Taylandda qəribə hadisə
Taylandda qəribə hadisə baş verib.
"Ölkə.Az" xəbər verir ki, evinin mətbəxində yemək hazırlayan qadının başına tavandan 4 metrlik kobra ilanı düşüb. İlan zəhərli kral kobrasıdır.
İnsident bu gün səhər saatlarında Taylandın cənubundakı Sonqxla şəhərində baş verib. Xoşbəxtlikdən qadın xəsarət almayıb. Amma ciddi şəkildə sarsıntı keçirib.
Qadının əri dərhal hadisə yerinə heyvanların müdafiə xidmətinin əməkdaşlarını çağırıb. Xidmətin əməkdaşları ilanı tuta biliblər.
Qeyd edək ki, bir müddət əvvəl çıxan xəbərə əsasən Çində kobra ilanı avtomobilin kapotu altında gizlənmişdi.
Hikmət Həsənov
Ölkə.Az
