Tayvanda kişi beyni ölmüş sevgilisi ilə evləndi

Tayvanda kişi beyni ölmüş sevgilisi ilə evləndi
13:49
10.09.2019
4732
Dünya
A
Tayvanda bir oğlan, beyin ölümü keçirmiş sevgilisi ilə evləndi.

"Ölkə.Az" xəbər verir ki, onun sevgilisi Vanq 22 avqustda qəzaya düşüb. O, motosikletlə gedərkən qadağan edilmiş  dönüş edən avtomobil ilə toqquşub. 3 gün sonra həkimlər Vanqda  beyin hüceyrələrinin öldüyünü müəyyən ediblər. Bundan sonra onun həyatı süni şəkildə yaşadılıb. Qadın, uzun müddətdir sevgilisi olan Lin adlı oğlanla evlənməyi planlaşdırıb. Münasibətləri 11 il davam etsə də, Vanqın valideynlərinin etirazları səbəbindən onlar evlənə bilməyib.

 Lin qəzadan bir müddət əvvəl onların razılığını alıb. O,  sevgilisi üçün xəstəxana otağında təmtəraqlı toy təşkil edib. Bəy ağlaya-ağlaya qohumlarının gözü qarşısında fatada yatan gəlinin barmağına üzük taxıb. Bundan sonra qadını həyat təminatı aparatından ayırıblar. Vanqın daxili orqanları  ürək, qaraciyər, gözün buynuz qişası, qan damarları və dərisi daxil olmaqla, 12 orqanı ehtiyacı olanlara hədiyyə edilib.

 "Bu, digər insanları xilas etməyə imkan verib", — deyə qadının anası bildirib. — Beləliklə, o, yer üzündə qalacaq və uşaqların necə böyüdüyünü izləyə biləcək".

Müşfiq Məmmədov

Ölkə.Az

ŞƏRH YAZ
0

Xalq artistinin oğlu olduğunu deyən gənci anası evdən qovdu — FOTO

Xalq artistinin oğlu olduğunu deyən gənci anası evdən qovdu
20:58
16.10.2019
1631
Dünya
A
Gürcüstanlı balet artisti Nikolay Tsiskaridzenin oğlu olduğunu iddia edən və Rusiyada yaşayan azərbaycanlı Timur Əkbərov küçədə qalıb.

“Ölkə.Az” oxu.az-a istinadən xəbər verir ki, etiraflardan sonra anası Timuru döyüb və evdən qovub.

Məlumatlara görə, hazırda onun getməyə yeri yoxdur. O işləmir və şənbə günləri pullu teatr kursuna gedir. Onun qalmaq və təhsil xərclərini kimin ödəyəcəyi məlum deyil.

Timur bildirib ki, onun anası ilə hazırda Bakıdakı bazar rəhbəri arasında sevgi macəraları yaşanır.

“Anamın sevgilisi atamla görüşmək üçün Peterburqa uçub”, - deyə 19 yaşlı Timur bildirib.

Qeyd edək ki, gənc azərbaycanlı aktyor ulduz atası ilə görüşmək istəyir və məşhur balet ustası ilə qohumluğunu təsdiqləmək üçün DNT testindən keçməyə hazırdır.

Məşhur gürcü balet artisti Nikolay Tsiskaridze isə 45 yaşına qədər qeyri-qanuni övlad sahibi olacağını təsəvvürünə belə gətirməyib. Telefon əlaqəsi zamanı onun köməkçisi söylənilən fikirlərə gülüşlə reaksiya verib. Balet ulduzu isə danışmaqdan imtina edib.

Ölkə.Az

ŞƏRH YAZ
0

Ruhaninin qardaşı həbsxanaya göndərildi

Ruhaninin qardaşı həbsxanaya göndərildi
18:45
16.10.2019
1389
Dünya
A
Prezidentin həbs olunan qardaşı cəza çəkmək üçün həbsxanaya göndərilib.

“Ölkə.Az” İRİB-ə istinadən xəbər verir ki, İran Prezidenti Həsən Ruhaninin qardaşı Hüseyn Fereydun barəsində çıxarılan cəzanı çəkmək üçün həbsxanaya göndərilib.

Vəkilin dediyinə görə, Hüseyn Freydun barəsində çıxarılan 5 illik cəzanı çəkmək üçün həbsxanaya göndərilib. 

H. Freydun rüşvət və korrupsiya faktlarına görə 5 il azadlıqdan məhrum edilib. H.Freydun ancaq böyük məbləğdə cərimə ödədikdən sonra azadlığa çıxa bilər.

Ölkə.Az

ŞƏRH YAZ
0
BAĞLA