Tanınmış xanım aparıcı Putinə meydan oxudu
“Ölkə.Az” xəbər verir ki, Rusiyada tanınmış televiziya aparıcısı Kseniya Sobçak da prezidentliyə namizədliyini irəli sürəcək. Bu barədə K.Sobçak özü məlumat verib. Onun sözlərinə görə, lazım olarsa, namizədliyini müxalifətçi Aleksey Navalnıyın xeyrinə geri götürə bilər.
“Əgər Navalnıyın namizədliyini qeydə alsalar, öz namizədliyimi geri götürmək də daxil olmaqla, onunla müxtəlif variantları müzakirə etməyə hazıram”, - deyə K.Sobçak bildirib.
O həmçinin hakimiyyətdən A.Navalnıyın 2018-ci ilin prezident seçkilərinə buraxılmasını tələb edəcəyini qeyd edib.
Onun bəyanatı Rusiyada birmənalı qarşılanmayıb. Bu çıxışından sonra aparıcı ətrafında söz-söhbətlər yaranıb. “Yedinaya Rossiya” Partiyasının Ali Şurasının katibi Sergey Neverov bildirib ki, Sobçakın prezident olmağın şansları seçicilər tərəfindən təyin olunacaq.
“Onun nə qədər şansı var? O, gərək hələ imzatoplama prosesini uğurla keçsin. Onun çoxlu tamaşaçısı və sevənləri var. Lakin K.Sobçakın prezident olmaq şansını bütün Rusiya seçiciləri müəyyən etməlidirlər”, - deyə S.Neverov bildirib.
Sankt-Peterburq şəhərinin deputatı Oksana Dmitriyeva isə K.Sobçakın açıqlamasını şoui kampaniyası adlandırıb.
“Hesab edirəm ki, nəticəyə nail olub. Artıq bütün sosial şəbəkələrdə və siyasi şərhlərdə K.Sobçakın adına rast gəlmək olar. Bu bir şoudur”, - deyə O.Dmitriyeva bildirib.
Ziya Səccad
Ölkə.Az
