Tanınmış məşqçi infarkt keçirdi — Vəziyyəti yaxşı deyil

Tanınmış məşqçi infarkt keçirdi
22:55
07.02.2018
1638
İdman
A
Tanınmış məşqçi Böyükağa Hacıyev xəstəxanaya yerləşdirilib.

"Ölkə.Az" Futbol11.az-a istinadən xəbər verir ki, təcrübəli məşqçi infarkt keçirib və əməliyyat masasına uzanıb.

Onun vəziyyətinin yaxşı olmadığı gələn xəbərlər arasındadır.

Qeyd edək ki, 59 yaşlı Hacıyev məşqçilik karyerası ərzində “Qarabağ”, “Araz Naxçıvan”, “Maşınsazi”, “Traktor Sazi”, “Bakı”, “Standart” və “Neftçi” kimi komandaları çalışdırıb.

O, “Bakı” və “Neftçi” ilə Azərbaycan çempionluğunu, eyni zamanda ölkə kubokunu qazanıb. Avropa Liqasının qrup mərhələsinə komanda çıxaran ilk azərbaycanlı məşqçi kimi də tarixə düşüb.

Ölkə.Az

ŞƏRH YAZ
1

"Arsenal" - "Qarabağ" oyununun hakimləri açıqlandı

14:58
Bu gün
368
İdman
A
UEFA Avropa Liqasının qrup mərhələsinin VI turunda İngiltərənin “Arsenal” və Azərbaycanın “Qarabağ” komandaları arasında keçiriləcək oyunun hakimləri açıqlanıb.

“Ölkə.Az” xəbər verir ki, dekabrın 13-də Londondakı “Emireyts” stadionunda baş tutacaq görüş danimarkalı ədalət təmsilçilərinə həvalə olunub. Matçın baş hakimi Yens Moedir. Lars Hummelqorla Heyne Serensen yan xatt hakimləri qismində təyinat alıblar.

Qarşılaşmanın dördüncü hakimi Esper Dal, əlavə köməkçilər isə Yorgen Burxardt və Morten Kroq olacaq. Yunanıstanlı Stavros Tritsonis hakim-inspektor, finlandiyalı Styrbjörn Oskarsson isə UEFA nümayəndəsi funksiyasını yerinə yetirəcək.

Qeyd edək ki, matç Bakı vaxtı ilə saat 00:00-da start götürəcək. Bu komandalar arasında Bakı Olimpiya Stadionunda baş tutan oyun “Arsenal”ın 3:0 hesablı qələbəsi ilə yekunlaşıb.

Ölkə.Az

ŞƏRH YAZ
0

Şərif Şərifov Rusiyada bürünc medal qazanıb

Şərif Şərifov Rusiyada bürünc medal qazanıb
22:46
09.12.2018
1633
İdman
A
Şimali Osetiyanın paytaxtı Vladiqafqazda (Rusiya) sərbəst güləş üzrə "Alans" turniri keçirilib.

"Ölkə.Az" report-a istinadən bildirir ki, yığmamızın böyük məşqçisi Zəlimxan Hüseynovun rəhbərliyi altında olimpiya və dünya çempionu Şərif Şərifov və Məhəmmədhacı Xatiyev (hər ikisi 92 kq) yarışda ölkəmizi təmsil edib.

Aslenbek Alborov son anda zədə üzündən xalça üzərinə çıxa bilməyib. Digər təmsilçilərimizə gəlincə, Xatiyev 1/8 finalda mübarizəni dayandırıbsa, Şərifov bürünc medal qazanaraq, 1000 dollar pul mükafatına sahib çıxıb.

Ölkə.Az

ŞƏRH YAZ
0
BAĞLA