Tanınmış xanım aparıcı minaya düşərək öldü

“Ölkə.Az” xəbər verir ki, Mosulda İraq ordusundan reportaj hazırlayan “Rudaw” kanalının məşhur aparıcısı Şifa Gerdi İŞİD terrorçularının basdırdığı minaya düşüb. Tanınmış aparıcı mina partlaması nəticəsində ölüb.

Mina partlayışından sonra aparıcının bədəni parçalanıb. Onun başının, qollarının və ayaqlarının bədənindən ayrıldığı bildirilir.

Qeyd edək ki, “Rudaw” kanalı kürd əsilli Mesut Barzanin rəhbərliyi altında fəaliyyət göstərir. Kanalın aparıcısı Şifa Gerdi həmişə İraqda qızğın döyüşlər gedən məkanlardan reportaj hazırlayırdı. Onu sosial şəbəkələrdə də yaxşı tanıyırdılar.

Kanal rəhbərliyi qadın aparıcının ölümü ilə bağlı məlumatı təsdiqləyib:

“Çox təəssüf ki, tanınmış aparıcı Şifa Gerdi Mosulda gedən döyüşləri işıqlandırarkən mina partlaması nəticəsində şəhid oldu. Operator Yunus Mustafa isə ağır yaralanıb”, - deyə kanal rəhbərliyi bildirib.

Ziya Səccad
Ölkə.Az