcavablar klubu”nun (KVN) himninin müəllifidir. 

ŞƏRH YAZ
1

"Ayşad Fuad Poladovu anmazdan əvvəl rəhbərliklə məsləhətləşməliydi" — Əli Nur

12:30
16.05.2018
6275
Mədəniyyət
A
Əməkdar artist Əli Nur mərhum xalq artisti Fuad Poladovun Akademik Milli Dram Teatrında tamaşada əməkdar artist Ayşad Məmmədov tərəfindən anılmasına münasibət bildirib.

"Ölkə.Az"a danışan aktyor bildirib ki, həmin aktyor bununla bağlı rəhbərliklə məsləhətləşməliydi:

"Bu məsələdən mən də xəbərdaram. Həmin gün "Şah Qacar" tamaşaçısı olub. Fuad Poladov Şah Qacar rolunun əvəzolunmaz ifaçısıydı və mədəniyyət tariximizdə sənətkar kimi qalacaq. Ayşad Məmmədovun tamaşadan öncə Fuad Poladovu anmağında qəbahət yoxdur. Çünki Həsənağa Turabov, Səməndər Rzayev kimi sənətkarları da səhnədə yad etmişik. Ancaq burada bir incə məsələ var. Teatr çox böyük ictimai tribuna olduğuna görə proqramdan kənar çıxış etmək olmaz. Teatrın rəhbərliyi, nazirliyin səlahiyyətli şəxsləri var. Onlarla məsləhətləşmək lazım idi. Belə demək mümkünsə, Ayşad həm düz edib, həm də səhv".

Qeyd edək ki, əməkdar artist Ayşad Məmmədovun "Şah Qacar" tamaşasından əvvəl xalq artisti Fuad Poladovu anması teatr rəhbərliyinin narazılığına səbəb olmuşdu.

İntiqam VALEHOĞLU  
Ölkə.Az

ŞƏRH YAZ
0

17 yaşlı xanəndəmiz Tacikistanda konsert verdi — FOTOLAR

17 yaşlı xanəndəmiz Tacikistanda konsert verdi
18:15
14.05.2018
2749
Mədəniyyət
A
VI Muğam Müsabiqəsinin qalibi Almaxanım Əhmədli Tacikistanın paytaxtı Düşənbədə solo konsert proqramıyla çıxış edib.

 "Ölkə.Az"-ın məlumatına görə, Azərbaycan Xalq Cümhuriyyətinin 100, Ümummilli lider Heydər Əliyevin anadan olmasının 95 illiyinə həsr edilmiş konsert proqramı saat yarım davam edib. Gənc xanəndə saytımıza açıqlamasında bildirib ki, konsertdə Tacikistan və Azərbaycanın dövlət rəsmiləriylə yanaşı, xarici ölkələrin diplomatik korpuslarının nümayəndələri də iştirak ediblər:

"Kosnertdə "Cəngi" Folklor Ansamblının və Mədəniyyət Nazirliyinin xəttiylə getmişdik. 

Konsertimiz çox yüksək səviyyədə keçdi. "Şeş Makom" muğam festivalında oxuduğum "Qarabağ şikəstəsi" isə gözlədiyimdən də yüksək səviyyədə qarşılandı. Konsertdən sonra Tacikistanın Dövlət Televiziyasına müsahibə verdim. Tacikistandakı səfirimiz Həsən Məmmədzadəylə də görüşümüz oldu". 

Qeyd edək ki, A.Əhmədli 2017-ci ildən AzTV-nin solisti, eyni zamanda Azərbaycan Milli Konservatoriyasının solo oxuma fakültəsinin tələbəsidir.

İntiqam VALEHOĞLU
Ölkə.Az

ŞƏRH YAZ
0
BAĞLA