Tarixin gizli pərdəsi — Şirürəkli I Riçard necə ölüb?

Tarixin gizli pərdəsi
16:36
09.10.2018
5482
Maraqlı
A
Şirürəkli I Riçard İngiltərə taxtında 10 il oturub.

“Ölkə.Az” bu gün İngiltərə taxtında az müddət otursa da, bu günə qədər haqqında nağıllar, əfsanələr gəzən tarixi şəxsiyyət barədə məlumat verəcək.

Riçard Şirürəkli ünvanını əldə edib. Amma o, cavan yaşlarında dünyasını dəyişib. Onun ölümü isə orta əsrlərin ən müəmmalı sirlərindən biridir. Məlumdur ki, Riçardın Fransa kralı II Filipplə gərgin münasibətləri olub. İki krallıq arasında sülalə və vassal münasibətlərinə görə də münasibətlər gərgin idi. Uğursuz Üçüncü Səlib yürüşü münasibətləri daha da pisləşdirdi. Nəticədə II Filipp Riçardın kiçik qardaşı İoanı qardaşını taxtan devirməyə qızışdırmağa başladı.
Riçard isə Səlib Yürüşündən qayıtdıqdan sonra Fransaya qarşı müharibəyə başladı. Nəticədə 1199-cu ildə qələbə qazandı və sülh müqaviləsi imzalandı. Amma Riçard İngiltərəyə çata bilmədi. Fransa ərazisində baş verən bir hadisəyə görə özü və ordusu iştirak etməli oldu. Onun vassalı Eymar Limojski torpaqlarında qədim dövrə aid qızıl xəzinə tapır. O dövrün qanunlarına əsasən, xəzinənin bir hissəsi senyor kimi Riçarda çatmalı idi. Amma vassal qızılı bölüşdürmək istəmirdi və Riçard ordusu ilə müdaxilə etmək məcburiyyətində qaldı. Riçard və ordusu Eymarın Şalyu-Şabrol qəsrini mühasirəyə aldı. Bu zaman qəflətən kral dünyasını dəyişdi.

Orta əsr xronikasına əsasən, 1199-cu ilin 26 mart tarixində, hücumdan əvvəl kral silahdaşları ilə qəsrin ətrafını gəzir, hücum üçün uyğun mövqe seçirdi. Ox məsafəsindən uzaqda olduqları üçün çəkinmirdilər. Amma qəsrin müdafiəçiləri arasında arbaletçi var idi və o, arbaletdən atəş açdı. Riçard yaralandı. Bəziləri onun əlindən, bəziləri çiynindən, bəziləri isə boynundan yaralandığını bildirir.

Kralı düşərgəyə apardılar və yarasını bağladılar. Amma 6 aprel tarixində Riçard dünyasını dəyişdi.

Demək olar ki, bütün tarixçilər kralın zəhərli arbalet boltundan öldüyünü bildirirlər. Avropalı cəngavərlər bu üsulu Yaxın Şərqdən öyrənmişdilər.

Amma 2012-ci ildə bir qrup fransız alim Riçardın qalıqlarını tədqiq etməyə icazə əldə etdilər. Onların məqsədi ölümün səbəbini müəyyən etmək lazım idi. Kralın qalıqlarını və ürəyinin bir parçasını analiz etdilər. Kralın vəsiyyətinə əsasən isə onun bədəninin hissələri müxtəlif yerlərdə dəfn etmişdilər.
Analiz müəyyən edib ki, Riçardın yarasına heç bir zəhər düşməyib. Kral infeksiyadan dünyasını dəyişib və bu infeksiya qanı zəhərləyib. Həqiqətən də orta əsrlərdə yaralanan döyüşçülərin bir çoxu bu səbəbdən dünyasını dəyişirdi. Orta əsr Avropasında tibb bilikləri və gigiyena barədə məlumatlar kifayət qədər deyildi. Bu səbəbdən də Riçardın ölüm səbəbi bunun olduğu bilindi. Amma yenə də tarixin böyük sərkərdəsinin kim tərəfindən qətlə yetirildiyi barədə məlumat yoxdur.

Şalyu-Şabrol qəsri hərbi əməliyyatlar üçün hazırlanmışdı. Mühasirədən əvvəl qəsdə cəmi iki cəngavər var idi. Qarnizonun digər döyüşçüləri adi hərbçilər idi. İngilislər bu iki cəngavəri üzdən yaxşı tanıyırdılar. Çünki onlar qala divarlarının müdafiəsini təşkil edirdilər və rəhbərlik edirdilər.

Deməli bu iki döyüşçüdən biri arbaletdən atəş açıb. Məhz kral da bu atəşdən dünyasını dəyişib. Cəngavərlərin də kim olduğu barədə versiyalar müxtəlifdir. Bəziləri Pyer Bazil, Bertran de Qudrun, Con Sebrozun adını çəkir. İş orasındadır ki, Pyer və Bertranın adı Riçardın ölümündən 10 illərlə sonra çəkilir. Pyerin adı miras işində hallanıb, Bertran isə Albiqoy savaşında iştirak edib. Bu səbəbdən Riçardın qatilinin kim olduğu bu günə qədər də naməlumdur...

Hikmət Həsənov
Ölkə.Az

ŞƏRH YAZ
0

Öz niyyət və planlarınızı gizlətməyin

Öz niyyət və planlarınızı gizlətməyin
01:30
Bu gün
3417
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - günün ilk yarısında mənfi təmayüllərin təsiri güclü olacaq. Ehtiyatlı olun, sayıq davranın. Peşəkar fəaliyyətlə bağlı mühüm məsələləri həll etmək üçün yaxşı zaman deyil. Sizə yardım və dəstək vəd edən insanların yardımlarına bel bağlamayın. Kömək etmək istədiklərini deyən insanlar sizin maraqlarınızı nəzərə almırlar.

Günün ikinci yarısında müsbət təmayüllərin təsiri güclənəcək. Axşam saatları maraqlı ünsiyyət və görüşlər zamanıdır.

Yaşam potensialının səviyyəsi yüksək olsa da, orqanizmi sınağa çəkməyin. İfrata varmaq xroniki ağrıları gücləndirə bilər.

Buğa - yaranmış situasiyanı mümkün qədər tez dəyərləndirməyə çalışın. Situasiyanı düzgün qiymətləndirsəniz, gününüz pis keçməyəcək. Yanlış ümidlər və illüziyalardan qurtulmağa çalışın. Bu, sizə xoş olmasa da, problemin öhdəsindən gəlin. Ünvanınıza deyilən tənqidlərə diqqətlə qulan asın. Eşidəcəyiniz sözlər arasında məntiqli, ağıllı ifadələr də var.

İşgüzar görüşlərdə soyuqqanlı və sayıq olun. Vədlər verməyin, çünki onlara riayət etmək asan deyil. İşdə həmkarlarla fikir ayrılıqları ola bilər.

Günün ikinci yarısında isə şəxsi münasibətlər müstəvisində problemlər həllini tapacaq. Müsbət təmayüllərin təsiri güclənir. Ciddi çətinliklər olmayacaq. Axşam saatlarında yaxınlarınızı xoş xəbərlərlə sevindirməyə çalışın.

Ailə üzvlərinizin istəklərini nəzərə alın.

Əkizlər - emosiyalarınızı nəzarətdə saxlayın. Hisslərinizi cilovlaya bilməsəniz, bunun heç bir yaxşı nəticəsi olmayacaq. Adi vaxtlarla müqayisədə münaqişələrin sayı sürətlə artır. Etiraf edin ki, belə situasiyanın formalaşmasında özünüz də suçlusunuz. İşdə həmkarlar və rəhbərlik istənilən səhvinizə diqqət yetirəcək, sizi nəzarətdə saxlayacaqlar. Təkbaşına gördüyünüz böyük həcmdə işi onlar görməyəcəklər.

Günün ikinci yarısında mühüm məsələləri yaxınlarınızla müzakirə etməyin. Problemləri təkbaşına həll etməyə çalışmayın. Seçiminiz sual doğura bilər. Həll və çözüm axtarışını bir qədər ertələməyə can atın.

Axşam saatlarında gəzintiyə çıxmayın.

Xərçəng - bu gün əməlli-başlı çalışmalısınız. Əldə edəcəyiniz uğurlar gələcək qələbələrinizin rəhni ola bilər. Yeni işgüzar münasibətlərə başlamaq üçün pis zaman deyil. Yeni müttəfiqlər və hamilər axtarışına başlamaq olar. Səyləriniz əbəs olmayacaq. Gördüyünüz işlərə görə mükafat və ya ödəniş əldə etmək asan olmasa da, narahat olmayın. Sonucda ödəniş səxavətli olacaq.

Günün ikinci yarısında bilik və informasiya əldə etmək, yaxşı məsləhətlər almağa can atın. Peşəkar fəaliyyət sahəsində başqasının təcrübəsindən yararlana bilərsiniz. Şəxsi münasibətlərinizin rəvan olmasına çalışın.

Axşam saatlarında səhhətinizdə problemlər yarana bilər. Narahat olmayın, ciddi ağrılar olmayacaq.

Şir - günün ilk yarısında aktiv və qətiyyətli olun. Peşəkar fəaliyyət sahəsində əhəmiyyətli uğurlar əldə edə bilərsiniz. Saatlar keçdikcə sədlər və maneələrin sayı artacaq. Etibar etdiyiniz müttəfiqə, köhnə dosta üz tutaraq yardım istəyə bilərsiniz. Bununla belə, müraciətinizə rədd cavabı da istisna deyil.

Yeni işgüzar təmaslara və əməkdaşlığa başlamaq olar. Yerinə yetirilməsi çətin, bəzən də mümkünsüz vədlər verməyin.

Şəxsi münasibətlərdə intuisiyaya bel bağlayın. Diqqətli olsanız, səhvlərin sayı azalacaq, dürüst həllin tapılması sürətlənəcək.

Nagahani etiraf, nəzərdə tutulmamış görüş istisna deyil.

Qarşı tərəfin rəğbətini qazanmağa çalışın.

Qız - günün ilk yarısında maksimum dərəcədə ehtiyatlı davranın. Sizi aldatmağa, fırıldaq və kələyin qurbanı etməyə çalışan insan var. Mənfi təmayüllərin təsiri saatlar keçdikcə azalacaq. Son vaxtlar sizi narahat edən bir sıra məsələlər həllini tapa bilər. Yeni işlərə başlamağa tələsməyin. Həmin işləri həyata keçirəcəyiniz yolda dəf ediləsi çox çətin problemlər yarada bilər.

Günün ikinci yarısında bəzi planları dəyişmək, nəzərdə tutulmuş əyləncələrdən imtina etmək gərəkdir. Çətin vəziyyətə düşmüş yaxınınıza yardım edin. Maliyyə probelmləri yaranarsa, onları çözməyin yollarını arayın.

Qəfil hədiyyə və gəlir istisna deyil.

Tərəzi - əsas məsələ sakitliyi qorumaq və ya heç olmasa, belə görüntü yaratmaqdır. Qeyri-rəvan, gərgin gündür. Mahiyyət etibarilə pis zaman deyil. Sadəcə, başınızı itirməyin, çaş-baş qalmayın. Yeni layihə və işlərin reallaşdırılmasında irəliləyə bilərsiniz.

Daşınmaz əmlakla bağlı anlaşmalara nail olmaq, habelə ev üçün nə isə almaq olar.

Təmkinli və səbrli olsanız, yaranmış problemləri həll etməklə yanaşı yeni layihələrin gerçəkləşdirilməsinə başlaya bilərsiniz.

Günün ikinci yarısı faydalı məlumatın əldə olunması, yarımçıq işin başa çatdırılması istisna deyil. Sırf məişət məsələləri, praktiki məqamlarla bağlı ailədə fikir ayrılığı yarana bilər. Ciddi anlarda yaxınlarınız və ailə üzvləriniz sizi dəstəkləyəcəklər.

Əqrəb - bu günə hansısa mühüm işi planlaşdırıbsınızsa, təkbaşına və müstəqil işləməyə hazır olun. Müttəfiqlərlə dil tapmaq asan deyil. Sizi yanlış anlayacaqlar. Birgə layihələrin həyata keçirilməsi fikir ayrılıqları və münaqişələr yarada bilər.

Sənədlərlə çalışmaq, yaxın gələcəklə bağlı planlar qurmaq, maliyyə məsələlərini həll etmək olar.

Günün ikinci yarısında yaxınlarınızla münasibətlər rəvan və harmonik olacaq. Səmimiyyət, qayğı, diqqətə ehtiyacı olanların istəklərini nəzərə alın. Öz niyyət və planlarınızı da gizlətməyin. Sizə dəyər verən insanlar yardımlarını əsirgəməyəcəklər.

Oxatan - aktiv və qətiyyətli olun. Sizinlə mübahisə etmək çətindir. Amma bu, o demək deyil ki, bütün məsələlərdə haqlısınız. Yaxın ətrafınızdakı insanların barənizdə dedikləri sözlərə diqqətlə qulaq asın. Səfər və səyahətlər planlaşdırılandan artıq vaxt alacaq. Qəfil təxirəsalma və gecikmə mühüm görüşün baş tutmamasına səbəb ola bilər. Amma narahat olmayın, görüşəcəyiniz insan sinirlənməyəcək.

Günün ikinci yarısı maliyyə məsələlərinin həlli üçün düşərli zamandır. Anlaşmalar, sövdələşmələr, alış-veriş üçün pis vaxt deyil. Yaradıcılıq potensialının səviyyəsi yüksəkdir. Təxəyyül və bacarıq tələb edən işlərdə aktiv olun.

Oğlaq - peşəkar fəaliyyət sahəsində çiyinlərinə düşən yüklər az deyil. Yeni öhdəliklər və qayğılar peyda olur. Gördüyünüz əməyin müqabilində istədiyiniz məbləği ala bilmirsiniz. Vaxtınızı dürüst dəyərləndirsəniz, çox iş görə bilərsiniz. Uğurlarınız məhsuldar çalışa bilməyən insanlarda paxıllıq yaradır.

Günün ikinci yarısında aldığınız bütün məlumatları və informasiyaları yoxlayın. Kimsə sizi aldatmağa, manipulyasiyalarının qurbanına çevirməyə çalışacaq.

Şəxsi münasibətlərdə irəliləyiş baxımından əlverişli zamandır. Yaxınlarınızla təmaslarda heç bir çətinlik çəkmədən ümumi dil tapacaqsınız.

Ailə üzvlərinin xətrinə dəyməyin. Sərt və aqressiv olmayın.

Dolça - özünüzü həddən artıq yormayın, görə biləcəyiniz işlərə başlayın. İmkan və potensialınızın hüdudsuz olmadığını bilin. İfrat yorğunluq qıcıq mənbəyi ola bilər. Başağrısı və yuxusuzluq yarada biləcək məqamların sayının azaldılmasına çalışın.

Ən mühüm işlərdən savayı yerdə qalan işlərin hamısını başqalarına həvalə edə bilərsiniz.

Günün ortalarında mühüm görüşlər keçirmək olar. Bir şərtlə ki, həmin qarşılaşma xoş ortamda olsun.

Yeni tanışlıqlar, maraqlı görüşlər istisna deyil. Yaxın ətrafınızdakı insanlarda özünüzlə bağlı xoş təəssürat yaratmağa çalışın.

Yeni münasibət qurularsa, onun ömrü uzun olacaq.

Balıqlar - uğurlu gündür, çətin problemlərinizi həll edə bilərsiniz. Rəqiblər və bədxahlarla müqayisədə mürəkkəb işləri daha tez başa vura bilərsiniz. İşgüzar tərəfdaş və ya işdəki rəhbərliklə münasibətlərinizdəki çoxdankı ixtilafı çözə bilərsiniz. Peşəkar mövqelərinizi daha da möhkəmləndirin. Amma son vaxtlar bədxahlarınızı dəstəkləyən insanların son zamanlar mövqelərini dəyişməsi şübhəlidir. Buna inanmayın.

Günün ikinci yarısı olaylarla zəngin olacaq. Sizinlə maraqlanacaqlar. Amma əfsuslar olsun ki, onların arasında diqqətə və etibara layiq olmayanlar az deyil.

Ümumi işə başlamazdan əvvəl bu insanın davranışına diqqətlə nəzər salın.

Ölkə.Az

ŞƏRH YAZ
0

Bu bitki müqəddəs bağlarda yetişdirilib, mumiyalara vurulurdu...

Bu bitki müqəddəs bağlarda yetişdirilib, mumiyalara vurulurdu...
00:29
Bu gün
2612
Maraqlı
A
Vaxtilə lavanda bitkisi ticari, mədəni və dini əhəmiyyət daşıyırdı. Qədim misirlilər onu müqəddəs Fiva bağlarında yetişdirirdi. Misirdə mumiyaların balzamlanmasında istifadə edilən maddənin əsas komponentlərindən biri də lavanda olub. Keçən əsrin 20-ci illərində Misir fironu Tutanxamonun mumiyasından ətirli lavandanın qalıqları tapılıb. Deməli, lavanda min illər boyu öz ətrini saxlaya bilir.

"Ölkə.Az" AzərTac-a xəbər verir ki, gözəl ətrinə və dadına görə lavanda qədim zamanlardan tanınırdı. Qədim romalılar bitkidən suyu ətirləndirmək üçün istifadə edirdilər. Latınca “lavare” yuyunmaq deməkdir, lavandanın adı da elə həmin sözdən götürülüb. Orta əsrlərdə lavanda həm ədviyyat, həm də dərman bitkisi kimi çox yüksək qiymətləndirilirdi. Onu qurudaraq digər ətirli bitkilərə qarışdırıb kiçik kisəciklərə doldurur, kisəciklərin ağzı tikilir və quru yerdə saxlanılırdı. Ətirli kisəciklərdən ağrılı nahiyəyə qoymaq üçün və miqren xəstəliyi zamanı geniş istifadə edilirdi. Lavanda parazit cücüləri, milçəkləri və s. qovmaq üçün şkaflara və ipək parçaların arasına səpilirdi.

Onu əsasən iki məqsədlə- ədviyyat kimi və efir yağlarının alınması üçün yetişdirirdilər. Lavandadan ən çox Fransada efir yağı istehsal edilir və il ərzində ondan 60-70 ton efir yağı alınır. Distillə yolu ilə alınan efir yağından tibb, kosmetologiya və ətriyyat sahəsində istifadə edilir. Lavanda spirti antiseptik vasitə kimi bəzi məlhəmlərin tərkibinə daxildir. Bunlardan əlavə lavanda ədviyyat bitkisi kimi italyan, fransız və ispan kulinariyasında, xüsusilə ətli yeməklərin hazırlanmasında geniş tətbiq edilir. Onun ətrini daha da gücləndirmək üçün şüyüd və adaçayı ilə birlikdə istifadə edirlər.

Fransada bitki diuretik, Avstriyada sakitləşdirici kimi tətbiq olunur. Bolqarıstanda bitkinin çiçəklərindən sinir və həzm sistemi xəstəliklərində, Polşada isə dəmləməsindən orta qulağın iltihabı (otit) zamanı istifadə edirlər.

Revmatizm xəstəliyinin, taxikardiya və miqren tutmaları zamanı lavanda yağı spirtdə həll olunaraq qəbul edilir. Lavanda qrip xəstəliyi zamanı müsbət təsir göstərir, oyanıqlığı azaldır, yuxusuzluğun, isterik reaksiyaların qarşısını alır, istənilən dəriyə müsbət təsir göstərir. Lavanda orqanizmin infeksion xəstəliklərə qarşı müqavimətini artırır, iltihab əleyhinə təsirinə görə sistit, uretrit və vaginitlərin müalicəsində istifadə edilir, şlakları orqanizmdən xaric edir.

Ölkə.Az

ŞƏRH YAZ
0
BAĞLA