Tayland kralının meyiti bu sarayda yandırılacaq — FOTOLAR

Tayland kralının meyiti bu sarayda yandırılacaq
18:05
19.10.2017
435
Dünya
A
Taylandın sabiq kralı Bhumibol Abdulyadejin nəşi keçiriləcək tədbirlə yandırılacaq.

"Ölkə.Az" xəbər verir ki, mərasimin keçiriləcəyi sarayın inşası 10 aydan sonra başa çatıb. Dəfn mərasimi 5 gün davam edəcək.

Taylandın kralı Vajiralonqkorn isə paytaxt Banqkokdakı sarayın inşasının başa çatma mərasiminə rəhbərlik edib. Sarayın üstünə çıxan kral binanı müqəddəsləşdirib.

Saray buddist ənənəsindəki cənnət təsvirlərini təqdim edən müxtəlif tanrı və tanrıçalarla bəzədilib.

Qara geyinən yüz minlərlə insan yas tutmaq üçün 5 gün davam edəcək dəfn mərasimini seyr etmək və kralla vidalaşmaq üçün Krallıq Sarayının yaxınlığında düşərgə qurub yaşayacaq.

Qeyd edək ki, mərhum kral Bhumibol 1946-2016-cı illər arasında Taylandın kralı olub.

Hikmət Həsənov
Ölkə.Az

ŞƏRH YAZ
0

Rusiyanın Yekaterinburq şəhərində binada yanğın: 100-dən çox sakin təxliyə olunub

Rusiyanın Yekaterinburq şəhərində binada yanğın: 100-dən çox sakin təxliyə olunub
01:17
Bu gün
398
Dünya
A
Rusiyanın Yekaterinburq şəhərində 16 mərtəbəli binada yanğın baş verib.

"Ölkə.Az"ın Rusiya KİV-lərinə istinadən verdiyi məlumata əsasən, ilk öncə binanın 9-11-ci mərtəbələri, daha sonra 12-ci mərtəbəsi də yanmağa başlayıb.

İlkin məlumata əsasən, 100-dən çox sakin təxliyə olunub. Ölən və yaralananlar barədə məlumat verilmir. Hadisə yerində 15 ədəd yanğınsöndürən texnika və 47 yanğınsöndürən çalışır.

Yanğının səbəbləri araşdırılır.

Ölkə.Az

ŞƏRH YAZ
0

ABŞ-ın rəhbərlik etdiyi koalisiya Suriyaya havadan zərbə endirib

ABŞ-ın rəhbərlik etdiyi koalisiya Suriyaya havadan zərbə endirib
00:21
Bu gün
625
Dünya
A
ABŞ-ın rəhbərlik etdiyi koalisiya qüvvələri Suriyanın Deyr-ər-Zor şəhərində dinc əhalini bombalayıb.

"Ölkə.Az" "RİA Novosti"yə istinadən xəbər verir ki, bunu Suriyadan olan hərbi mənbə deyib.

Zərbənin Əs-Susa kəndinə endirildiyi qeyd olunur.

"Bəli, bu gün belə bir hadisə baş verib, koalisiya aviasiyası daima günahsız insanların evlərini bombalamaqla İŞİD-ə kömək edir", – deyə mənbə əlavə edib.

Hadisə nəticəsində ölən və yaralananlar var.

Ölkə.Az

ŞƏRH YAZ
0
BAĞLA