Tanınmış yumor ustadı vəfat etdi

Tanınmış yumor ustadı vəfat etdi
21:26
10.11.2017
2659
Mədəniyyət
A
Rusiyanın tanınmış yazıçı-satirik, komediya aktyoru Mixayıl Zadornov vəfat edib.

“Ölkə.Az” xəbər verir ki, bu barədə “Moskva” agentliyi məlumat yayıb. Verilən məlumata görə, 70 yaşlı sənətkarın ölümü barədə teleaparıcı Regina Duboviçkaya xəbər verib.

“Çox təəssüf ki, deyilənlər həqiqətdir. Mixayıl Zadornov dünyasını dəyişib. Başqa heç nə deyə bilmərəm. Bu xəbər gözlənilməz oldu”, - deyə Regina Duboviçkaya bildirib.

SSRİ xalq artisti, deputat İosif Kobzan isə sənətkarın xərçəng xəstəliyindən öldüyünü bildirib. Onun sözlərinə görə, Mixayıl Zadornov beyin xərçəngindən əziyyət çəkirmiş.

“O, sağalmaz vəziyyətdə idi. Onun beyninin hər iki yarımkürəsi zərər görmüşdü. Dünən vəfat etdi. Belə insanların ölməyi faciədi”, - deyə İosif Kobzan bildirib.

Qeyd edək ki, M.Zadornov iyun ayında müalicə kursunu yarımçıq saxlayaraq, yaxınları ilə daha çox vaxt keçirmək istədiyini bəyan etmişdi.

Ziya Səccad
Ölkə.Az

ŞƏRH YAZ
2

Xalq artisti Çingiz Sadıxovla vida mərasimi başladı

Xalq artisti Çingiz Sadıxovla vida mərasimi başladı
12:11
Bu gün
127
Mədəniyyət
A
Xalq artisti, pianoçu Çingiz Sadıxovla Təzə Pir məscidində vida mərasimi keçirilir.

"Ölkə.Az"ın APA-ya istinadən xəbərinə görə, mərasimdə mədəniyyət və turizm nazirinin müavini Ədalət Vəliyev, mərhumun sənət yoldaşları, ailə üzvləri və yaxınları iştirak edir.

Vida mərasimi saat 14.00-da başa çatacaq.

Xalq artisti Bakıda II Fəxri xiyabanda dəfn ediləcək.

Qeyd edək ki, Çingiz Hacı oğlu Sadıxov 1929-cu il aprelin 5-də Bakıda anadan olub. İlk musiqi təhsilini paytaxtdakı Onillik musiqi məktəbində (indiki Bülbül adına Orta ixtisas musiqi məktəbi) alıb. Sonra Ü.Hacıbəyli adına Azərbaycan Dövlət Konservatoriyasının (indiki Bakı Musiqi Akademiyası) Fortepiano fakültəsində, Moskva Dövlət Konservatoriyasının aspiranturasında oxuyub. 

Görkəmli musiqiçi Azərbaycan Dövlət Filarmoniyasının solisti və konsertmeysteri olub, Bülbül, Rəşid Behbudov, Müslüm Maqomayev, Lütfiyar İmanov, Fidan və Xuraman Qasımovalar və başqa məşhur vokalçıları müşayiət edib. Çingiz Sadıxov Bakıda 16 saylı musiqi məktəbinin direktoru, “Azkonsert” yaradıcılıq birliyinin bədii rəhbəri, Bakı Musiqi Akademiyasının professoru vəzifələrində çalışıb, eləcə də Yəmən Demokratik Respublikasında İncəsənət İnstitutunun təşkilatçısı və müəllimi olub.

Çingiz Sadıxov 1959-cu ildə Azərbaycanın Əməkdar artisti, 1987-ci ildə Xalq artisti fəxri adlarına layiq görülüb. Prezident İlham Əliyevin 2009-cu il 28 oktyabr tarixli sərəncamı ilə Azərbaycan musiqi sənətinin inkişafında xidmətlərinə görə “Şöhrət” ordeni ilə təltif edilib.

Musiqiçi 1994-cü ildən ABŞ-ın San-Fransisko, son vaxtlar isə San-Xose şəhərlərində yaşayıb. 2017-ci il dekabrın 30-da orada dünyasını dəyişib.

ŞƏRH YAZ
0

Çingiz Sadıxov sabah dəfn olunacaq

Çingiz Sadıxov sabah dəfn olunacaq
15:51
15.01.2018
1703
Mədəniyyət
A
ABŞ-da vəfat edən xalq artisti, pianoçu Çingiz Sadıxovun nəşi Azərbaycana gətirilib.

"Ölkə.Az" xəbər verir ki, bu barədə APA-ya Mədəniyyət və Turizm Nazirliyinin İnformasiya və ictimaiyyətlə əlaqələr şöbəsinin İctimaiyyətlə əlaqələr və mətbuatla iş sektorunun müdiri İntiqam Hümbətov məlumat verib.

O, bildirib ki, sabah Çingiz Sadıxovla vida mərasimi keçiriləcək: “Azərbaycan prezidenti cənab İlham Əliyevin göstərişinə əsasən görkəmli musiqiçi Çingiz Sadıxovun nəşi vətənə gətirilib. Yanvarın 16-da Çingiz Sadıxovla Təzə Pir məscidində 12.00-dan 14.00-dək vida mərasimi keçiriləcək, xalq artisti Bakıda II Fəxri xiyabanda dəfn ediləcək”.

Qeyd edək ki, Çingiz Hacı oğlu Sadıxov 1929-cu il aprelin 5-də Bakıda anadan olub. İlk musiqi təhsilini paytaxtdakı Onillik musiqi məktəbində (indiki Bülbül adına Orta ixtisas musiqi məktəbi) alıb. Sonra Ü.Hacıbəyli adına Azərbaycan Dövlət Konservatoriyasının (indiki Bakı Musiqi Akademiyası) Fortepiano fakültəsində, Moskva Dövlət Konservatoriyasının aspiranturasında oxuyub. 

Görkəmli musiqiçi Azərbaycan Dövlət Filarmoniyasının solisti və konsertmeysteri olub, Bülbül, Rəşid Behbudov, Müslüm Maqomayev, Lütfiyar İmanov, Fidan və Xuraman Qasımovalar və başqa məşhur vokalçıları müşayiət edib. Çingiz Sadıxov Bakıda 16 saylı musiqi məktəbinin direktoru, “Azkonsert” yaradıcılıq birliyinin bədii rəhbəri, Bakı Musiqi Akademiyasının professoru vəzifələrində çalışıb, eləcə də Yəmən Demokratik Respublikasında İncəsənət İnstitutunun təşkilatçısı və müəllimi olub.

Çingiz Sadıxov 1959-cu ildə Azərbaycanın Əməkdar artisti, 1987-ci ildə Xalq artisti fəxri adlarına layiq görülüb. Prezident İlham Əliyevin 2009-cu il 28 oktyabr tarixli sərəncamı ilə Azərbaycan musiqi sənətinin inkişafında xidmətlərinə görə “Şöhrət” ordeni ilə təltif edilib.

Musiqiçi 1994-cü ildən Amerika Birləşmiş Ştatlarının San-Fransisko, son zamanlarda isə San-Xose şəhərlərində yaşayıb, 2017-ci il dekabrın 30-da dünyasını dəyişib.

ŞƏRH YAZ
0
BAĞLA