Tanınmış xanəndə: "125 kiloluq daşlarla məşq edirəm" — MÜSAHİBƏ

Tanınmış xanəndə:
16:03
09.04.2018
7794
Maqazin
A

 Tanınmış xanəndə, əməkdar artist İlkin Əhmədov "Ölkə.Az"ın suallarını cavablandırıb.

İlkin bəy, ənənəmizə sadiq qalaraq yaradıcılıq yenilikləriylə başlayaq...

- Həm bəstəkar mahnıları üzərində çalışırıq, həm unudulmuş mahnıları yeni aranjemanda ifa edirik.  Eyni zamanda Opera və Balet Teatrının solistiyəm. Neçə illərdir opera səhnəsində baş rolları canlandırıram. "Leyli və Məcnun"da Məcnun rolundan sonra böyük bir əsərin üzərində iş gedir. Cahangir Cahangirovun "Xanəndənin taleyi" operası yeni formada hazırlanır. Səylə çalışıram ki, bu əsəri tamaşaçılara daha da sevdirək. Ümumiyyətlə, "Xanəndənin taleyi" Cahangir Cahangirovun ən məşhur və sevimli əsərlərindən biridir. Deyim ki, bu əsər uzun müddətdir səhnələşdirilmirdi. Tamaşanın quruluşçu rejissoru əməkdar incəsənət xadimi Hafiq Quliyevdir.

- Tərəf müqabilləriniz kimlərdir?

- Burada tərəf müqabillərim vokalçılardır. Bu tamaşada həm də muğam ifaçısı ilə vokalçıların sənət sintezi var. Deyilənə görə, səsim vokala yaxın olduğu üçün bu tamaşaya seçilmişəm. Yaxın vaxtlarda Amerikaya, Avropaya qastrollarımız gözlənilir. Əsas odur ki, boş dayanmırıq. 

- Çox gənc yaşınızda əməkdar artist fəxri adına layiq görüldünüz...

- Bəli, 31 yaşımda.

- Yanılmıramsa, Simarə İmanovadan sonra fəxri ada layiq görülən ən gənc xanəndəsiniz...

- Alim Qasımov da fəxri adı gənc yaşlarında-səhv etmirəmsə, 26 yaşında alıb. Mən də o siyahıdayam. Bu tezlikdə fəxri ad almağım məni arxayınlaşdırmır. Əksinə, məsuliyyətimi artırır. Məni bu ada layiq bildiyi üçün Prezident İlham Əliyevə sonsuz təşəkkürümü bildirirəm. Mənimlə yanaşı, bir neçə gənc ifaçılar da bu fəxri ada layiq görüldü. İndi hər birimiz daşıdığımız fəxri adı doğrultmağa daha da çalışırıq. 

- Pedaqoq kimi fəaliyyətiniz varmı?

- Bir il olar ki, müəyyən səbəblərə görə pedaqoq kimi fəaliyyətimi dayandırmışam. Gələn tədris ilindən Milli Konservatoriyada və Bakı Humanitar Kollecində işimi davam etdirəcəyəm.

- Sizcə muğam məktəblərimizdən hansı daha bünövrəli və güclüdür? Məsələn, Qarabağ, Şirvan, Cənub...

- Bunu demək mənə yaraşmaz. Əsas odur ki, bütün məktəblər muğamımıza xidmət edib. Çünki ifaçıların hamısı gəlib gedir. Mən Qarabağ məktəbinin nümayəndəsiyəm. Qarabağ məktəbi deyəndə Seyid Şuşinski yolu əsas tutulur. Fəxr edirəm ki, muğam ifaçılığının davamçısıyam. Ümumiyyətlə, belə bölgülərin tam əleyhinəyəm.

- İfaçıların əksəriyyəti övladlarını öz davamçısı kimi görmək istəmir. Bildirirlər ki, çətin peşədir. Siz necə düşünürsünüz?

- Qətiyyən belə düşünmürəm. İstərdim ki, övladım yolumu davam etdirsin. Mənim üçün fəxr olardı. Amma bir şərtlə ki, yaxşı sənəti ola, geydirmə, kompüterlə yığılma səs yox. Mənim idealım Arif Babayevdir. O, həm də mənim ustadımdır. 

- Solo konsert planınız varmı?

- Bəli, may ayında Muğam Mərkəzində solo konsertim olacaq. Dəvətnamələr də olacaq, bilet də satılacaq.

- Bilirəm ki, əslən Cəbrayıl rayonundasınız. Biləsuvarda Cəbrayıl məcburi köçkün qəsəbəsində konsert verərdinizmi?

- Orada bir dəfə solo konsertim olub. Bilet satmadıq, icra hakimiyyətinin qarşısında konsert verdik. Daha bir dəfə də orada konsert verəcəyəm.

- Toy qonorarınızı açıqlaya bilərsiniz?

- Yeganə ifaçıyam ki, standart qiymət deyə bilmirəm. Damara baxıb, qan alıram.

- Bəs damarda qan lap çox olsa?

- O qalır qarşı tərəfin insafına (gülür). Bəzən də getdiyim məclisdə düşündüyümdən artıq qonorar verirlər.

- Hobbiniz nədir?

- Ən böyük hobbim idmandır. İndi də ağır atletikayla məşğulam.

- Bəs səsinizə ziyan etməz?

- Mən aşırı dərəcədə ağırlıq qaldırmıram ki, səsimə ziyan etsin. Ən ağır qaldırdığım çəki 120 kiloqramdır. Bəzən 125 kiloqram da qaldırıram. Amma davamlı çalışsasm, 160 kiloqram da qaldıraram. İdmana 9-cu sinifdə başlamışam.

İntiqam VALEHOĞLU
Ölkə.Az

ŞƏRH YAZ
1

"Kim olur olsun, danışığımı dəyişməyəcəm" — Elnarədən etiraz

16:55
Bu gün
1698
Maqazin
A
Xəbər verdiyimiz kimi, Nəsimi adına Dilçilik İnistitutu “Musiqi ifaçıları və ədəbi dil normalarının gözlənilməsi” mövzusunda monitorinq keçirib.

"Ölkə.Az"ın Axşam.az-a istinadən verdiyi  məlumatına görə, bir çox məşhurların mahnı oxuyarkən və efirdə danışarkən ədəbi dil qaydalarını pozduğu bildirilib. Siyahıda əməkdar artist Elnarə Abdullayevanın da adı yer alıb. 

"Zaurla Günaydın" verilişinə qonaq olan xanəndə iradları qəbul etməyib və buna əməl etməyəcəyini söyləyib:

"Siyahıda Brilliant Dadaşovanın da adı var. Bakılıdır və bu ləhcə ilə danışır. Pisdir? Türkiyədə efirdə bölgə ləhcəsi ilə danışırlar. Bizim kəntdə necə danışırlarsa, elə danışıram da. Kimin haradan gəldiyi bəlli deyilsə, yaxşı deyil. 

Mən niyə durub obraza girməliyəm? Belə danışıram. Özümüzə aid danışıq dilimiz var. Oxuyanda belə oxumuram ki... Mənə 20-30 yaşından sonra heç kim deməyəcək ki, belə danış. Dilçilik İnistitutu olmur, kim olur olsun, danışığımı dəyişə bilməz. İstəmirsiz, efirlərə gəlmirəm. Mən kiməmsə, oyam. Orada işləyənlər özləri ləhcə ilə danışırlar. Niyə sən öz ləhcəni dəyişmirsən, mən dəyişim?".

ŞƏRH YAZ
0

Şahan Gökbakar 20 il əvvəlki fotosunu YAYIMLADI

Şahan Gökbakar 20 il əvvəlki fotosunu YAYIMLADI
16:28
Bu gün
1180
Maqazin
A
Məşhur komediya ustası Şahan Gökbakar artıq “Receb İvedik 6” filminin çəkilişlərini başa vurub.

“Ölkə.Az” xəbər verir ki, aktyor 20 il əvvələ aid fotosunu sosial şəbəkədəki profilində yayımlayıb. Yanına yeni fotosunu qoyan Gökbakar “20 il əvvəl, 20 il sonra” qeydini yazıb.

Şahanın izləyicilərindən biri fotoya “Qardaş, kiçik olanda da yaşlı imişsən” rəyini yazıb. Bəziləri isə onun plastik əməliyyat olmaması, üzündə məsum bir ifadə olduğunu qeyd ediblər.

Qeyd edək ki, “Receb İvedik 6” filmi Rəcəbin Afrikadakı sərgüzəştlərindən bəhs edir.

Hikmət Həsənov
Ölkə.Az

ŞƏRH YAZ
0
BAĞLA